Kompetansesenter i lindrande behandling Helseregion Vest (KLB) er eit regionalt ressurssenter for helsepersonell som arbeider med lindrande behandling og omsorg ved livets slutt. Senteret er organisert med ei sentral eining ved Haukeland universitetssjukehus og eit nettverk av kliniske medarbeidarar i heile Helseregion Vest. Målsettinga for senteret er å fremme palliasjon ved å styrke kompetanse bygd på eit heilskapleg menneskesyn og gode fagkunnskapar.

Viktige arbeidsoppgåver for senteret er undervisning og opplæring, forsking og prosjektarbeid, drift av kompetansenettverk, utviklingsarbeid og planarbeid. Senteret er administrativt lagt under Kirurgisk serviceklinikk i Helse Bergen. Se www.helse-bergen.no/palliasjon.

Stillinga er eit engasjement i 20% stilling fram til sommeren 2028 for klinisk medarbeidar i lindrande behandling. Stillinga er øyremerkt for fysioterapeut eller ergoterapeut i spesialisthelsetenesta eller den kommunale helse- og omsorgstenesta i Helseregion Vest.

Arbeidsoppgåver

Dei som blir tilsett, må kunne arbeide ein dag i veka for KLB, på sin arbeidsstad eller i sitt geografiske område. Hovudoppgåver for desse stillingane er undervisning og rettleiing, drift av kompetansenettverk av fysio- og ergoterapeutar, samt styrking av forskings- og fagutviklingsinnsatsen i senteret
Noko reising må påreknast
Medarbeidarane må og ta del i nokre felles oppgåver for KLB og vere med på felles regionale samlingar

Kvalifikasjonar

Medarbeidaren må arbeide med lindrande behandling i si hovudstilling. Søkar må dokumentere god kompetanse i palliasjon, til dømes gjennom relevant vidareutdanning og arbeidserfaring, og må ha eit ønske om å utvikle kompetansen sin vidare

Personlege eigenskapar

Vi søker engasjerte personar som har evne til å arbeide systematisk og målretta med arbeidsoppgåver
Søkar må vere fleksibel og ha gode samarbeidsevner, men må og kunne arbeide sjølvstendig
Det blir lagt vekt på personlege eigenskapar

Vi tilbyr

Regional klinisk medarbeidar blir knytt til eit tverrfagleg, regionalt nettverk med høg kompetanse i lindrande behandling
Gode moglegheiter for fagleg og personleg utvikling
Løna følger vanlegvis løn i medarbeidaren si hovudstilling

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Grethe Skorpen Iversen, Assisterende seksjonsleiar, 99204009, grethe.skorpen.iversen@helse-bergen.no
Katrin Rut Sigurdardottir, Seksjonsleiar, 41701771, katrin.rut.sigurdardottir@helse-bergen.no

Arbeidsstad

Jonas Lies vei 79
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4963528902
Stillingsprosent: 20%
Engasjement
Startdato: 01.08.2025
Sluttdato: 30.06.2028
Søknadsfrist: 20.05.2025

Informasjonskapsler på arbeidsplassen.no

Rapporter annonse