Me søkjer ein engasjert og driftig einingsleiar til å leia publikums- og formidlingseininga vår. Eininga har ei allsidig drift med fokus på å formidla maritim handverkskunnskap og kulturhistorie til eit breitt publikum. Me har eit variert tilbod, som aktivitetsbasert formidling, utstillingar, omvisingar, undervisningsopplegg og kurs, utleige av båtar og fartøy og kafédrift og servering.

Eininga har ansvar for forvalting og drift av S/J “Mathilde” og dei andre fartøya som Hardanger fartøyvernsenter forvaltar, samt drifta av småbåtverkstaden. Våren 2025 flyttar me inn i eit nytt, stort publikumsbygg med ny og større kafé, nytt utstillingslokale og filmsal. Dette gjev oss eit stort potensial for nye satsingar og auka publikumsbesøk. Å utnytta dette potensialet vil vera ein viktig del av arbeidet til den nye einingsleiaren. Publikums- og formidlingseininga har om lag 10 fast tilsette, og fleire sesongtilsette.

Arbeidsstad vil vera ved Hardanger fartøyvernsenter i Norheimsund. Stillinga rapporterer til leiar ved Hardanger fartøyvernsenter og inngår i leiargruppa ved Hardanger fartøyvernsenter.

Ansvar og arbeidsoppgåver

Som einingsleiar for publikum og formidling vil ei av hovudoppgåvene dine vera å fylgja opp, koordinera og vidareutvikla alle dei varierte driftsområda saman med dei tilsette, frivillige/venelag og eksterne samarbeidspartar. Saman med dyktige kollegaer vil du arbeida for å fremja Hardanger fartøyvernsenter og vera ein viktig bidragsytar i utviklinga av verksemda.

Andre relevante arbeidsoppgaver vil vera

fagleg og administrativt ansvar for publikums- og formidlingseininga, inkludert «Mathilde» og småbåtverkstaden
sal, samarbeid og vidareutvikling av eininga
budsjett-, resultat- og personalansvar for eininga
planleggja, fylgja opp og gjennomføra oppgåver og prosjekt
søknadsarbeid og rapportering

Kvalifikasjonar og personlege eigenskaper

Me ser etter ein lagbyggjar som ønskjer å vere ein tydeleg, inspirerande og synleg leiar. Du evner å skape entusiasme for endring og utvikling av tilboda våre ved fartøyvernsenteret. Du vert motivert av ei spanande og interessant leiarrolle i kulturfeltet.

Videre ser vi for oss at du har

relevant høgskule- eller universitetsutdanning
erfaring med, og interesse for sal og kundeoppfølging
relevant erfaring frå reiseliv og kulturfagleg arbeid
erfaring med formidling
interesse og engasjement for maritim kultur og historie
leiarerfaring og relevant administrativ erfaring er ein føremon
gode språkkunnskapar på nynorsk og engelsk, skriftleg og munnleg

Som einingsleiar for publikum og formidling vil du ha ei brei kontaktflate og samarbeide tett med dei andre einingsleiarane og kolleger, i tillegg til andre samarbeidspartnarar. Det er difor viktig at samarbeids- og kommunikasjonsferdigheiter er gode, også på tvers av fagområde og ulike prosjekt.

Talent, nysgjerrigheit og evne til å lære er viktigast. Dersom du har spisskompetanse på noko av det me er på jakt etter, og har ambisjonar og eit ønskje om å utvikle deg vidare, oppmodar me deg til å vise interesse for stillinga.

Kvifor Hardanger og Voss museum?

Me tilbyr ei spennande og viktig leiarstilling i ein kulturinstituasjon med stor tru på framtida.
Du vil bli ein del av eit triveleg og uformelt miljø, omgitt av kollegaer med eit sterkt engasjement for arbeidsplassen sin og oppdraget vårt i samfunnet.
Regionen har eit mangfaldig kulturtilbod, og moglegheitene for friluftsliv på fjell og fjord er aldri langt unna.
Museet tilbyr konkurransedyktig løn, gode pensjons- og forsikringsordningar, bedriftshelseteneste og velferdsordningar.

Søknadsfrist: 16. februar 2025 - me vurderer søknader fortløpande.

Ønskjer du meir informasjon om stillinga?
Ta kontakt med rekrutteringspartnaren vår HAMNØY AS ved rådgjevarane

Fredrik Abrahamsen Deilkås, tlf. 984 72 541
Allette Solberg, tlf. 900 20 132

Registrer og send inn CV og søknad, og hugs å legga ved alle relevante attestar og vitnemål. Rekrutteringspartnaren vår behandlar alle førespurnader konfidensielt – også overfor oss i Hardanger og Voss museum i den innleiande fasen (dette gjeld også for interne søkjarar) . Tiltreding etter nærare avtale.

Kontaktinformasjon

Fredrik Deilkås, Rådgiver, 984 72 541, fad@hamnoy.no
Allette Solberg, Research & analyse, 900 20 132, as@hamnoy.no

Arbeidssted

Sandvenvegen 50
5600 Norheimsund

Nøkkelinformasjon:

Arbeidsgiver: Hardanger og Voss museum

Referansenr.: 4907863411
Stillingsprosent: 100%
Fast
Søknadsfrist: 16.02.2025

Informasjonskapsler på arbeidsplassen.no

Rapporter annonse