Fitjar vidaregåande skule har om lag 175 elevar og 35 tilsette og tilbyr tre yrkesfaglege utdanningsprogram: helse - og oppvekstfag, restaurant- og matfag og frisør, blomar, interiør og eksponeringsdesign. I tillegg har skulen påbygg til generell studiekompetanse (vg3 og vg4) og vaksenopplæring.
Skulen sin visjon er: «Fitjar vgs skal vera ein god stad å vera og ein god stad å læra», og
tar utgangspunkt i kvar einskild elev sine føresetnadar og for å leggje til rette, inspirere og rettleie elevane slik at dei byggjer sin eigen kompetanse i samarbeid med medelevar og vaksne.

Ved skulen er det ledig stilling som rektor frå 1. august 2025.

Vestland fylkeskommune har som ambisjon og målsetting at alle elevar som tek til i vidaregåande skule skal fullføre, og at alle som er kvalifisert for det skal få læreplass.

Vi ønskjer ein tydeleg og inkluderande rektor som vil setje retning, engasjere og samhandle for å utvikle eit framtidsretta skuletilbod og bidra til å oppfylle samfunnsoppdraget. Kompetent, open og modig er verdiane i Vestland fylkeskommune, og desse skal vere grunnlaget for all leiing.

Arbeidsoppgåver

Utvikle skulen i samsvar med mål og visjon for skuleeigar.
Leie strategi- og utviklingsprosessar.
Sikre eit trygt og godt skulemiljø og god medverknad frå elevane.
Leie skulen sitt pedagogiske utviklingsarbeid og kompetanseutvikling.
Personalleiing.
Ivareta lokal medverknad, eit godt arbeidsmiljø og kulturbygging.
Økonomistyring.

Kvalifikasjonar

Den som vert tilsett må stette dei formelle krava i Opplæringslova § 9-1: ”Den som skal tilsetjast som rektor, må ha pedagogisk kompetanse og nødvendige leiareigenskapar”.

Det er ønskjeleg at du:

Set elevane si læring og deira utvikling i sentrum for skulen sitt arbeid.
Har god kjennskap til vidaregåande opplæring.
Har praksis frå utviklingsarbeid og god gjennomføringsevne.
Markerer skulen som ein sentral utdanningsinstitusjon i lokalmiljøet og arbeider heilskapleg og forpliktande saman med lokalt arbeidsliv.
Har gode leiareigenskapar, relevant leiarerfaring og gjerne leiarutdanning.
Byggjer eit sterkt fagleg profesjonsfellesskap og ein verdibasert kultur som heile tida søkjer vidare utvikling.
Opptrer tydeleg som arbeidsgivar og gjennomfører politiske og administrative vedtak.

Erfaring utanfor opplæringssektoren kan òg vektleggjast

Personlege eigenskapar

Din leiingspraksis er kjenneteikna av at du er:

Open, nytenkjande og tillitsskapande
Har evne til å arbeide målretta, systematisk og løysingsfokusert
Har gode kommunikasjonsevner og evne til å skape tryggleik i krevjande situasjonar
Har gode samarbeidsevner og er sosial og inkluderande

Vi tilbyr

Givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse.
Deltaking og fellesskap i rektorkollegiet og leiarutviklingsprogram.
Løn etter avtale.
Fylkeskommunale tilsetjingsvilkår med gode pensjons- og forsikringsordningar.

Vestland fylkeskommune har høg kompetanse på utvikling, leiing og styring av dei vidaregåande skulane. Vi legg vekt på godt samarbeid, tett kontakt, dialog og oppfølging mellom rektorane og direktøren for opplæring og kompetanse.

Tilsetting skjer på grunnlag av lov- og avtaleverk og føreset godkjent politiattest. Stillinga har seks månader prøvetid. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste, vil du alltid bli varsla før søkjarlista vert offentleggjort.

Kontaktinformasjon

Øyvind Helland Oddekalv, regionleiar, 91317450

Arbeidsstad

Havnavegen 2
5419 Fitjar

Nøkkelinformasjon:

Arbeidsgivar: Vestland fylkeskommune

Referansenr.: 4954709072
Stillingsprosent: 100%
Fast
Søknadsfrist: 12.05.2025

Informasjonskapsler på arbeidsplassen.no

Rapporter annonse