Finanstilsynet søker etter ein jusstudent i 20 % stilling til seksjonen for konsesjonar og regulering. Vi ønsker oss ein student som har interesse for finansområdet, særleg EØS/EU-retten, og som er omtrent halvvegs i masterstudiet i rettsvitskap denne hausten.

Seksjonen har ansvaret for det finansregulatoriske regelverket som gjeld innanfor bank-, forsikrings- og pensjonsområdet. Dette omfattar også arbeid med EØS/EU-retten og ulike selskapsrettslege problemstillingar. Arbeidsoppgåvene til seksjonen er varierte og omfattar blant anna å behandle ulike søknader om konsesjon til å drive verksemd som finansføretak, fusjonar og fisjonar, kjøp av eigarandelar i finansføretak og godkjenning av konsernstrukturar.

Arbeidsoppgåver

Arbeidet vil bestå av saksbehandling innan bank- og forsikringsområdet. I hovudsak vil oppgåvene omfatte saker knytte til å vurdere om personar som skal sitte i styre og leiing i finansføretaka er eigna, og i tillegg behandle og svare på ulike meldingar etter finansføretakslova om grensekryssande verksemd innanfor EØS-området. Arbeidet inneber kontakt med finansføretaka og tilsynsmyndigheitene i andre land i samband med å følge opp meldingane. Arbeidet gir god innsikt i både norsk rett og EØS/EU-retten på området.

Det mest vesentlege av arbeidet skal skje i normal kontortid, men det kan tilpassast førelesingar, anna undervisning og førebuing til eksamen.

Kvalifikasjonar

det er ønskeleg med ein student med gode karakterar, som er omtrent halvvegs i masterstudiet i rettsvitskap, og som vil kunne tiltre snarleg.
vitnemål/karakterutskrifter (f.o.m. vidaregåande) og relevante attestar må leggast ved.
god skriftleg og munnleg framstillingsevne på norsk og engelsk

Personlige eigenskaper

positiv og god til å samarbeide
effektiv og nøyaktig

Vi legg vekt på at du er personleg eigna og motivert for stillinga.

Vi tilbyr

saksbehandlingsoppgåver som gir jusstudentar god og relevant erfaring
opplæring, oppfølging og gode moglegheiter for fagleg utvikling på ein arbeidsplass med høg fagkompetanse
lokale i Kvadraturen i Oslo sentrum
stillinga er timesbasert og blir per dags dato lønna med kr 203,44 per time

Anna

Etter utløpet av søknadsfristen vil det bli utarbeidd offentleg søkjarliste, jf. offentleglova § 25.
Vitnemål og karakterar frå vidaregåande skole og all høgare utdanning må leggjast ved søknaden.
Søknad kan skrivast på nynorsk eller bokmål.
Vi utfører bakgrunnssjekk av vedkommande som blir tilsett i stillinga.
Dei tilsette i Finanstilsynet må følgje strenge etiske retningslinjer, sjå: https://www.finanstilsynet.no/jobb-hos-oss/#Etiskeretningslinjer Finanstilsynet er opptatt av mangfald, og vi oppmodar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV. Dersom det er mogleg, vil vi legge til rette for medarbeidarar som har behov for det.  For positiv særbehandling sjå: http://arbeidsgiver.difi.no/positivsaerbehandling  
For nærare omtale av Finanstilsynet, sjå www.finanstilsynet.no

Kontaktinformasjon

Ole Henrik Myklebust , seniorrådgiver, 22 93 96 66
June Tollefsjord Bakkevoll, førstekonsulent, 22 93 98 60

Arbeidssted

Revierstredet 3
0151 OSLO

Nøkkelinformasjon:

Arbeidsgiver: Finanstilsynet

Referansenr.: 5003205438
Stillingsprosent: 20%
Engasjement
Søknadsfrist: 31.08.2025

Informasjonskapsler på arbeidsplassen.no

Rapporter annonse