Om stillinga

Ved Høgskulen i Volda, Avdeling for humanistiske fag og lærarutdanning, er det ledig 100 % fast stilling som studiekoordinator, med administrasjonssjef som næraste overordna.

Kvalifikasjonar

Søkjar må ha:

Mastergrad innanfor relevant fagfelt. Lang og relevant erfaring kan kompensere for delar av utdanningskravet.
Kunnskap og røynsle i bruk av administrative dataprogram og god digital kompetanse
Gode evner til samarbeid og kommunikasjon
Evne til å vere fleksibel, løysingsorientert og strukturert
God munnleg og skriftleg framstillingsevne på norsk og engelsk

Søkjar bør ha:

Erfaring med studieadministrativt arbeid ved høgskule/universitet

Personlege eigenskapar vil verte vektlagt.

Arbeidsoppgåver

Den som vert tilsett vil i hovudsak ha studieadministrative oppgåver, men vil også kunne få ansvar for andre administrative oppgåver i avdelinga. Døme på aktuelle oppgåver:

Koordinerande funksjon knytt til studieadministrative oppgåver
Kontakt med gjesteførelesarar, rettleiarar og sensorar, inkl. inngåing og oppfølging av avtalar
Ha systemansvar for eitt eller fleire administrative program ved avdelinga
Administrativt ansvar for studiekvalitetssystemet i avdelinga, m.a. planlegging, koordinering og tilrettelegging
Andre administrative oppgåver

For at vi til ei kvar tid skal vere i stand til å løyse dei administrative oppgåvene i avdelinga på ein best mogeleg måte, kan ansvars- og arbeidsoppgåvene i stillinga bli endra/justerte i samsvar med nye eller endra behov.

Vi tilbyr

Vi kan tilby eit spanande arbeidsmiljø med høve til fagleg og personleg utvikling og gode pensjonsordningar.

Løn etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda: Rådgjevar 1434 frå kr 614 474 - 706 000.

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Kontakt

Nærare opplysningar om stillinga får ein ved å vende seg til høgskulen ved administrasjonssjef Ragnhild Paulsen, tlf. 90 63 46 65.

Om avdelinga/eininga

Avdeling for humanistiske fag og lærarutdanning er den største avdelinga ved Høgskulen i Volda med årleg om lag 2400 studentar og 150 tilsette. Vi gjev tilbod om ei rekke ulike lærarutdanningar og fagstudium. Avdelinga har stor aktivitet innan etter- og vidareutdanning for lærarar. Høgskulen i Volda ligg langt framme i høve å gje tilbod med fleksibel organisering og bruk av ulike teknologiske løysingar. Vi har også omfattande aktivitet innan forsking og utviklingsarbeid. Nasjonalt senter for nynorsk i opplæringa er ein del av avdelinga.

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

. Video: https://www.youtube.com/watch?v=wSlL1WkuUXc

Informasjonskapsler på arbeidsplassen.no

Rapporter annonse