Ved Bergen og omland familiekontor, lokasjon Stord, har vi ledig ei fast stilling i 100 % og ei fast 50% stilling som familieterapeut/psykolog/psykologspesialist. Hos oss vil du vere del av eit spennande fagmiljø som er opptatt av vårt viktige samfunnsoppdrag.

Bergen og omland familiekontor har lokasjonar i Bergen, på Stord, og i Odda, med utekontor på Voss og Husnes. Arbeidssted for stillinga er Leirvik, Stord.

Kontora har til saman omlag 40 tilsette med utdanning som familieterapeutar, psykologar/psykologspesialistar, og tilsette med kontorfagleg kompetanse. Familievernet gir tilbod til familiar, par og barn som sjølv oppsøker tenesta med ulike typer relasjonsproblem. Tenestetilbodet består av familie og parterapi, grupper, kurs, mekling og bistand til foreldresamarbeid der foreldre ikkje bur saman. Familievernet utfører lovpålagt mekling mellom foreldre med formål om å hjelpe dei til å finne gode løysingar for barn etter samlivsbrot.

Familievernet er i utvikling, og eit av satsingsområda er å auke barn si medverknad i eige liv gjennom familievernets tenestetilbod.

Arbeidsoppgåver

I familievernet vil du arbeide med:

Terapi og rådgjeving for familiar og par med samlivs- og relasjonsvanskar.
Foreldrerettleiing.
Å auke barns medverknad gjennom familiesamtalar og samtalar med barn/ungdom.
Arbeid med mekling for foreldre etter ekteskaps- og barnelova.
Samvær med tilsyn.
Kurs og gruppar.
Utadretta og førebuande arbeid.
Intern fagutvikling i samarbeid med kollega.
Administrative/andre oppgåver knytta til drift av kontoret.

Kva slags bakgrunn har du?

Krav til stillingane:

Profesjonsutdanning i psykologi og godkjenning som psykolog eller psykologspesialist.
Utdanning som barnevernspedagog eller sosionom med vidareutdanning i familieterapi. Anna relevant grunnutdanning på bachelornivå med vidareutdanning i familieterapi kan vurderast.
Relevant arbeidserfaring med barn, ungdom og familiar etter utdanninga.
Gode kliniske ferdigheiter.
God IT-kompetanse.
God skriftleg og munnleg framstillingsevne.

Kven ser vi etter?

Du har:

Evne til å møte menneske i vanskelege livssituasjonar på ei respektfull, god og trygg måte.
Evne til å arbeida både sjølvstendig og i team.
God arbeidskapasitet.
Evne til sjølvleiing og fleksibilitet.
Interesse for og evne til å møte faglege utfordringar.

Personlege eigenskapar og samansetning av personalgruppa vil bli vektlagt.

Grunna behov for kjønnsmessig balanse i personalsamansetjing oppmodas menn til å søkja.

Kva får du hos oss?

Stillinga som psykolog/psykologspesialist er plassert i statleg lønsregulativ i stillingskode 0794 som psykolog, p.t. kr 660 000 - 720 000 pr. år, stillingskode 0795 spesialpsykolog, p.t. 720 000 - 800 000 , eller stillingskode 1304 psykolog med godkjent spesialitet, p.t. kr 745 000 - 870 000.
Stillinga som familieterapeut er plassert i statleg lønsregulativ i stillingskode 1173 klinisk sosionom, 1496 klinisk barnevernspedagog, 1185 spesialutdanna sosionom, 1510 spesialutdanna barnevernspedagog, kr 650 000 - 700 000 pr. år, stillingskode 1364 seniorrådgjevar, p.t. kr 650 000 - 700 000 pr. år.
Løn og stillingskode vert vurdert etter utdanning og erfaring. Løn kan vurderast ved særs gode kvalifikasjonar.
Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, moglegheit for boliglån til konkurransedyktige vilkår, samt yrkesskade- og gruppelivsforsikring.

Vi kan også tilby:

Løyve til å trene ein time pr. veke i arbeidstida.
Fleksibel arbeidstid innafor bestemte rammar.
Varierte arbeidsoppgåver i eit godt og engasjert fagmiljø.
Du får vere med på å løfte oss slik at vi kan gje barn og unge og familiar eit enda betre tilbod, noko vi meiner har ein stor verdi i seg sjølv .

Informasjon til deg som søkjer

Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
Stillinga er for tida lagt til Bergen og omland familiekontor, lokasjon Stord.
Vi ønskjer lik kjønnsbalanse mellom kvinner og menn. Dette kan vere avgjerande ved val av kandidatar til intervju ettersom personalsamansetninga er viktig.
Politiattest må leggjast fram ved tilsetjing, jf. Familevernkontorloven § 2 a, jf. Politiregistreringsloven § 39 første ledd. Denne attesten skal ikkje leggjast med søknaden.
Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.

Søknad med CV skal sendast elektronisk via lenke på denne sida.

Vitnemål og attester med bekrefta stillingsstorleik og varigheit skal leggjast ved elektronisk som vedlegg i Webcruiter, samt takast med ved eit eventuelt intervju.

Kontaktinformasjon

Vibeke Heitmann, Leiar, 46 61 92 59

Arbeidssted

Torget 10
5417 Stord

Nøkkelinformasjon:

Arbeidsgiver: Bufetat

Referansenr.: 4894718845
Stillingsprosent: 100, 50%
Fast
Søknadsfrist: 23.01.2025

Informasjonskapsler på arbeidsplassen.no

Rapporter annonse