Sævarhagen FUS barnehage ligg vakkert til ved Hystadmarkjo på Leirvik. Me har stort fokus på barns medverknad inn i gode gruppefellesskap, og jobbar med prosjektarbeid knytta til natur og friluftsliv.

Gjennom satsinga vår Barnet først! får du auka kompetanse i å legge til rette for god kvalitet for barna i det daglege arbeidet. I tillegg til å vere lærebedrift er me lærarutdanningsbarnehage. Gjennom partnarskap med Høgskulen på Vestlandet har me ei aktiv rolle som praksisbarnehage for framtidige barnehagelærarar.

Me har kokk, minibuss og båt som vert aktivt brukt av barnegruppene. Me tilbyr vasstilvenning i basseng for 4-åringane og coastering i sjø for 5-åringane.

Me er opptatt av å skapa eit godt arbeidsmiljø og trygge, robuste born. Hjå oss er det godt å høyra til!

Fagopplæringa leiar fram til yrkeskompetanse som fagarbeidar i barne- og ungdomsarbeidarfaget. Etter avslutta opplæring og gjennomført fagprøve kan du gå rett ut i arbeid. I dine to år som lærling får du erfaring i å omsetja teori til praksis. Du får mellom anna erfaring i arbeidsrutinar, ha og ta ansvar, samt handtere utfordrande situasjonar. Som barne- og ungdomsarbeidar er du ettertrakta i arbeidslivet og vil ha mange moglegheiter.

Stillinga som lærling gjeld frå 15. august 2025, evt tidlegare etter avtale.

Arbeidsoppgåver

Delta aktivt i daglege oppgåver
Vera ein tydeleg rollemodell i samspel med barn
Planleggja, gjennomføra og vurdera pedagogiske aktivitetar
Kommunikasjon og samhandling med barn, foreldre og kollegaer
Dokumentera og evaluera eiga opplæring

Kvalifikasjonar

Du må ha gjennomført og bestått VG1 og VG2 innan barne- og ungdomsarbeidarfaget
Lågt fråvær frå vidaregåande skule
Lika å jobba med born
Ha personlege interesser for arbeid i barnehage
Ha personlege eigenskapar som gjer deg eigna til å arbeide i barnehage
Ved tilsetjing vert det stilt krav om politiattest

Personlege eigenskapar

Ta initiativ
Vera nysgjerrig
Forstå arbeidstakarrolla
Samarbeide med andre
Ha evne til å etablere god kontakt med born
Gje og få tilbakemelding og kunne endre eiga åtferd ut frå dette
Evne til å reflektere over sin eigen arbeidssituasjon
Sjå deg sjølv ut frå eige kompetansenivå

Me tilbyr

Læring gjennom praktisk arbeid
Tverrfagleg utviklande arbeidsmiljø
Utfordrande arbeidsoppgåver
Høgt fagleg nivå
Kjekke kollegaer og godt miljø
Eigen rettleiar i barnehagen

Søknadsfrist 1.april 2025

Informasjonskapsler på arbeidsplassen.no

Rapporter annonse