Har du sterk interesse for språk og undervisning? Har du kompetanse innan spansk og evt. andre fag? Då kan du vere den vi leitar etter!

Vi søkjer ein engasjert og dyktig pedagog til ei inntil 50% fast stilling ved Setesdal vidaregåande skule, avdeling Hornnes. Stillinga inneber hovedsakleg undervisning i spansk. Har du undervisningskompetanse også i andre fag, vil det og bli vurdert. Du vil vere ein viktig del av vårt lærarkollegium og bidra til å styrkje elevane sine språklege ferdigheiter og kulturelle forståing. Ved tilsetting vil personlege eigenskapar bli vektlagde. Det kan vere mogleheit for utviding av stilling om det blir behov.

Setesdal vidaregåande skule består av avdelingane Hornnes, Valle og Hovden, der Hornnes er den største avdelinga med om lag 180 elevar. Skulen sin visjon er "Vi vil vere ei drivkraft for kunnskap, utvikling og mangfald". Avdelinga på Hornnes har utdanningstilbod innan programområda studiespesialisering, helse- og oppvekstfag, teknologi- og industrifag og bygg- og anleggsteknikk. Skulen ligg i naturskjønne omgjevnader, har gode bussamband frå Kristiansand og eit godt læringsmiljø der elevane trivst.

Vi tek atterhald om eventuell overtal i fylkeskommunen.

Arbeidsoppgåver

Planlegging, gjennomføring og evaluering av undervisning i spansk og evt. andre fag.
Tilrettelegging for elevane si læring og utvikling, ved å undervise og vurdere på varierte måtar.
Samarbeid med kollegaer og deltaking i faglege møter.
Rettleiing og oppfølgjing av elevar.

Kvalifikasjonar

Godkjend lærarutdanning og relevant kompetanse innan spansk og evt. andre fag.
Erfaring frå undervisning på vidaregåande nivå er ein fordel.
Gode IKT-kunnskapar.

Framvising av politiattest er ein føresetnad for tilsetting. Innhenting av politiattest for personalet i skulen er regulert i opplæringslova § 10-9 og forskrift til opplæringslova kapittel 15.

Personlege eigenskaper

Du skapar gode relasjonar med ungdommar.
Du har tålmod, empati og tilpasningsevne.
Du har gode samarbeids- og kommunikasjonsevner, både skriftleg og munnleg.
Du er god på planlegging, orden og struktur.
Du har evne til å motivere, og er engasjert i elevane si læring og trivsel.

Vi tilbyr

Ein arbeidsplass som legg vekt på tillit, meistring og samarbeid.
Moglegheit for fagleg utvikling og samarbeid med dyktige kollegaer.
Ein skule med god oversikt over elevane.
Les meir om skulen vår her: www.Setesdal.vgs.no
God pensjonsordning i SPK. For meir informasjon om godane våre, sjå www.agderfk.no/jobb

Kontaktinformasjon

Helene Dovland, Avdelingsleiar , +4798828100
Jens Petter Røed, Rektor, +4746937401

Arbeidssted

Gymnasvegen 7
4737 Hornnes

Nøkkelinformasjon:

Arbeidsgiver: Agder fylkeskommune

Referansenr.: 4944021000
Stillingsprosent: 50%
Fast
Startdato: 01.08.2025
Søknadsfrist: 22.04.2025

Informasjonskapsler på arbeidsplassen.no

Rapporter annonse