Vi søker deg som ønskjer ei variert og meiningsfull stilling mellom Kreft sengepost og Bemanningssenteret. Vi ønskjer både nyutdanna og erfarne sjukepleiarar velkomne til å søkje.

2 x 100% stilling: 55% Kreft sengepost og 45% Bemanningssenteret
Oppstart etter nærare avtale

Kreft sengepost behandlar pasientar med diagnostisert kreft, blodsjukdommar og pasientar som treng lindrande behandling. Vi behandlar pasientar som kjem til planlagt behandling, men også augeblikkeleg hjelp. Vi er opptekne av tverrfagleg arbeid og samarbeider mellom anna tett med palliativt team. Kreft sengepost har nyleg flytta inn i nytt og moderne sjukehus der vi bur i lag med kirurgisk sengepost som vi også samarbeider tett i lag med.

Bemanningssenteret formidlar pleiepersonell til poliklinikkar og sengepostar innan både psykiatri og somatikk ved kortare og lengre fråvær. Du vil få opplæring og arbeide på 1-3 avdelingar. Rekrutteringstillegg for sjukepleiarar i Bemanningssenteret kr 23.000,- pr år i 100% stilling, tillegget blir redusert ved lågare stillingsandel.

Vi legg opp til 100% arbeid på kreft sengepost den første tida for å bli godt kjend med ei avdeling først.

Det kan også opne seg for ei fast 100 % stilling som sjukepleiar på kreft sengepost som eventuelt blir i same rekrutteringsprosess. Presiser i søknad om dette er aktuelt.

Er du sjukepleiar og tenkjer deg på flyttefot? Førde sentralsjukehus ligg i Sunnfjord kommune, sentralt i Vestland fylke. Sunnfjord kan tilby rike naturopplevningar, frå fjell til fjord året rundt. Kulturlivet er variert med teater, kino, konsertar og utstillingar, samt fleire tilbod innan idrett- og friluftsliv. Det er elles gode forbindelsar med buss og fly, til både Oslo og Bergen visst storbylivet skulle freiste.

Arbeidsoppgåver

Administrering og oppfølging av medikamentell kreftretta behandling
Tilbodet i avdelinga skal også inkludere nære pårørande/familie
Opplæring av studentar og nytilsette
Ta del i den til ei kvar tid av oppgåver som ligg til avdelinga
Vere med å utvikle og forbetre avdelinga sitt arbeid innan pasientens framtidige helsetjeneste
Det er 3-delt turnus og ein må kunne jobbe i det.

Kvalifikasjonar

For stilling som sjukepleiar krevst dokumentert autorisasjon
Må beherske godt norsk både munnleg og skriftleg
Erfaring frå fagområdet er ein fordel, men ikkje eit krav
Kompetanse, inkludert personlege eigenskapar og erfaring vert vektlagt

Personlege eigenskapar

Vi vil gjerne ha ein medarbeidar som er engasjert i faget og motivert for varierte problemstillingar
Vi ser etter deg som ønskjer å utvikle eigen kompetanse, samt avdelinga i si heilheit
Det er viktig å kunne arbeide både sjølvstendig og i team
Fagleg utvikling, evne til fleksibilitet og omstilling er eigenskapar som er viktige hos oss
Vi er ei inkluderande gruppe som hjelper kvarandre, og det er lav terskel for å stille spørsmål

Vi tilbyr

Ein spennande, læringsrik og utfordrande jobb
God opplæring og mentorordning
Eit godt arbeidsmiljø med mange trivelege kollegaer
Fokus på å styrke sosial tilhøyrsle og trivsel, med årlege treffpunkt som blant anna julebord og sommarfest
Lønn i samsvar med gjeldande overeinskomst
Rekrutteringstillegg for sjukepleiarar i Bemanningssenteret kr 23.000,- pr år i 100% stilling , tillegget blir redusert ved lågare stillingsandel.
Gode pensjons- og forsikringsordningar
Vi jobbar for å innføre langvakter på kreft sengepost og håpar å tilby dette.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Synnøve Marie Hestenes, Seklsjonsleiar Bemanningssenteret, (+47) 970 52 040
Ida Juklestad, Seksjonsleiar Kreft sengepost, (+47) 578 39 313

Arbeidssted

Svanehaugvegen 2
6812 FØRDE

Nøkkelinformasjon:

Arbeidsgiver: Helse Førde

Referansenr.: 4977737214
Stillingsprosent: 100%
Fast
Søknadsfrist: 15.06.2025

Informasjonskapsler på arbeidsplassen.no

Rapporter annonse