Ledig fast stilling som sjukepleiar - 1 x 100 % og 1 x 50 %

Arbeidsstad: Utne

Pleie og omsorg vest er stasjonert på Utne og er ei samordna teneste. Det vil seie at me driftar både sjukeheim , dagtilbod, kjøkken og heimetenester. På kjøkkenet lager me mat til pasientane på
sjukeheimen og til pasientar som bur i heimen og som ikkje klarer å lage mat sjølv.
Personalet kan få oppgåver både på institusjonen og i heimetenesta.
Sjukeheimen består av 24 plassar, der 6 av dei er tilrettelagt for personar med demenssjukdom, og 2 er kortidsplassar. I heimetenesta yter me tenester til om lag 75 pasienter.

I Omsorgstenesta vest har me eit godt arbeidsmiljø, med eit fleirkulturelt miljø.

Tenestene me utfører er mange og ulike, så me har ein innhaldsrik og spennande arbeidskvardag. Me er opptatt av at kvar enkelt pasient skal få gode tenester , tenester som er tilpassa kvar enkelt.

Dersom dette høyres interessant ut, håper me at du søkjer. Ta gjerne kontakt for ein uforpliktende prat.
God opplæring vert gitt.

Arbeidsoppgåver:

Utføra helse - og omsorgsoppgåver etter fagleg standard, og rettleia anna personale i faglege og etiske spørsmål
Kjenne til og og bruka eininga sine prosedyrar og rutinar
Sørgje for presis, oppdatert og utfyllande dokumentasjon i journasystemet vårt - Aidn
Legemiddelhåndtering og opplæring
Oppfølging etter legevisitt
Halde seg fagleg oppdatert
Følgje eininga og avdelinga sine målsetjingar og yte tenester av god kvalitet innafor tildelte ressursrammer i samsvar med tenestemottakar sine vedtak
Samarbeida og dela kompetanse på tvers av avdelingane

Kvalifikasjonskrav:

Autorisert sjukepleiar ,vernepleiar kan søkje og verta vurdert
Interessert i å arbeide med eldre mennesker
Førarkort klasse B er å føretrekkja
Gode norskkunnskapar, både skriftleg og muntlig

Personlege eigenskapar:

Gode samarbeidsevne
Gode digitale ferdigheiter
Evner til nytenkning
Likar utfordringar
Tar initiativ og ansvar
Endringsdyktig
Positiv
Fleksibel
Engasjert
Punktlig og strukturert

Me tilbyr:

Varierte arbeidsoppgåver
Spennande arbeid
Lønn etter hovudtariffavtalen
Gode moglegheiter for kompetanseheving med støtte frå kommunen
Årsturnus og gode permisjons- og pensjonsvilkår.

Krav:

Politiattest jfr gjeldande lov
Krav til førarkort: klasse B

Sletting av utdanningsgjeld/studielån:

Ullensvang kommune er omfatta av ordninga.
Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000,- kroner av utdanningsgjelda i året frå januar 2026. Du må vera busett i ein av desse
kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp.
Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:

"Det kan likevel gjerast unntak frå innsyn for opplysningar om ein søkjar dersom vedkommande
sjølv ber om det. Ved vurderinga av om ei slik oppmoding skal takast til følgje, skal det leggjast
vekt på om det knyter seg særleg offentleg interesse til stillinga. I utlysinga skal det gjerast
oppmerksam på at opplysningar om søkjaren kan bli gjort offentlege sjølv om søkjaren har
oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal
søkjaren varslast om dette".

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du
er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/

Link til søknadsskjema: Søk her

Informasjonskapsler på arbeidsplassen.no

Rapporter annonse