UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Om stillinga

Det juridiske fakultet lyser med dette ut ei stilling som postdoktor i fagfeltet Formuerett. Stillinga er ei 6-årig mellombels stilling med innstegsrett som førsteamanuensis. Mot slutten av perioden vil kandidaten bli vurdert for fast stilling som førsteamanuensis i samsvar med nasjonale og interne retningsliner og krav.

Stillinga har forsking på og undervising i norsk formuerett som føresetnad, og det krevst at kandidaten kan undervise på dei obligatoriske emna på det integrerte masterstudiet i rettsvitskap ved fakultetet. Det krevst at søkaren har inngåande forskingserfaring innan formuerett.

På grunn av likskapen mellom dei skandinaviske rettssystema, kan forskingserfaring innan formuerett i andre skandinaviske land vere likeverdig med slik røynsle frå norsk rett dersom kandidaten óg kan demonstrere evne til å undervise studentar ved fakultetets masterprogram i rettsvitskap.

Søkjarar til stillinga må ha avlagt doktorgrad i rettsvitskap innan dei siste 5 åra. Fristen kan utvidast på grunn av permisjon frå jobb i samband med fødsel eller adopsjon.

Om innstegsstillinga

Formålet med tilsetjinga i ei åremålsstilling er å rekruttere ein kandidat som skal ha moglegheit til å kvalifisere seg for ei fast stilling på heiltid som førsteamanuensis for slik å byggje opp den formuerettslege kompetansen ved fakultetet. Det skal leggjast til rette for at kandidaten skal kunne utvikle nødvendig kompetanse innan undervisning, forsking, formidling og administrasjon. Dei fire første åra av tilsetjingsperioden vil søkjaren ha same fordeling mellom forsking, undervisning og administrasjon som andre postdoktorar. Kandidaten si undervisningsplikt vil omfatte det obligatoriske emnet Allmenn formuerett på 4. år av masterstudiet (undervisast på norsk). For den resterande perioden vil arbeidet følgje fakultetets standardfordeling mellom oppgåver for vitskapelig tilsette, i dag fastsett til forsking 46%, undervisning 46 % og administrasjon 8 %.

Det krevst at søkjaren:

• Utfører og publiserer forsking innan formuerett

• Tar del i undervisning og vegleiing av studentar

• Følgjer UiB-programmet for universitetspedagogikk

• Tar del i og bidrar til søknader om ekstern finansiering av forsking

Det er venta at søkaren vil vere eit aktivt medlem av Forskargruppa for obligasjonsrett, tingsrett og konkursrett og elles bidra til fagmiljøet ved fakultetet.

Ein seniormedlem av dei vitskapeleg tilsette ved fakultetet vil fungere som mentor i tilsetjingsperioden. Det vil bli gjennomført ein midtvegsevaluering ved starten av år 4 og ein sluttevaluering ved starten av år 6.

Kvalifikasjonar og eigenskapar:

• Norsk doktorgrad i rettsvitskap eller tilsvarande grad frå utlandet, oppnådd innan dei siste 5 åra (fristen kan utvidast på grunn av permisjon frå jobb i samband med fødsel eller adopsjon).

• Demonstrert høg kompetanse i enten norsk eller annan skandinavisk formuerett.

• Evne til å arbeide sjølvstendig og strukturert, og til å samarbeide med andre.

• Ferdigheiter i norsk eller eit anna skandinavisk språk er eit krav.

• Sterke mellommenneskelege ferdigheiter og evne til å jobbe og kommunisere godt med andre i eit team. Dokumentert undervisningserfaring og ferdigheiter vil bli vektlagt.

Vi tilbyr

• Moglegheit for fast stilling som førsteamanuensis ved slutten av åremålsperioden (med vidare opprykk til professor etter fastlagte prosedyrar).

• Ei god mogelegheit for karriereutvikling ved ein av dei ledande juridiske forskingsinstitusjonane i de skandinaviske landa.

• Dedikerte driftsmidlar og moglegheit til å gjennomføre besøksstipend i utlandet i tilsettingsperioden.

• Tilsetjing som postdoktor (kode 1352) i lønsregulativet til staten. Dette utgjer ei årsløn på kr. 720 100. Videre lønnsutvikling vil vera avhengig av prestasjon og ansiennitet. Høgre lønn kan vurderast for ein spesielt godt kvalifisert søker.

• Medlemskap i Statens Pensjonskasse.

• Stilling på en inkluderande arbeidsplass (IA-bedrift).

• Gode velferdsordningar.

Generell informasjon:

Send søknaden i Jobbnorge via the link “Apply for this job”.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn og nedsett funksjonsevne blir oppmoda om å søkje stillinga.

Den som blir tilsett må rette seg etter dei retningslinene som til ei kvar tid gjeld for stillinga.

Utfyllande opplysningar om stillinga kan ein få ved å vende seg til dekan Karl Harald Søvig, e-post: karl.sovig@uib.no.

Søkjarar må nemne dei arbeida eller delar av arbeida som det skal leggjast særleg vekt på ved vurderinga. Desse bør ikkje vere fleire enn 10.

Søknad og vedlegg skal sendast elektronisk via linken på denne sida «Søk denne stilling» til Universitetet i Bergen.

Dersom søkjaren har vitskaplege arbeid som ikkje kan sendast elektronisk på grunn av format eller storleik, kan dei sendast per post (i alt 3 eksemplar/sortert i 3 like bunkar) saman med ei liste over desse til Universitetet i Bergen, Det juridiske fakultet, Postboks 7806, 5020 Bergen innan søknadsfristen.

Dei vitskaplege arbeida og vitnemål må vere på eit skandinavisk språk eller engelsk.

Vitskaplege arbeid på andre språk kan godkjennast etter særskild søknad innan søknadsfristen. Omsetjingar av vitnemål og vitskaplege arbeid må sendast fakultetet innan søknadsfristen.

Innleverte vitskaplege arbeid blir ikkje returnert med mindre søkjaren ber om dette i søknaden.

Søknaden må dessutan innehalde namn og kontaktopplysningar til referanse som kan stadfeste korleis søkjaren fungerer i undervisningssamanheng.

Det kan bli nytta intervju og prøveforelesing i tilsettingsprosessen.

Det blir elles vist til rettleiing for søkjarar på webadresse: https://www.uib.no/jur/24432/reglement-og-retningslinjer.

Søknadsfristen er 25. april 2025.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Retten til fast stilling som førsteamanuensis

Åremålsstillinga er oppretta med heimel i Forskrift om ansettelse på innstegsvilkår. Åremålsstillinga tar sikte på å kvalifisere for fast tilsetting i ein kombinert undervisnings- og forskarstilling.

Arbeidskontrakten, saman med utlysingsteksten, fastset kva resultat, krav og vilkår søkaren skal oppfylle i løpet av åremålsperioden for å få fast stilling som førsteamanuensis.

For å få fast stilling ved Det juridiske fakultet etter åremålsperiode, må kandidaten gjennom ein sluttevaluering. Målet med evalueringa er å avgjere om kandidaten har oppnådd gjeldande krav til ein stilling som førsteamanuensis.

I tillegg til å oppfylle kravet til førsteamanuensis, må kandidaten ha oppnådd grunnleggande pedagogisk kompetanse basert på opplæring og undervisningserfaring. Kandidaten vil bli tilbydt opplæring for å oppfylle krava. Forskriften er under revisjon, og tilsetting vil skje etter dei overgangsvilkåra som eventuelt vert fastsett.

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5

Informasjonskapsler på arbeidsplassen.no

Rapporter annonse