Helsetilsynet har fått i oppdrag å opprette ei ny undersøkingsordning for svært alvorlege saker om barn som har mista livet, eller har blitt utsett for vald, overgrep og grov omsorgssvikt. Undersøkingsordninga skal gjennomgå saker ved å kartlegge kva som har skjedd, finne årsaksfaktorar og årsakssamanhengar, for å identifisere systemsvikt på tvers av sektorar. Ordninga blir foreløpig etablert som ei eiga eining i Statens helsetilsyn.

Vi søker nå ein jurist til ordninga.

Den som blir tilsett vil gjennomføre undersøkingar, analysere data, skrive rapportar og formidle funn og anbefalingar. Undersøkingane blir organisert som tverrfaglege prosjekt i tett samarbeid med kollegaer. Arbeidet krev kontakt med ulike aktørar, barn, familiar og andre pårørande.

Som nyoppretta ordning vil det vere behov for å arbeide med utviklinga av ordninga og undersøkingsmetodar, med vurderingar av barn sine rettar i medhald av internasjonale konvensjonar og relevant sektorregelverk, og med styring av og samarbeid mellom relevante sektorar, tenester og forvaltningsnivå. Vi søker derfor ein engasjert og dyktig medarbeidar med lang og relevant erfaring innan barnerett, forvaltningsrett og myndigheitsutøving på tvers av sektorområde.

Arbeidsoppgåver

Identifisere systemsvikt og utfordringar i eksisterande regelverk og praksis
Utforme juridiske anbefalingar og forslag til regelverksendringar som styrker rettssikkerheita til barn og gir grunnlag for betre samarbeid og avklaringar av ansvar
Sikre at undersøkingar blir gjennomført i tråd med forvaltningsrettslege prinsipp og gjeldande sektorregelverk
Behandle og følge opp meldingar og anna informasjon om svært alvorlege saker
Følge med på rettsutvikling og risikoområde
Leie og delta i tverrfaglege undersøkingar:
- gjennomføre intervju
- innhente dokumentasjon og kunnskap om fagområde og tema som blir undersøkt
- analysere data og funn
- utarbeide rapportar
- formidle funn og læringspunkt, skriftleg og munnleg
- ha dialog med fagmiljø, forvaltningsorgan, fag- og brukarorganisasjonar

Kvalifikasjonar

Nødvendige kvalifikasjonar:

master i rettsvitenskap / juridisk embetseksamen
svært god kunnskap om relevant regelverk
svært god kunnskap om offentleg forvaltning
solid erfaring med juridisk arbeid innan ulike fagområde som gjeld barn og unge (for eksempel barnerett, forvaltningsrett, personvern, teieplikt og regelverk for samhandling mellom sektorar og teneste)
svært god framstillingsevne og evne til å utarbeide klare og gode tekstar
god forståing for, innsikt i og erfaring med samhandlingsutfordringar mellom tenester, sektorar og forvaltningsnivå
god digital kompetanse
erfaring med tverrfagleg og tverrsektorielt arbeid

Ønskte kvalifikasjonar:

erfaring frå tilsyn, etterforsking eller anna form for undersøking
erfaring/kompetanse innan formidling
erfaring med analyser av systemsvikt og arbeid med lærings- og forbetringsprosessar i offentleg forvaltning
erfaring med regelverk, styring og rammevilkår for relevante tenester som barnevern, helse, utdanning og/eller justissektoren
erfaring med utgreiingar

Personlege eigenskapar

Vi søker deg som er engasjert og opptatt av barn sitt beste og rettssikkerheit. Du må ha svært god munnleg og skriftleg formidlingsevne og ei positiv og løysingsorientert haldning.

Du må:

vere analytisk, strukturert og målretta
vere i stand til å jobbe både sjølvstendig og tverrfagleg
ha god samarbeidsevne og evne til å skape gode relasjonar

Vi legg stor vekt på at du er personleg eigna.

Vi tilbyr

Lønn for seniorrådgivar: kr. 700 000 - 900 000. For særs godt kvalifiserte søkarar kan høgre lønn vurderast. Frå lønna blir det trekt 2 % lovfesta innskot til Statens pensjonskasse.

Statens helsetilsyn har det overordna ansvaret for det faglege tilsynet med sosiale tenester i Nav, barnevern-, helse- og omsorgstenesta. Statens helsetilsyn skal utvikle tilsynsverksemd og drive kompetanseoppbygging. Vidare skal vi medverke til at erfaringar frå tilsyn blir gjort tilgjengeleg for politiske oppdragsgivarar, for dei som har ansvar for tenestene og personellet der, for brukarane av tenestene, og for befolkninga. Vi er om lag 130 medarbeidarar og har kontorlokale sentralt i Oslo. Vi har kantine, sykkelgarasje og eige trimrom. Statens helsetilsyn har fleksibel arbeidstid (jf. Særavtale om fleksibel arbeidstid i staten), samt sommartid og vintertid, og du har høve til å trene inntil ein time per veke i arbeidstida. Vi kan vurdere fleksibilitet når det gjeld arbeidsstad.

Mangfald er viktig i Statens helsetilsyn. Vi ønsker at kvalifiserte kandidatar søker jobb hos oss uavhengig av kjønn, alder, funksjonsevne, hol i CV-en, etnisk eller nasjonal bakgrunn. Vi oppfordrar søkarar til å krysse av i jobbportalen dersom dei har nedsett funksjonsevne, hol i CV-en eller innvandrarbakgrunn. Du kan lese meir om positiv særbehandling her: https://arbeidsgiver.difi.no/positivsaerbehandling.

Vitnemål og attestar skal leggast ved søknaden. Tilgang til vitnemålsportalen vil bli etterspurd for kandidatar som er aktuelle for stillinga. Opplysningar om søkaren kan bli offentleggjort sjølv om søkaren har bedt om ikkje å bli ført opp på søkarlista jf. offentleglova § 25.

Kontaktinformasjon

Erik Stene, Fagdirektør, 404 90 516, ers@helsetilsynet.no
Peter Oftebro Baum, Prosessbistand, 477 51 871, pba@helsetilsynet.no

Arbeidssted

Møllergata 24
0179 OSLO

Nøkkelinformasjon:

Arbeidsgiver: Statens helsetilsyn

Referansenr.: 4931739843
Stillingsprosent: 100%
Søknadsfrist: 01.04.2025

Informasjonskapsler på arbeidsplassen.no

Rapporter annonse