Vi har ledig stilling som sokneprest i Valestrand og Førde sokn i Sveio kommune.

Sør i Sunnhordland, mellom Bergen og Stavanger, ligg Sveio. Kommunen har vakker og variert natur med gode høve til friluftsliv. Kommunen har vel 5800 innbyggjarar, og i Valestrand og Førde sokn er ca. 2000 medlem i Den norske kyrkja.

Kommunesenteret er i Sveio. E39 går gjennom kommunen. Frå kommunesenteret er det 17 km til Haugesund og 38 km til Stord. Det er fem barneskular og ein ungdomsskule, lokalisert i Sveio sentrum. Kommunen har god barnehagedekning. For meir informasjon om Sveio sjå www.sveio.kommune.no.

I soknet er det eitt kapell og to kyrkjer med regelmessige gudstenester: Eikeland kapell (1960), Førde kyrkje (1937) og Valestrand kyrkje (1873). I tillegg til å romma gudstenester og kyrkjelege handlingar, fungerer Valestrand kyrkje som kulturkyrkje for heile Sveio, med eige styre for verksemda. I Sveio sokn ligg Sveio kyrkje (1858) med flest gudstenester, og ved Sveio kyrkje ligg Sveio soknehus frå 2016. Dette er ein god arena for kyrkjelyden si trusopplæring og anna kyrkjelydsarbeid. Sveio bedehus er ein del av soknehuset.

Tala frå statistikken i 2023 for begge sokna samla er: 46 døypte, 65 konfirmerte, 7 vigslar og om 34 gravferder. Snittdeltakinga ved gudstenestene var 76. Det er regelmessige andaktar ved Sveio omsorgssenter. Det er sju bedehus i sokna. Det er godt samarbeid mellom kyrkje og bedehus.

Gjenbruksløa er kyrkjelyden sin eigen gjenbruksbutikk, lokalisert i Førde. Butikken har eit årleg sal på ca. 950.000 kr, som mellom anna går til eit menneskerettsprosjekt i Pakistan gjennom NMS. Nokre av midlane går til Sveio soknehus.

Det er felles kyrkjekontor for dei tilsette på soknehuset i Sveio. På tenestestaden er det to prestar, kyrkjeverje, to kantorar, kyrkjelydspedagog, trusopplærar, kontorfullmektig, arbeidsleiar og kyrkjegardsarbeidar. Det er utlyst ny stilling som diakonimedarbeidar i 50 % stilling med tilsetjing i løpet av våren 2025. Begge sokna har etablert trusopplæringsutval og arbeider med plan for trusopplæring. Det kyrkjemusikalske arbeidet er godt utbygd. Barnekorveksemda er utbreidd og har god oppslutnad.

Sokna ligg i Sunnhordland prosti, som femner sju kommunar. I prostiet er det 22 sokn og 17 prestestillingar. Prosten leiar prestetenesta og samlar jamleg prestane i prostiet til fagleg utvikling, åndeleg fellesskap og teambygging. Alle prestane har prostiet som tenestedistrikt. Sunnhordland prosti er eit beredskapsområde.

Skriftspråket er nynorsk. Til stillinga er det ein fordel å ha førerkort og at ein disponerer bil.

Bjørgvin bispedøme skal vere ein arbeidsplass med rom og respekt for manfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar å søke.

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.

Vi ber om at søknad med CV, vitnemål og referansar sendast elektronisk via Webcruiter.

Arbeidsoppgåver

er sentral i utviklinga av gudstenestelivet
sit i Valestrand og Førde sokneråd og andre utval
sit i styret for Valestrand kulturkyrkje
tek del i planlegging, undervisning og gjennomføring av konfirmantarbeidet i begge sokna
tek del i rekruttering, oppfølging og opplæring av frivillige, primært knytt til arbeid med gudstenestene
stillinga inngår i Den norske kyrkja si ordning for beredskap

Kvalifikasjonar

cand.theol. med praktikum eller tilsvarande/master i teologi og praktikum
medlemskap i Den norske kyrkja

Personlege eigenskapar

evne og vilje til samarbeid
evne og vilje til rekruttering og oppfølging av frivillige medarbeidarar
personlege eigenskapar, erfaring og motivasjon knytt til arbeid med gudstenester og ungdom, blir vektlagt
Søkar må kunne samarbeide liturgisk med kollegaer uavhengig av kjønn eller teologisk usemje

Vi tilbyr

stillingskode 1555 sokneprest etter KA sitt tariffområde
medlemskap i kollektiv pensjonsordning KLP. Les meir om offentleg tjenestepensjon på www.klp.no
reiseutgifter godtgjort etter gjeldande regulativ
til løna kjem særskilde regulativmessige godtgjerdsler
arbeidsvegleiing (ABV)

Kontaktinformasjon

Arild Steinsland, Prost i Sunnhordland , 91555580
Therese Nesse Mokkelbost, HR-sjef i Bjørgvin bispedøme, 93612276

Arbeidsstad

Steinhaugvegen 10
5550 Sveio

Nøkkelinformasjon:

Arbeidsgivar: Den norske kirke

Referansenr.: 4889669408
Stillingsprosent: 100%
Fast
Søknadsfrist: 09.03.2025

Rapporter annonse