Er du sjukepleiar/vernepleiar/miljøterapeut og ser etter nye utfordringar? Vi har ledig vikariat x 2 i 100% stillingar ved Ørstaheimen avd. Bakketun.

Bakketun er ei skjerma avdeling for demente med 16 plassar, fordelt på to grupper. Avdelinga er lokalisert på Ørstaheimen og vi samarbeider med andre faggrupper i kommunen. Vi legg vekt på at alle som bur her skal oppleve ein verdig alderdom i eit trygt miljø.Lenging av vikariatet kan bli aktuellt

Vi søkjer etter ein fagleg engasjert og ansvarsfull medarbeidar som ønsker å vere med på å vidareutvikle ei teneste i endring og som kan bidra til optimal livskvalitet for den enkelte bebuar. Du må kunne jobbe sjølvstendig i ein hektisk kvardag men du vil få dyktige kollegaer på laget.

Arbeidsoppgåver

Vi arbeider etter primærsjukepleieprinsippet og har fokus på ernæring, sosial aktivisering, tillitsskapande arbeid, velferdsteknologi og trivsel for den enkelte.

Sjukepleiefaglege oppgåver. Andre relevant faggrupper kan også vere aktuelle som td. vernepleiar, miljøterapeut , sosionom ol. Gjerne med pedagogisk kompetanse.
Fokus på forebygging og støtte opp under brukar sine eigne ressursar
Samhandle med brukar, pårørande og andre samarbeidspartar
Veiledning og opplæring av medarbeidarar
Utføre pleie og omsorgsoppgåver fagleg og etisk. Vi jobbar målretta med individuell pleie og omsorg med høg kvalitet.
Oppfølging og implementering av interne rutine og retningslinjer

Kvalifikasjonar

Søkjar må vere off. godkjent sjukepleiar
Det vert stilt krav om politiattest ved tilsetjing
Må kunne nytte digitale fagsystem og velferdsteknologiske løysingar
Gode evner til skriftleg og munnleg framstilling. Kommunen nyttar nynorsk i all skriftleg kommunikasjon

Personlege eigenskapar

Du må ha eit ønske om å gjere ein god jobb i arbeid med menneske
Du må også ha interesse og gjennomføringsevne når det gjeld å gi brukarane godt innhald i dagane
Likar utfordringar og har evne til å takle raskt skifte i arbeidsoppgåver
Søkjer faglege utfordringar
Tek initiativ og ansvar
Du er engasjert, løysingsorientert
Relevant arbeidserfaring
Er fleksibel og har evne til å arbeide sjølvstendig og saman med andre

Vi gjer ei heilskapleg vurdering av søkjarane og personlege eigenskapar vert vektlagde.

Referansar vert nytta og aktuelle søkjarar kan verte kalla inn til intervju.

Vi tilbyr

Vi har fokus på gode arbeidsmiljø og behalde tilsette.
Eit arbeidsmiljø med fokus på godt falgeg innhald og mestring
Utfordrande og varierte arbeidsoppgåver
Vi vil sikre at du får nødvendig fagleg utvikling og kompetanseheving gjennom e-læring og kurs.
Gode pensjons- og forsikringsordningar i KLP

Vi er stolte at å vere ei heiltidskulturkommune
Vi jobbar med årsplanlegging og oppgåvedeling for å sikre fagkompetanse gjennom døgnet og året.
Vi nyttar langvakter for å oppretthalde kontinuitet og kvalitet i tenestene
Vi startar opp med sjukepleieteam for å sikre eit høgt fagleg nivå gjennom heile døgnet.

Velkommen til oss!

Arbeidsvilkår: dag/kveld inkl. helgar
Det kan vere aktuelt å gi bonus for auka timetal på helg

Stillinga er plassert i HTA kap. 4 gr. 2 – stillingar med krav om høgskuleutdanning

Tilsetjing i samsvar med gjeldande lov-, forskrift og avtaleverk.

Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming. Vitnemål og attestar dannar grunnlag for fastsetjing av ansiennitet og rett løn. Vi ber om at attestar og vitnemål vert lasta opp som vedlegg til søknaden din.

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller andre faktorar knytt til lover og avtaleverk som kan gi grunnlag for fortrinnsrett. Jf. AML §14.2

Om offentleglova I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.

Kontaktinformasjon

Arja Hietanen, Konst. avdelingsleiar Bakketun, 481 23 801, arja.helena.hietanen@orsta.kommune.no
Wenche Flo, Tenesteleiar Omsorg og sjukeheim, 957 12 120, wenche.flo@orsta.kommune.no

Arbeidsstad

Håkonsgata 78
6150 Ørsta

Nøkkelinformasjon:

Arbeidsgivar: Ørsta kommune

Referansenr.: 4935526041
Stillingsprosent: 100%
Vikar
Startdato: 01.04.2025
Sluttdato: 30.09.2025
Søknadsfrist: 30.03.2025

Informasjonskapsler på arbeidsplassen.no

Rapporter annonse