Avdeling for medisinsk biokjemi og farmakologi (MBF) er det største laboratoriet ved Haukeland universitetssjukehus og har ca. 350 tilsette. MBF har 12 analytiske og 4 ikkje-analytiske seksjonar som samarbeider tett med dei tre legegruppene (Medisinsk biokjemi, Hormonlaboratoriet og Klinisk farmakologi).

Avdelinga utfører ei rekke analysar innan fagområda medisinsk biokjemi og klinisk farmakologi og har moderne analyseinstrument. I tillegg til omfattande rutinedrift blir det drive forsking og utviklingsarbeid. Laboratoriet er akkreditert etter ISO standard 15189.

Vi søker etter ein positiv, engasjert og dyktig leiar til fast stilling som seksjonsleiar for seksjon for lege- og rusmiddel ved avdelinga. Stillinga er ledig frå 13.02.2025.

Seksjonen har 18 medarbeidarar, dette inkluderer 5 kjemikarar og 3 fagbioingeniørar. Analyserepertoaret består av analyse av >50 ulike legemiddel og >40 ulike rusmiddel. Det blir årleg analysert ca. 30.000 legemiddelanalysar og 25.000 rusmiddelanalysar. Dette er prøvar både frå sjukehuset sine pasientar og frå primærhelsetenesta.

Seksjonen har avanserte analyseinstrument (LC-MS/MS, LC-QTRAP-MS, LC-QTOF-MS, GC-FID), samt moderne robotar for handtering og opparbeiding av prøvemateriale.
Alle analysemetodane er utvikla ved seksjonen. I tillegg til omfattande rutinedrift blir det også drive forsking og utviklingsarbeid.

Arbeidsoppgåver

Ansvar for den daglege drifta
Ansvar for måloppfølging, fag, kvalitet og personal
Budsjettansvar og økonomioppfølging
Bidra til val og innkøyring av nye instrument og metodar
Ansvar for å bidra med heilskapleg og strategisk tenking og vere ein aktiv bidragsytar i arbeidet med å vidareutvikle seksjonen iht. vedtatte mål og strategiar
Delta i dagleg rutine ved seksjonen
Samarbeide tett med seksjonslege/legar og leiargruppa, i tillegg deltar seksjonsleiar i ulike fellesmøte og prosjekt i avdelinga
Delta i utvida leiargruppe

Kvalifikasjonar

Autorisert bioingeniør eller anna relevant utdanning frå høgskole/universitetsnivå (føreset at søkar er villig til å opparbeide kompetanse innanfor laboratoriedrift)
Fortrinnsvis 5 års erfaring frå laboratorium med relevant analytisk virksomhet
Det er ein fordel med dokumentert leiarkompetanse og/eller leiarerfaring
Det er ein fordel med erfaring frå prosedyreskriving, metodevalidering og databearbeiding
Må meistre godt norsk både munnleg og skriftleg

Personlege eigenskapar

Det blir lagt vekt på på personleg egnethet. Du må ha gode samarbeidsevner, jobbe sjølvstendig, vere løysingsorientert, ha høg arbeidskapasitet og arbeidsglede, samt vere ein motiverande faktor for å bidra til eit godt arbeidsmiljø
Ansvarsbevisst, nøyaktig og strukturert
Interesse for utvikling og forbetringsarbeid
Gode kommunikasjonsevner
Evne og vilje til raskt å sette seg inn i nye saksområde
Ha omtanke for og sjå dine medarbeidarar
Vilje til å vidareutvikle deg som leiar

Vi tilbyr

Stillinga er ei dagstilling
Eit aktivt og triveleg arbeidsmiljø med kompetente og stolte medarbeidarar
Høgt fagleg nivå
Lønn etter avtale
Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Ingunn Børø, Sjefbioingeniør, 55977882, ingunn.boro@helse-bergen.no
Hege Skavøy, Avdelingssjef, 55974397/93040104, hege.hoff.skavoy@helse-bergen.no

Arbeidsstad

Haukelandsbakken 49
5009 Bergen

Nøkkelinformasjon:

Arbeidsgivar: Helse Bergen

Referansenr.: 4884174674
Stillingsprosent: 100%
Fast
Søknadsfrist: 12.01.2025

Informasjonskapsler på arbeidsplassen.no

Rapporter annonse