100% prosjektleiar for utvikling av psykisk helseteam for barn og unge

Me søkjer etter ein engasjert prosjektleiar for utvikling av eit psykisk helseteam for barn og unge, 0-23 år i Ullensvang kommune.

Brenn du for å styrka den psykiske helsa hjå barn og unge? Vil du være med på å forme eit framtidsretta og tverrfaglig psykisk helseteam som gjer ein reell forskjell for barn og unge i Ullensvang kommune? Då kan dette vera stillinga for deg!

Om stillinga

Stillinga ligg under oppvekst og utdanning, med organisatorisk plassering på helsestasjonen under verksemdsleiar for helsestasjonen.

Ullensvang kommune vil styrka satsinga på barn og unge. Med bakgrunn i Nasjonal rettleiar for psykisk helse for barn og unge, har kommunen motteke tilskot til eit spanande forprosjekt. Me søkjer ein erfaren prosjektleiar som kan utvikle eit utøvande psykisk helseteam for barn, unge og deira familiar. Dette teamet skal vera eit lågterskeltilbod og tilby behandling og oppfylging til barn og unge med milde til moderate psykiske plager, begyndende rusproblem og reaksjonar på belastande livshendingar. Tilbodet vil ha eit familieperspektiv og tilby foreldrestøtte og rettleiing til foreldre.

Ullensvang kommune legg vekt på å løyse utfordringar hjå barn og unge der dei faktisk oppstår, utan å måtte gå gjennom byråkratiske prosesser og silo-strukturer. Dette gjev oss moglegheit til å handle raskt og effektivt, og styrkar vår evne til å tilby rett hjelp på rett plass og i rett tid.

Prosjektleiarperioden i forprosjektet er for eit år, men det er stor moglegheit for forlenging av stillingen, for vidare oppretting av psykisk helseteam for barn og unge

Di rolle

Som prosjektleiar vil du ha ei sentral rolle i å utvikle og etablere teamet. Du vil samarbeide tett med vår nytilsette kommunepsykolog og ei prosjektgruppe for å sikre eit heilskapleg tilbod som møter barn og unge sine behov på rett plass og til rett tid. Vi jobbar etter den tverrfaglege modellen «Betre tverrfagleg innsats» (BTI) og ynskjer å byggje videre på denne strukturen.

Arbeidsoppgåver:

Utarbeide prosjektplan og milepælsplan i tråd med Prosjektlederprosessen (PLP-metodikken)
Etablere prosjektgruppe frå relevante samarbeidspartnarar
Evaluere og rapportere på framdrift i forprosjektet
Tverrfagleg samarbeid
Eventuelt utøvande arbeid

Kvalifikasjonar:

Minimum 3-årig relevant utdanning på universitets- eller høgskolenivå innafor psykologi, helse- og sosialfag eller tilsvarande
Naudsynt med prosjektleiarkompetanse og/eller prosjekterfaring

Ønska kvalifikasjonar og eigenskapar:

Høg grad av sjølvstendigheit
Personleg eigeskapar vert vektlagd
Erfaring og kunnskap om tverrfagleg arbeid med barn og unge
Utdanning og erfaring med barn og unge
Kunnskap og erfaring frå helsestasjons- og skulehelsetenesta
God forståing for tidleg innsats, førebyggjande og helsefremjande arbeid
Kompetanse eller erfaring med rettleiing
Evne til å samarbeide og kommunisere med ulike samarbeidspartnarar og målgrupper
Strukturert, fleksibel og løysingsorientert
Interesse for utviklings- og endringsarbeid
Norsk kunnskapar B2
Førarkort klasse B og tilgang til eigen bil

Me tilbyr:

Løn etter lov- og avtaleverk
Varierte arbeidsoppgåver
Medlemskap i pensjonsordning - KLP
Ein spanande og utfordrande stilling i eit godt arbeidsmiljø med dyktige og omsorgsfulle kollega
Gode moglegheiter for kompetanseheving med støtte frå kommunen
Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.
Gode velferdsordningar
Løn etter avtale

Me ynskjer eit arbeidsmiljø prega av mangfald, og at våre tilsette skal spegla folkesetnaden ellers. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i fylgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.

Aktuelle søkjarar vert kalla inn til intervju.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/

Link til søknadsskjema: Søk her

Informasjonskapsler på arbeidsplassen.no

Rapporter annonse