Vi har ledig 100% fast stilling for psykologspesialist i nevropsykologi frå 01.11.2025. Psykolog under spesialisering innan nevropsykologi vil også bli vurdert.

Vi er ein spennande arbeidsplass, med engasjerte og kompetente medarbeidarar, og vi ønsker deg med for å bidra til utvikling av gode tenester. Du får eit variert arbeidsområde med faglege utfordringar. ReHabiliteringsklinikken utgreier og behandlar menneske med medfødte og erverva sjukdomar og skadar, for å fremme betre funksjonsnivå, meistring og livskvalitet.

Hos oss samarbeider mange helseprofesjonar. Vi arbeider tverrfagleg med komplekse medisinske problemstillingar. Klinikken består av Avdeling for fysikalsk medisin og rehabilitering (AFMR), Habiliteringstenesta for vaksne (HAVO) og Regionalt kompetansesenter for habilitering og rehabilitering.

AFMR er lokalisert på Nordås og gir spesialiserte tilbod til mennesker med komplekse og samansette behov for utgreiing, vurdering og rehabilitering i sjukehus. Tilbodet omfattar døgnbehandling, dagbehandling og poliklinikk. Vi har regional funksjon for pasientar med alvorlege traumatiske hodeskader, og nasjonal funksjon for brannskaderehabilitering.

Avdeling for fysikalsk medisin og rehabilitering gir tilbod til pasientar med erverva hjerneskade, multitraume, nevrologiske lidingar og skadar, kreft, brannskade, amputasjonar, funksjonelle nevrologiske lidingar, CFS/ME, muskel- og skjelettsplager m.a. Vi har for tida totalt 5 psykologar og 1 testtekniker.

Klinikken er i ein spennande utviklingsfase med fleire pågåande og planlagde utviklings- og endringsprosessar, m.a. nybygg og samlokalisering på Nordås om nokre år.

Arbeidsoppgåver

Spesialisert rehabilitering i team etter erverva skade eller sjukdom
Hjerneskaderehabilitering ved erverva hjerneskade hos vaksne
Kognitiv rehabilitering både i pasientens tidleg fase og i seinfase
Greie ut, diagnostisere og behandle pasientar
Tverrfagleg teamarbeid med pasientar kort tid etter erverva hjerneskade
Poliklinisk utgreiing og behandling av pasientar med kognitiv svikt
Meistringsorienterte samtalar
Rettleie pasientar og evt pårørande
Dele psykologfagleg kompetanse og rettleie medarbeidarar og eksterne samarbeidspartar
Psykoedukasjon, pasientoppfølging og dialog i grupper
Fagutviklingsarbeid, vere med å etablere og forbetre pasienttilbodet

Kvalifikasjonar

Norsk autorisasjon som psykolog
Psykologspesialist innan nevropsykologi
Psykolog under spesialisering innan nevropsykologi vil bli vurdert
Erfaring med og engasjement for hjerneskaderehabilitering
God på å skape trygge relasjonar både med pasientar, pårørande og alle samarbeidspartar
Fleksibilitet med tanke på arbeidsoppgåver
Motivert, nytenkande og løysingsorientert
Samarbeider godt med pasientar, pårørande og kollegaer
Kunne kommunisere godt på norsk, både munnleg og skriftleg
Digital kompetanse

Personlege eigenskapar

Evne til å arbeide målretta
Vidareutvikle kompetansen din og bidra i utvikling og forsking
Bidra til brukarmedverknad og samvalg
Vere med å skape godt arbeidsmiljø
Handtere krevande og akutte situasjonar
Kunne arbeide med langsiktige planar og løysingar
Kunne arbeide både sjølvstendig og i tverrfaglege team
Personleg egnethet blir vektlagt

Vi tilbyr

Eit spennande tverrfagleg arbeidsmiljø, høg kvalitet og fokus på kontinuerleg forbetring
Moglegheit for fagleg og personleg utvikling
Lønn i samsvar med gjeldande overeinskomst
Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Herborg Tegle, Seksjonsleiar, 46894607

Arbeidsstad

Nordåsgrenda 4
5235 Rådal

Nøkkelinformasjon:

Arbeidsgivar: Helse Bergen HF

Referansenr.: 4999164086
Stillingsprosent: 100%
Fast
Søknadsfrist: 14.09.2025

Informasjonskapsler på arbeidsplassen.no

Rapporter annonse