Vil du jobbe i eit dynamisk og tverrfagleg miljø, og samtidig ha friheita til å velje kvar du skal bu? Då kan Nordplan vere arbeidsplassen for deg! Vi nærmar oss 100 tilsette, og no treng vi to til tre erfarne branningeniørar med på laget for å utvikle morgondagens løysingar saman med oss.

Hva vi ser etter

Vi ser for oss at du er ein fagleg engasjert person som er løysningsorientert og initiativrik. Du kommuniserer godt med kollegaer og kundar, og du ønsker å formidle eigen kunnskap. Vi ser etter personar som vil vere med å utvikle ei større RIBr-gruppe i eit miljø som omfattar nærmare 20 bygningsteknikarar, i nært samarbeid med ca. 20 arkitektar og ca. 10 energi- og miljørådgjevarar.

Du er branningeniør med nokre års erfaring i faget. Du er fagleg sterk, sjølvgåande og har inngåande og oppdatert kjennskap til lover, forskrifter og standardar. Du evnar å ta avgjerder og arbeide effektivt og strukturert på eiga hand, men set pris på å ta del i og bidra i eit tverrfagleg og triveleg fagmiljø.

Stillinga krev god kompetanse innan prosjektarbeid av brannstrategiar. Primært vil arbeidsoppgåvene vere utarbeiding av brannsikkerheitstrategi, altså brannkonsept, for både nybygg og eksisterande bygningar. Dette omfattar også god kjennskap til fråviksdokumentasjon. I tillegg ser vi at brannteknisk tilstandsvurderingar blir meir ein del av arbeidsdagen. God kjennskap til tidlegare byggeforskrifter er nødvendig. Variasjonen i arbeidsoppgåver er stor, og du får stor påverknad på både prosess og ferdige prosjekt. Nordplan gir store utviklingsmoglegheiter for medarbeidarar som ynskjer og evner.

Vidare ser vi for oss at du har følgande kvalifikasjonar:

Minimum 5 års relevant utdanning frå universitet eller høgskule
Minimum 5 år erfaring
Erfaring i bruk av Revit
God skriftleg og munnleg framstillingsevne på norsk og gjerne engelsk

Fagleg blir du ein del av seksjonen for <<Arkitektur, Konstruksjon og Byggeteknikk>> i selskapet. Desse stillingane kan vere tilknytt eitt av våre mange kontor.

Sjekk stillingsannonsa her:

Seniorrådgjevar brann og sikkerheit - Nordplan

Arbeidsoppgaver

Generell oppdragsleiing og brannfaglig rådgjevning
Kan også omfatte fagansvar
Risikoanalysar, simuleringsoppgåver, brannprosjektering, tilstandsvurderingar, beredskapsanalysar, oppfølging på byggeplass, etc.
Utarbeiding av brannsikkerheitstrategi/brannkonsept for både nybygg og eksisterande bygningar.
Dokumentere fråvik
Gjennomføre brannteknisk tilstandsvurderingar, samt ha god kjennskap til regelverket og tidlegare byggeforskrifter er nødvendig.

Vi tilbyr

Arbeidstid som er balansert og tilpassa prosjektmål og privatsituasjon.
Fleksibilitet til å velje arbeidsplass. Om du vil bu i Fjell-, Fjord- eller Kyst-Noreg, er opp til deg. Vil du heller jobbe frå byen, eller ein stad der ingen skulle tru at nokon kunne bu, så finn vi løysingar for det. Vi likar sjølvsagt aller best at du er innom eit av våre kontor slik at vi får ha det sosialt saman òg. Uansett kvar du vil jobbe frå finn du eit triveleg og uformelt arbeidsmiljø på desse stadane: Nordfjordeid, Måløy, Stryn, Førde, Ørsta/Volda, Ålesund, Molde, Bismo, Vågåmo, Otta, Lillehammer, Oslo, Bergen og Reykjavik.
Du får vere med å skape ei framtid du kan vere stolt av. I tillegg får du jobbe med spennande og utfordrande prosjekt som du kan lese meir om her.
Vi er eit selskap i vekst, så her er moglegheiter for både personleg og fagleg utvikling -- spesielt med tanke på at du får eit tverrfagleg miljø og flinke kollegaer rundt deg.
Du får sjølvsagt lønn, pensjons- og forsikringsordningar.
Du blir ein del av eit selskap som støttar nærmiljøet. Lokalt ved dei ulike kontora våre støttar vi ulike lag og aktivitetar.

Vi bruker cookies

Rapporter annonse