Har du solid bakgrunn innan lydteknikk, teft for teater og eit øyre for detaljane som løftar den kunstnarlege opplevinga? Er du ein tydeleg og samlande leiar som trivst i eit miljø der kunst og teknologi møtest? Då kan dette vere stillinga for deg.

Som fagavdelingsleiar får du det overordna ansvaret for lydområdet ved teateret. Du blir ein sentral del av produksjonsprosessane, frå idé til premiere, og samarbeider tett med lyddesignarar, regissørar, scenografar, teknisk produsent og andre fagavdelingar. I tillegg har du ansvar for både personal, økonomi og budsjett innanfor ditt fagområde. Det Norske Teatret skal vera eit toneangivande teater i Europa som kontinuerleg utforskar ny teknologi og arbeidsmetodar, vi søker ein avdelingsleiar som vil ta ein sentral rolle i dette arbeidet

Teatret skal spegle samfunnet vårt både på og bak scenen og i salen. Vi har en tydeleg ambisjon om å styrke mangfald i teateret vårt, og ser etter ein avdelingsleiar som vil vera med å jobbe systematisk med å auke innsikt og kompetanse for å skape reell endring.

Rolla inneber personalansvar for 9 lydteknikarar. Du rapporterer direkte til Teknisk sjef og inngår i teknisk leiargruppe.

Arbeidsoppgåver

Overordna fagleg ansvar for lydområdet ved teateret

Personalansvar og dagleg oppfølging av medarbeidarane i avdelinga

Planlegging og koordinering av ressursar i samarbeid med produksjonsleiing og andre fagavdelingar

Ansvar for budsjett, økonomi og ressursstyring i avdelinga

Bidra til vidareutvikling av arbeidsprosessar, rutinar og teknologiske løysingar

HMT-ansvar i avdelinga i tråd med gjeldande retningslinjer, avtalar og lovverk

Kvalifikasjonar

Høgare utdanning og/eller relevant erfaring innan lydfeltet

Erfaring med QLab

God kjennskap til trådlause system

Erfaring med éin eller fleire DAW-ar (t.d. Logic)

Gode datakunnskapar, systemforståing og kjennskap til nettverk

Erfaring med innspeling og redigering av lyd er ein fordel

Erfaring frå teaterproduksjonar er ein fordel

Erfaring med personalleiing, arbeidsleiing, økonomistyring eller prosjektleiing er ønskjeleg

Personlege eigenskapar

Gode kommunikasjons- og samarbeidsevner

Gode leiareigenskapar og interesse for teambygging

Evne til å sjå heilskap og konsekvensar i planlegging og prioriteringar

Strukturert, initiativrik og løysingsorientert

Interesse for ny teknologi og for å utvikle både faglege og organisatoriske prosessar

Personlege eigenskapar vil bli vektlagt.

Vi tilbyr

Ein spennande og utfordrande jobb i eit kreativt og profesjonelt miljø

Store moglegheiter for fagleg og personleg utvikling

Tilgang til unike kunstnarlege opplevingar i eit av landets leiande teater

God kollektiv pensjons- og gruppelivsforsikring

Gunstig ferieordning

Arbeidstida er 37,5 timar per veke, hovudsakleg på dagtid i vekedagane, men arbeid på kveldar og i helger må påreknast.

Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søkje.

Vi bruker cookies

Rapporter annonse