Vil du bli ein del av vårt fagradiografteam? Vi har ledig ei 100 % fast dagstilling som fagradiograf frå 01.09.2025.

Vi søkjer ein strukturert, initiativrik og fagleg engasjert radiograf. I stillinga inngår ansvar for strålevern, fagradiografoppgåver innan CT, samt støtte til seksjonsleiar i ulike oppgåver. I løpet av første kvartal 2026 får vi ny CT-maskin, og vi ønskjer å styrkje fagradiografteamet vårt. Du vil bli ein del av eit kompetent team som jobbar med å sikre god drift og utvikling av CT-tilbodet vårt. Du må trivast med å arbeide sjølvstendig, men òg like å jobbe i team.

Radiologisk avdeling i Volda har éin CT, éin MR, tre skjelettrøntgen-laboratorium, samt ultralyd og osteodensitometri. Vi har eit stabilt arbeidsmiljø og ein livleg arbeidskvardag. I dag har seksjonen 16 radiografstillingar, der 14 går i rullerande 3-delt turnus.
Volda sjukehus har traumefunksjon og er i stor utvikling, med både utviding og oppgradering av fasilitetane. Avdelinga har nyleg fått eit nytt påbygg og ny MR-maskin, og ny CT vert installert i starten av 2026.

Velkomen til Volda!
Midt mellom fjord og fjell ligg Volda – eit eldorado for friluftsliv, toppturar og naturopplevingar i Sunnmørsalpane. Her finn du eit aktivt kultur- og idrettsliv, eit engasjert høgskulemiljø og gode kommunikasjonar via Ørsta/Volda lufthamn, med daglege avgangar til Oslo og Bergen. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø.
Sjå meir:
📽️ Video 1
📽️ Video 2

Kommunar i pendlaravstand – som Herøy, Sande, Vanylven og Stryn – er del av den nye ordninga for sletting av utdanningsgjeld.
Les meir: Ny ordning for sletting av utdanningsgjeld – slik vil det fungere (regjeringen.no)

Vi ber om at vitnemål, attestar og eventuelle tenestebevis vert lasta opp saman med søknaden. Aktuelle kandidatar vert kontakta og kalla inn til intervju fortløpande.

Arbeidsoppgåver

Ansvar for opplæring, fagutvikling og evaluering av radiografar innan CT
Delta aktivt i drift og klinisk arbeid innan CT
Utarbeide og vedlikehalde prosedyrar i EQS og opplæringsplanar i Kompetanseportalen
Bidra til forsvarleg og effektiv pasientbehandling, med omsyn til pasientane sitt behov for omsorg og pleie
Haldast fagleg oppdatert og dele kunnskap med kollegaer
Bistå seksjonsleiar i ulike administrative og faglege oppgåver
Bidra til eit godt fagleg og sosialt miljø i seksjonen og på sjukehuset

Kvalifikasjonar

Autorisasjon som radiograf med norsk godkjenning
Minimum to års relevant arbeidserfaring etter endt utdanning
Vidareutdanning innan CT er ønskjeleg. Dersom dette ikkje er gjennomført, må du vere villig til å starte vidareutdanning etter avtale
Gode norskferdigheiter, både munnleg og skriftleg

Personlege eigenskapar

Sjølvstendig, fokusert og ansvarsbevisst
Lærevillig og fagleg nysgjerrig
Positiv, med gode samarbeids- og kommunikasjonsevner
Initiativrik, fleksibel og handlekraftig
Motiverast av varierte oppgåver og ønskjer å bidra til eit godt arbeidsmiljø

Personlege eigenskapar og samarbeidsevner vil bli vektlagde ved tilsetjing.

Vi tilbyr

Sterkt tverrfagleg samarbeid
Ein inkluderande arbeidsplass
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår

Kontaktinformasjon

Lisbeth Skipenes Andersen, lisbeth.andersen@helse-mr.no

Arbeidssted

Kløvertunvegen 1
6103 Volda

Nøkkelinformasjon:

Arbeidsgiver: Helse Møre og Romsdal HF

Referansenr.: 4949883134
Stillingsprosent: 100%
Fast
Søknadsfrist: 01.06.2025

Informasjonskapsler på arbeidsplassen.no

Rapporter annonse