Vi har ledig 100% fast stilling som tannhelsesekretær i Sentrum tannhelseområde frå 01.09.2025

Arbeidsstad er for tida ved Loddefjord tannklinikk som er ein triveleg og travel tannklinikk ved Vestkanten kjøpesenter. Vi har 10 behandlingsrom og eget røntgenrom med OPG. Her jobbar det 7 tannlegar, 3 tannpleiare og 9 tannhelsesekretærar. Tannklinikken er under renovering og utbygging med nyåpning i løpet av august 2025.

Tannklinikken ligg sentralt til ved bussterminal med hyppige bussavgangar.

Arbeidsoppgåver

Klinisk assistanse ved tannbehandling
Røntgentaking
Oppdekking, etterfylling av instrument og materialer
Reinhald, sterilisering, vedlikehald av utstyr
Kjenne til og etterleve gjeldande rutinar i smittevern i klinisk odontologisk praksis
Ulike administrative oppgåver knytta til pasientbehandling og drift på klinikken

Delta i HMS-arbeid og kvalitetsutvikling samt andre felles oppgåver for drift av klinikken
Andre oppgåver kan leggast til stillinga

Kvalifikasjonar

Søkjar må ha norsk autorisasjon som tannhelsesekretær
Søkjar må beherske norsk skriftleg og munnleg
Den som skal tilsetjast i tannhelsetenesta må leggje fram politiattest
Det er ønskjeleg med tidlegare klinisk erfaring, gjerne frå offentleg tannhelseteneste
Det er ønskjeleg med erfaring i bruk av Opus

Personlege eigenskapar

Vi søkjer ein sjølvstendig, ansvarsbevisst og initiativrik medarbeidar som

- Likar å jobbe med menneske og som set pasienten i fokus
- Arbeider sjølvstendig og mestrar travle dagar
- Er positiv og serviceinnstilt
- Har gode kommunikasjonsevner
- Har fagleg integritet og fokus på fagleg utvikling
- Bidreg til eit godt arbeidsmiljø på klinikken
- Har evne til å skape gode relasjonar til pasientar, pårørande
og meidarbeidarar og andre samarbeidspartnarar
- Ønskjer å vere med å utvikle Vestland tannhelseteneste

Det vert vektlagt at søkjar er personleg eigna til stillinga

Vi tilbyr

Ei spanande og variert stilling i eit arbeidsmiljø med høg fagleg kompetanse
Løn etter gjeldande tariff
Fylkeskommunale tilsetjingsvilkår med gode offentlege forsikrings- og pensjonsordningar

Andre opplysningar
Administrasjonsmålet i fylkeskommunen er nynorsk. Alle nytilsetjingar blir gjort med ei prøvetid på 6 månader.
Vi gjer merksam på at i følgje Offentleglova §25, 2.ledd, kan opplysningar som søkjar bli offentleggjort sjølv om søkjar har oppmoda om ikkje å bli ført på offentleg søkjarliste. Søkjar som har bedt om unntak, vil bli varsla før søkjarlista blir offentleggjort.

Kontaktinformasjon

Kari Johannesen Sigdestad, klinikkleiar , 93067422
Mette Vibeke Skønberg Vallentinsen, områdeleiar tannhelse, 92887298

Arbeidsstad

Loddefjordveien 2
5171 Loddefjord

Nøkkelinformasjon:

Arbeidsgivar: Vestland fylkeskommune

Referansenr.: 4962753454
Stillingsprosent: 100%
Fast
Søknadsfrist: 12.06.2025

Informasjonskapsler på arbeidsplassen.no

Rapporter annonse