Etaten Samfunnsutvikling og drift i Fitjar kommune har ansvar for gjennomføring av kommunen sine investeringsprosjekt. Til ei nyoppretta stilling søkjer me etter prosjektleiar. Prosjektleiaren vil i samarbeid med etatssjef ha ansvaret for oppfylging og gjennomføring av investeringsprosjekta. Investeringsprosjekta vil variera frå dei minste innkjøpa på rundt 100 000,- til dei største byggjeprosjekta.

Kontorstad er Fitjar rådhus. Administrasjonsmålet er nynorsk.

Sentrale arbeidsoppgåver:

Gjennomføring av kommunen sine investeringsprosjekt, frå start til mål. Dette vil m.a. kunna innebera
Prosjektering, med oppfylging av konsulentar
Grunn- og rettigheitserverv
Utarbeiding av søknadar til offentlege instansar, slik som byggjesøknadar, kontakt med vegmynde, søknadar til Arbeidstilsynet mv.
Arbeid med offentlege anskaffingar
Gjennomføring med entreprise og oppfylging av leverandørar og entreprenørar. Oppfylging på byggjeplass.
Ivaretaking av kommunen sitt ansvar som byggherre
Oppfylging i prøvedriftsperiode i samarbeid med einingsleiar for teknisk
Internkontroll og SHA-arbeid i prosjekta.
Økonomistyring
Forvaltning og kontroll av FDV-dokumentasjon.
Førebuing av saker til politisk handsaming.

Ved behov vil det kunna vera behov for å ta del i andre oppgåver som ligg til etaten.

Kvalifikasjonar for stillinga

Ingeniørutdanning innan relevante fag, fortrinnsvis byggingeniør. Lang realkompetanse vil i særskilte tilfelle kunna kompensera for manglande formell utdanning.
Erfaring frå prosjektarbeid, inkludert økonomistyring, er ynskjeleg.
Kjennskap til offentleg forvaltning og aktuelle regelverk er ein føremon.
Gode samarbeids- og kommunikasjonsevner både munnleg og skriftleg.
Evne til å jobba sjølvstendig, ryddig og strukturert, og til å forhalda deg til fristar.
Interesse, evne og vilje til å læra deg dei delane av oppgåvene knytt til stillinga som du ikkje har erfaring med frå tidlegare.
Førarkort i klasse B

Personlege eigenskapar som er naudsynt for stillinga vil verta vektlagde.

Me kan tilby:

Spanande og meiningsfylte arbeidsoppgåver innanfor eit viktig samfunnsområde
Godt arbeidsmiljø med engasjerte medarbeidarar
God offentleg pensjonsordning

Dersom søkjar ynskjer å verta unnateke frå offentleg søkjarliste, lyt søkjar spesifisera og grunngje det i søknaden. Opplysningar om søkjaren kan verta gjort offentlege sjølv om søkjaren har oppmoda om ikkje å verta ført på søkjarlista. Dersom oppmodinga ikkje vert teke til fylgje, skal søkjaren varslast om dette.

For nærare info om stillinga, ta kontakt med etatssjef for Samfunnsutvikling og drift Louise Pettersen, tlf 415 77 063.

Les meir om kommunen og stillinga på fitjar.kommune.no/stilling

Informasjonskapsler på arbeidsplassen.no

Rapporter annonse