Volda og Ørsta Reinhaldsverk IKS, saman med dotterselskapet sitt Retura Søre Sunnmøre AS, søkjer no ein framtidsretta og engasjert økonomileiar.

Dette er ei sjeldan moglegheit til å tre inn i ei nyoppretta nøkkelrolle med stor påverknad. Du får einsentral posisjon i to solide og framtidsretta verksemder, der du arbeider tett med både leiing og styre. Rolla gir deg moglegheit til å forme og vidareutvikle økonomifunksjonen, samstundes som du bidreg aktivt i strategiske avgjerder og utviklinga av organisasjonane.

Verksemdene opererer i ein samfunnskritisk bransje med aukande fokus på berekraft, effektiv ressursutnytting og framtidsretta løysingar. Stillinga gir deg dermed ein unik kombinasjon av strategiske og operative oppgåver, samt brei erfaring på tvers av selskap og organisasjonsformer.

Ei rolle der du får betydeleg påverknadskraft, og moglegheit til å forme ein ny økonomifunksjon.

Som økonomileiar vil du ha eit overordna ansvar for økonomifunksjonen i begge verksemdene. Rolla spenner frå operativ økonomioppfølging til strategisk rådgjeving, og du vil vere ein sentral bidragsytar i avgjerdsprosessar og vidare utvikling. Du vil arbeide tett med leiinga og ha ei aktiv rolle i å sikre god styringsinformasjon, effektive prosessar og solide økonomiske avgjerdsgrunnlag.

Nokre av dei viktigaste oppgåvene dine

Overordna ansvar for økonomistyring, rapportering og oppfølging mot leiing og styre
Leie budsjett-og oppfølgingsprosessar. Ansvar for årsoppgjer
Utarbeide avgjerdsgrunnlag og bidra til forbetring og gode strategiske prioriteringar
Analysere og vidareutvikle styringsinformasjon og nøkkeltal
Forvalte finansielle område som likviditet, lån og forsikringar
Bidra til utvikling av system og digitale løysingar
Delta i anskaffingar og følgje opp avtalar og leverandørar

Kven er du?

Vi ser etter deg som kombinerer sterk økonomifagleg kompetanse med god forretningsforståing. Du er analytisk og strukturert, og evnar å omsetje innsikt til gode avgjerdsgrunnlag. Samstundes er du utviklingsorientert og motivert av moglegheita til å byggje opp og forbetre funksjonar over tid.

Du trivst i ei rolle med brei kontaktflate og samarbeider godt på tvers av fagmiljø og organisasjonar. Du er nysgjerrig, tek initiativ og har evne til å skape framdrift.

Vidare har du

Høgare økonomisk utdanning
Erfaring frå økonomi, rekneskap eller controlling
God systemforståing og interesse for IKT og digital utvikling
Gjerne erfaring frå offentleg verksemd eller komplekse organisasjonar/konsern

Vi tilbyr

Ei nyoppretta nøkkelrolle med stor påverknad
Moglegheit til å forme og utvikle økonomifunksjonen
Ei sentral rolle i to solide og framtidsretta verksemder
Varierte oppgåver med både strategisk og operativt ansvar
Eit uformelt og godt arbeidsmiljø med korte avgjerdsliner
Moglegheita til å bidra i ei viktig samfunnsoppgåve innan berekraft og ressursforvaltning

Interessert?

Dersom du synest dette høyrest ut som ei spennande moglegheit, høyrer vi gjerne frå deg. Send oss ein søknad eller ta kontakt med vår rekrutteringspartnar i Adecco ved distriktsjef Linn-Kristin Lorgen (959 74 621).

Søknadsfrist: 16.08.26

Rapporter annonse