ISFI lea ovdavázzi sámi ja máilmmiviidosaš eamiálbmotfilbmaindustriijas, seammás go mii hukset ceavzilis ja jođiheaddji sámi filbmaindustriija mii lea internašunálalaččat oidnosis ja geasuheaddji. Sámi filbmasuorgi ja ISFI sturrot dál hirbmosit ja dan dihte háliidit mii nannet min joavkku go virgádit ekonomiijahálddašeaddji bistevaš virgái.

Barggut:

Ekonomiijahálddašeaddjin Internašunála Sámi Filbmainstituhtas lea oassi du bargguin dát, muhto eai leat ráddjejuvvon dušše dása:

Ovddasvástádus fitnodaga ekonomiijadoaimmaid ovddas, dasa gullá bušetteren, rehketdoallu ja raporteren. Hálddašit bálká- ja bargiidproseassaid. Sihkkarastit ahte ekonomiija ja HR dáfus čuvvojuvvojit gustovaš lágat ja láhkaásahusat. Ovddasvástádus čuovvolit ISFI juolludanárvobáhpira ja prošeaktaraporteremiid. Oassálastit strategalaš plánemii ja mearrádusdahkamii.

Gealbbut:

Mii ohcat áŋgiris ja hárjánan kandidáhta čuovvovaš gelbbolašvuođaiguin:

Bures hálddaša sámegiela, dárogiela ja eŋgelasgiela sihke njálmmálaččat ja čálálaččat.
Dus berrešii leat bachelorgráda ekonomiijas, fitnodathálddašeamis dahje gullevaš fágasuorggis. Mastergráda dahje gullevaš duođaštus lea ovdamunni.
Lea sávahahtti ahte lea hárjáneapmi ekonomiija-, strategiija- ja bargiidjođiheamis.
Čiekŋalismáhttu rehketdoalus ja ekonomalaš prinsihpain.
Buorit gulahallannávccat, sihke čálálaččat ja njálmmálaččat.
Návccat bargat iešheanalaččat ja joavkkus.
Dárkilis diehtu relevánta lágaid ja láhkaásahusaid birra.

Maid mii fállat:

Vejolašvuođa bargat guovddáš virggis fitnodagas mii lea stuorrume ja mas lea dehálaš servodatdoaibma.
Vejolašvuođa váikkuhit ja hábmet min ekonomiijastrategiija.
Movttiidahtti sámegielat bargobirrasa gos lea positivitehta, ovttasbargu, ođđaráhkadeapmi ja áŋgirvuohta.
Barggu innovatiiva sámi ja internašunála filbmasuorggis.
Bálkká šiehtadallama mielde.

Ohcanáigemearri: 10.12.2023

Ohcanáigemearri lea 10.12.2023. Mii ávžžuhit buot gelbbolaš kandidáhtaid ohcat nu jođánit go vejolaš.

Ohcanmannolat: Kandidáhtat geain lea beroštupmi bivdojuvvojit sáddet CV ja ohcamuša ISFI direktevrii Anne Lajla Utsi, annelajla@isfi.no fáddálinjjáin "Ohcamuš Ekonomiijahálddašeaddji -ISFI".

Mii meannudit ohcamušaid dađi mielde go bohtet ja váldit oktavuođa guovdilis kandidáhtaiguin bovden dihte jearahallamii.

ISFI lea bargoaddi mii árvvusatná girjáivuođa ja ávžžuhit buot gelbbolaš kandidáhtaid ohcat beroškeahttá sohkabealis, agis, doaibmannávccas dahje kultuvrralaš duogážis.

Mii illudit oažžut du ohcamuša ja sávvat dutnje buresboahtima min searvái.

Informasjonskapsler på arbeidsplassen.no

Rapporter annonse