Os vidaregåande skule tilbyr fem yrkesfaglege utdanningsprogram: bygg- og anleggsteknikk, elektro- og datateknologi, helse- og oppvekstfag, sal, service og reiseliv og teknologi- og industrifag. I tillegg har vi landsliner innan anleggsteknikk og yrkessjåfør, påbygg til generell studiekompetanse og særskilt tilrettelagt opplæring. Skulen har om lag 500 elevar og 105 tilsette.

Skulens elevsyn er å møta eleven med respekt, fleksibilitet og ei positiv innstilling. Vår visjon byggjer på formålsparagrafen til opplæringslova: Vi jobbar med samfunnets viktigaste verdi og bidreg til ei god framtid gjennom å utvikla sosialt kompetente og fagleg dyktige elevar og lærlingar for vidare liv, utdanning og yrke.

Skulen lyser ut etter ein spesialpedagog som kan arbeida saman med lærarkollegaar og skulens ressursteam. Spesialpedagogen skal bidra til at skulens opplæring i dei teoretiske faga/fellesfaga vert tilpassa elevene sine føresetnader og oppfyller krav i lov og forskrift. Os vgs ynskjer å styrkja sitt arbeid innan lese- og skriveopplæring.

Oppstart i stillinga er ynskt frå august 2025 eller så snart som råd er i løpet av hausten 2025.

Arbeidsoppgåver

Den som vert tilsett i stillinga skal arbeida med mellom anna:

Systemarbeid i samarbeid med PPT, lærarkollegaar og skulens ressursteam
Kollegarettleiing innan lese- og skriveopplæring og tilpassa opplæring i teoretiske skulefag
Støtte til kollegaar i arbeidet med å førebu, skriva og/eller implementera pedagogiske rapportar, individuelle opplæringsplanar og årsrapportar.
Kartlegging av lese- og skrivevanskar og utarbeiding av opplæringsplanar for elevar som har slike vanskar. Her inngår arbeid med opplæring i utvida rettskrivingsprogram.
Utføra individuelt tilrettelagd opplæring etter enkeltvedtak og/eller særskilt språkopplæring

Kvalifikasjonar

Ho eller han som vert tilsett i stillinga skal ha spesialpedagogisk utdanning på masternivå.

Det er eit ynskje at vedkommande kan oppfylla eitt eller fleire av desse kriteria:

Erfaring frå individuelt retta elevarbeid, helst i vidaregåande skule eller i ungdomsskulen
Sertifisering innan kartlegging av lese- og skrivevanskar og/eller kartlegging av språkvanskar
Undervisingskompetanse i norsk
Undervisingskompetanse i norsk som andrespråk
Erfaring med og/eller utdanning innan kollegarettleiing

Personlege eigenskapar

Spesialpedagogen skal mellom anna arbeida saman med skulens ressursteam, lærarkollegium og éin-til-éin med elevar. Difor treng søkjaren å vera:

Komfortabel i eit hektisk arbeidsfellesskap med elevar og lærarar.
God til å skapa relasjonar til elevar og kollegaar.
Samarbeidsorientert og førebudd på å rettleia og støtta kollegaar i utviklingsarbeid og undervising
Fleksibel i møte med ev. endringar i time- og arbeidsplan gjennom året
Utviklingsorientert og systematisk
Ein pedagog med eit positivt elevsyn

Me tilbyr

Eit aktivt og stimulerande profesjonsfellesskap
Nært samarbeid med kollegaar
God delingskultur og positiv innstilling
Løns- og arbeidsvilkår fastsett i lov og avtaleverk.
Gode forsikrings- og pensjonsordningar.

Vi gjer merksam på at i følgje offentleglova §25.2.ledd kan opplysningar om søkjaren verta offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.

Administrasjonsmålet i Vestland fylkeskommune er nynorsk.

Alle nytilsetjingar i Vestland fylkeskommune blir gjort med ei prøvetid på 6 månadar.

Den som skal tilsetjast i vidaregåande skule må leggje fram godkjent politiattest.

Kontaktinformasjon

Lars Arne Nilssen, avdelingsleiar, 93897988

Arbeidsstad

Nøkkelinformasjon:

Arbeidsgivar: Vestland fylkeskommune

Referansenr.: 4976005183
Stillingsprosent: 100%
Fast
Søknadsfrist: 11.06.2025

Informasjonskapsler på arbeidsplassen.no

Rapporter annonse