Ønskjer du ei leiarrolle i eit av dei mest avanserte radiologiske fagmiljøa i Noreg?

Vi søkjer ein seksjonsleiar lege med sterk fagleg forankring og gjerne med leiarerfaring for å vidareutvikle vårt høgt spesialiserte fagmiljø.

Om avdelinga
Radiologisk avdeling er ei av dei største i landet, og avdelinga utfører eit breitt spekter av diagnostiske undersøkingar og intervensjons- og behandlingsprosedyrar.

Vi tilbyr avansert biletdiagnostikk innan nukleærmedisin og radiologi for mellom anna områda nevroradiologi, muskel- og skjelettradiologi, onkologisk biletdiagnostikk, thorax- og abdominal radiologi, brystdiagnostikk, barneradiologi og intervensjonsradiologi.

Avdelinga har ei sentral rolle i sjukehuset si tverrfaglege pasientbehandling og samarbeider med Universitetet i Bergen og Høgskulen på Vestlandet om forsking og utdanning av legar og radiografar.

Avdelinga har om lag 360 tilsette, deriblant 80 overlegar og 18 LIS-legar. Legane samarbeider tett med radiografar, fysikarar og anna helsepersonell. Vi har moderne utstyrspark som inkluderer MR, CT, PET, ultralyd og røntgen/intervensjons-diagnostikkrom. Avdelinga og avdelinga si forskingseining (MMIV) er ein leiande aktør innan implementering av kunstig intelligens (KI) i biletdiagnostikk.

Om stillinga
Som seksjonsleiar for legane vil du ha det overordna ansvaret for den medisinskfaglege drifta ved avdelinga. Du vil vere ein del av avdelinga si leiargruppe og jobbe tett med avdelingsdirektør, seksjonsleiarar og nøkkelpersonell for å sikre høg kvalitet på tenesta, pasientsikkerheit, fagutvikling og forsking.

Arbeidsoppgåver

Fagleg leiing og utvikling av avdelinga i tråd med sjukehuset sin strategi
Personalansvar for overlegane og fagleg rettleiing for LIS-legar i samarbeid med assisterande seksjonsleiar lege
Sikre forsvarleg medisinsk drift og optimal pasientflyt
Bidra til utvikling av nye diagnostiske metodar og vidareutvikling av KI-verktøy og digitale løysingar
Tverrfagleg samarbeid med kliniske avdelingar for å optimalisere diagnostiske tenester
Delta i forskings- og innovasjonsarbeid innan radiologi
Overordna ansvar for utdanning og kompetanseutvikling i avdelinga
Representere avdelinga i relevante faglege og administrative forum

Vi ser etter ein fagleg sterk og engasjert leiar med følgjande kvalifikasjonar

Spesialist i radiologi med norsk autorisasjon
Dokumentert erfaring med leiing eller sterk interesse for leiarutvikling er ein fordel
Erfaring med organisering av radiologiske tenester
Erfaring frå forskingsarbeid med gjennomført PhD, samt erfaring med kvalitetsforbetring eller innovasjon er ein fordel
Gode evner til strategisk tenking, samarbeid og kommunikasjon
Kjennskap til ressursstyring, arbeidstidsplanlegging og bruk av kunstig intelligens i radiologi er ein fordel

Vi oppmodar òg deg som ikkje har lang leiarerfaring, men som har stor motivasjon for leiarutvikling og engasjement for radiologifaget, til å søkje

Personlege eigenskapar

Evne til å motivere og utvikle medarbeidarar
Gode evner til strategisk tenking, kommunikasjon og samarbeid
Høg gjennomføringsevne og strukturert arbeidsstil
Sterke samarbeidsevner og evne til å byggje relasjonar
Evne til å handtere endringsprosessar med tryggleik og profesjonalitet

Vi tilbyr

Ei sentral leiarrolle i ei av dei mest avanserte radiologiske avdelingane i landet
Moglegheita til å påverke fagfeltet gjennom leiing, innovasjon og forsking
Eit sterkt leiarteam og god administrativ støtte
Konkurransedyktige pensjons- og forsikringsordningar
Eit inkluderande arbeidsmiljø prega av samarbeid og fagleg utvikling.

Bli ein del av vårt sterke fagmiljø – vi ser fram til å høyre frå deg!

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Stillinga er ledig frå 1. januar 2026. 
Vil du vere med å utvikle framtidas bildediagnostikk og skape eit miljø der både barn, unge og vaksne pasientar får god og trygg behandling – då vil vi gjerne høyre frå deg! 

Kontaktinformasjon

Ingfrid Haldorsen, Avdelingsdirektør, 55972327, ingfrid.helene.salvesen.haldorsen@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5023680033
Stillingsprosent: 100%
Fast
Søknadsfrist: 26.10.2025

Vi bruker cookies

Rapporter annonse