Interesserer du deg for å jobbe med grenseoverskridande kriminalitet som krev eit våkent blikk på etterretning, førebyggande arbeid i tillegg til etterforsking av større saker? Då kan dette vere stillinga for deg!

Vi har ledig ei fast stilling som fagleiar innanfor fagområdet menneskehandel i tillegg til eit vikariat som etterforskar på samme fagområde. Vikariatet varar i åtte mnd. med moglegheit for forlenging.

Arbeid med fagområdet krev ei brei samhandling med nasjonalt nettverk og internasjonale aktørar. Straffesakene blir sjeldan meldt av offera og politiet må sjølv initiere dei gjennom aktiv bruk av dei metodane som politiet kan ta i bruk. Etterforsking av den grenseoverskridande kriminaliteten krev tidvis høgt tempo og evne å ta tidskritiske avgjerder.

Fagleiar vil delta i politidistriktet sitt formaliserte akrim-samarbeid kor andre eksterne samarbeidsaktørar som Arbeidstilsynet, Skatteetaten og NAV deltar. AKRIM-arbeid har i mange tilfelle same utfordringsbilete og aktørar som saker innafor menneskehandelområdet.

I stillinga som fagleiar vil du ha fagansvar for nedkjemping av menneskehandel i politidistriktet, herunder ansvar for fagleg oppdatering og metodeutvikling. Dette inneber også ansvar for å drive intern opplæring i politidistriktet. I stillinga er det viktig å etablere eit godt samarbeid med andre einingar i politidistriktet, og det vil vere eit særleg behov for å drive intern opplæring og bygge fenomenkunnskap hos medarbeidarar i heile politidistriktet.

Som etterforskar vil du jobbe i team med fagleiar, i tillegg til å bidra inn i andre saker som avsnittet har ansvar for.

Arbeidspresset er i periodar høgt og ein arbeider med krevjande og komplekse straffesaker. Du vil jobbe mykje prosjektbasert og bidra inn i alle fasar av saka. Noko av arbeidstida vil gå til å drive intern opplæring innan fagområdet menneskehandel hos andre medarbeidarar i politidistriktet.

FEFE består av fire seksjonar, men vil frå 1. juni opprette ein ny, midlertidig seksjon "Seksjon for Spesiell etterforskning", kor fagområda organisert kriminalitet / kriminelle nettverk, øko- og miljøetterforsking og internasjonalt politiarbeid vil vere organisert. Fagområdet menneskehandel ligg til avsnitt for etterforsking av økonomi- og miljøkriminalitet. Stillinga er stadsplassert i Ålesund. Vi oppfordrar kvinner til å søkje på politileiarstillingar.

Arbeidsoppgåver

For fagleiar:

Leie og utføre etterforsking, førebyggande arbeid og etterretning i saker som blir tildelt avsnittet
Delta i tverrfagleg operativ gruppe AKRIM i samhandling med eksterne aktørar
Pårekne presentasjon av eige arbeid internt/eksternt, herunder i retten
Kontaktpunkt innanfor fagområdet, delta i nasjonalt fagnettverk, og følge opp sentrale krav og føringar
Følgje opp resultatmåla i politidistriktet innanfor arbeidsområdet til avsnittet
Sørgje for at dei faglege oppgåvene som er tillagt seksjonen blir utførte i samsvar med gjeldande lover, reglar og instruksar
Sørgje for at tilsette varetar vernet av informasjonen til politidistriktet, materiell og objekt ved å erkjenne og etterleve gjeldande sikkerheitsinstruksar og prosedyrar
Utføre andre oppgåver tildelt av leiar

For etterforskar

Utføre etterforskingsoppgåver og analysearbeid innanfor fagområdet til avsnittet, samt i andre saker som ligg til avsnittet
Utføre arbeid innan førebygging og etterretning innafor fagområdet til avsnittet
Presentasjon av eige arbeid internt og eksternt, medrekna i retten
Medverke til intern opplæring og kompetansebygging hos medarbeidarar i heile politidistriktet innan fagområdet
Sørgje for at dei faglege oppgåvene som er lagt til seksjonen blir utført i samsvar med gjeldande lover, reglar og instruksar
Delta i andre oppgåver i eininga

Kvalifikasjonar

For fagleiar menneskehandel:

Nødvendig:

Fullført og bestått politi(høg)skule
Erfaring frå etterforsking av alvorleg kriminalitet
Brei erfaring frå politiet
Kjennskap til lovverk innanfor gjeldende ansvarsområde
God munnleg og skriftleg på norsk og engelsk

Ønskeleg:

Generell vidareutdanning innan etteforskning (VEF)
Anna relevant utdanning/vidareutdanning
Relevant erfaring med prosjekt- og teamarbeid
Gode ferdigheiter innan politiet sine datasystem

For etterforskar gjeld:

Nødvendig:

Fullført og bestått politi(høg)skule ved tiltreding
God munnleg og skriftleg på norsk og engelsk

Ønskeleg:

Anna relevant utdanning/vidareutdanning
Erfaring med behandling av elektroniske spor, herunder også utdanning/kurs
Relevant erfaring frå politiet
Gode ferdigheiter innan politiet sine datasystem

For begge stillinger gjeld krav om plettfri vandel og at ein er skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

Personlege eigenskapar

Du har gode samarbeidsevner
Du er løsningsorientert og effektiv
Du er nysgjerrig og tør å stille kritiske spørsmål
Du er systematisk og analytisk

For fagleiar ser vi i tillegg for oss at du evner å motivere og utvikle andre, har god gjennomføringsevne og skapar resultat i samhandling med andre.

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

Ein utfordrende og spennande arbeidsplass for deg som vil være med på å forme politiet for framtida
Fast stilling som fagleiar blir lønna som politioverbetjent, stillingskode 0287, med brutto årslønn kr. 670 000 til kr. 730 000. For vikariat som etterforskar politibetjent 3/2/1 (SKO 1461/1459/1457) er tilsetting er avhengig av erfaring og kompetanse, jf. Kompetansekriteriene for politibetjenter.
Politibetjent 3 - brutto årslønn frå kr. 585 000 - kr. 680 000
Politibetjent 2 - brutto årslønn frå kr. 525 000 - kr. 580 000
Politibetjent 1 - brutto årslønn frå kr. 500 000 - kr. 560 000
For særskilt kvalifiserte kan noko høgare lønnsplassering bli vurdert
Godtgjersle etter gjeldande ATB og tillegg for eventuell turnusteneste
Medlemskap i Statens pensjonskasse (SPK) med gode pensjons- og forsikringsordningar. Sjå www.spk.no for meir informasjon.
Mogelegheit for trening i arbeidstida
Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.

Kontaktinformasjon

Marius Haugland Martinsen, Fung. avsnittsleiar, 41523862

Arbeidsstad

Nedre Strandgate 50
6005 Ålesund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4944023109
Stillingsprosent: 100%
Fast stilling, Vikar
Søknadsfrist: 21.04.2025

Informasjonskapsler på arbeidsplassen.no

Rapporter annonse