OsloMet – storbyuniversitetet er det tredje største universitetet i Noreg, med 23 000 studentar og over 2600 tilsette. Vi har campus i Oslo sentrum og på Romerike. OsloMet leverer forsking og utdanning med høg relevans for arbeidslivet, velferdsstaten og storbyregionen.

Er du ein leiar som blir motivert av å vidareutvikle fagområdet verksemdsstyring?

Har du leiarerfaring, strategisk forståing, kunnskap om verksemdsstyring – og blir tiltrekt av universitetet sitt viktige samfunnsoppdrag? Økonomiavdelinga ved OsloMet søkjer ein strategisk og analytisk seksjonssjef som skal leie seksjon for økonomi- og verksemdsstyring. Seksjonen er éin av fire i den sentrale økonomiavdelinga, og seksjonssjefen rapporterer til økonomidirektøren.

Vi ser etter deg som blir motivert av å utvikle økonomi- og verksemdsstyringsprosessane ved universitetet. Du skal leie arbeidet med å vidareutvikle styringsmodellen til OsloMet, sikre tilgang til god og relevant informasjon, og ha ansvar for verktøystøtte i styringsprosessane. Seksjonen har mellom anna ansvar for prosessane knytte til plan og budsjett, tertial- og årsrapportering, risiko-, portefølje- og målstyring, i tillegg til controlling og analyse.

OsloMet er eit universitet i stadig utvikling, og utviklinga skjer i tett samarbeid med fakultet og forskingssenter. Vi ser etter ein trygg og samarbeidsorientert leiar med djup økonomiforståing og solid fagleg bakgrunn.

Arbeidsoppgåvene dine vil i hovudsak vere å

utvikle og leie seksjonen, som består av 11 medarbeidarar
drifte og forvalte universitetets styringsprosessar, og vere eit fagleg tyngdepunkt og ei ekspertressurs i arbeidet med å utvikle økonomi- og verksemdsstyringsprosessar
ivareta heilskapsperspektiv og porteføljestyring på tvers av utviklingsinitiativ, og sikre god prosjektstyring og gevinstrealisering
vere ein pådrivar for å ta i bruk ny teknologi og digitale løysingar for prosessforbetring og effektivisering
bidra med god økonomisk styringsinformasjon og analyser til leiinga

Du må ha

solid kompetanse innan økonomi og styring, gjerne frå komplekse kunnskapsorganisasjonar
relevant leiarerfaring og god innsikt i endringsleiing, effektiv samhandling og kommunikasjon
god kjennskap til moderne styringssystem og verktøystøtte knytt til planlegging, styring og leiing
erfaring med å jobbe systematisk etter forbetringsmetodikk, og gjerne erfaring fra tenesteutvikling og brukarorientert prosessarbeid
relevant høgare utdanning, helst mastergrad. Realkompetanse med relevans for oppgåvene kan kompensere for utdanningskravet
gode norsk- og engelskkunnskapar, både skriftleg og munnleg

Vi ynskjer deg som

evnar å inspirere og motivere medarbeidarar i eit sterkt fagmiljø
har mye energi, høy arbeidskapasitet og evnar å gjennomføre
har god forståing for verksemda, og er analytisk og strukturert
har evne til å byggje gode relasjonar og sterke team, og ønskjer å levere resultat saman med medarbeidarane
er tillitsvekkjande og truverdig i møte med sterke fagpersonar og leiarar internt.

At du er personleg eigna for stillinga vil bli tillagt vekt.

Det er viktig for OsloMet å spegle menneska i regionen og vi ønskjer alle kvalifiserte søkjarar velkomen. Vi arbeidar aktivt for å utvikle oss vidare som ein inkluderande arbeidsplass og for å leggje til rette arbeidsplassen dersom du har behov for det. Har du periodar i livet kor du ikkje har vore i arbeid, utdaning eller opplæring er du også velkomen til å søkje hos oss.

Vi kan tilby deg

ei leiarrolle i eit spennande og krevjande utviklingsarbeid ved Noregs tredje største universitet
ei triveleg leiargruppe med høg kompetanse
faglege utfordringar og personlege utviklingsmoglegheiter i eit aktivt og sterkt fagmiljø
låne- og pensjonsvilkår i Statens pensjonskasse
fleksibel arbeidstid, trening i arbeidstida og gode velferdsordningar

Vi behandlar berre søknader sendt via vårt elektroniske rekrutteringssystem og alle dokument må lastas opp for at din søknad skal behandlast. Dokumenta må vere på engelsk eller eit skandinavisk språk. Omsetjingar må vere autoriserte. Dersom du vert innkalla til intervju må du vise fram originalen der. OsloMet gjennomfører kontroll av dokument, slik at du som kandidat skal få ei reell evaluering og ein rettferdig konkurranse.

Andre opplysningar

Dersom du ønskjer meir informasjon om stillinga, kan du ta kontakt med:

Økonomidirektør, Line Haugen, mobil 915 48 630

Stillinga blir lønna i samsvar med Hovudtariffavtalane i staten og OsloMets lønnspolitikk i stillingskode 1206 seksjonssjef, tilsvarande kroner 760 000 – 945 000 kroner per år. For særskild kvalifiserte søkarar kan ein vurdere høgare lønn. Frå lønna blir det trekt 2 prosent i lovfesta innskot i Statens Pensjonskasse.

Du som søkar kan med heimel i Offentleglova verte publisert på søkjarlista sjølv om du har bede om at søknaden vert handsama konfidensielt. Dersom det skjer vil du verte varsla før publisering.

Vil du søkje på stillinga må du søkje elektronisk i rekrutteringssystemet vårt.

Søknadsfrist: 11. juni 2025
Ref.: 25/05677

Informasjonskapsler på arbeidsplassen.no

Rapporter annonse