Nav fylkeskontor Vestland har det overordna ansvaret for gjennomføringa av arbeids- og velferdspolitikken i Vestland med styringsansvar for ni regionar og ei spesialeining. Fylkeskontoret er lokalisert i Bergen med 45 tilsette fordelt på fire avdelingar; avdeling HR og organisasjon, avdeling partnarskap og kommunikasjon, avdeling fag og tenester og avdeling økonomi og analyse.

Vi ønsker å styrke vår arbeidsrettslege kompetanse og ser no etter ein dyktig HR-jurist med nyare arbeidserfaring frå arbeidsrettslege problemstillingar. I denne rolla vil du fungere som juridisk støtte for leiarane i Nav Vestland, og bidra i formidlings- og opplæringsverksemd. Du får moglegheita til å kombinere juridisk kunnskap med HR, og du vil spele ei sentral rolle i utviklingsarbeidet mot dei ulike Nav-kontora i fylket.

Som HR-jurist vil du samarbeide tett med vår HR-jurist og andre kollegaer på fylkeskontoret. I avdelinga har vi dyktige fagpersonar med brei kompetanse innan HR, HMT, leiarutvikling og innovasjon.

Vi kan love innhaldsrike og utviklande arbeidsdagar i ein organisasjon som aldri står stille!

Arbeidsoppgåver

Juridisk støtte og rettleiing av leiarar i arbeidsrettslege problemstillingar
Rettleiing og rådgiving i personalsaker og omstillingsprosessar 
Støtte i medbestemming, tilsettingssaker, lønn og tariff, konflikthandtering og anna avtaleverk innan HR og personaloppfølging
Handtering av spørsmål innan personvern på HR-feltet
Formidling og opplæringsverksemd innan HR sitt ansvarsområde
Andre oppgåver innan HR og personaladministrasjon

Kvalifikasjonar

master i rettsvitskap eller juridisk embetseksamen. Ved utdanning frå utlandet må du leggje ved NOKUT-godkjenning.
nyare erfaring frå arbeid med arbeidsrettslege problemstillingar, som personalsaker, endringsprosessar og omstillingsarbeid
god formuleringsevne på norsk, både munnleg og skriftleg

Det er ein fordel om du også har:

kjennskap til lov- og avtaleverk i staten
gode digitale ferdigheiter

Personlige eigenskapar

Vi ser etter deg som likar formidling og kunnskapsdeling, og som klarer å lære frå deg og formidle juridiske reglar på ein enkel måte. Du er interessert i fagutvikling, og tar initiativ til å holde deg oppdatert på fagfeltet ditt. Stillinga har mange ulike kontaktpunkt, og det er derfor viktig at du kommuniserer godt og kan samarbeide på tvers av team og fagområde.

Noko av det som gjer stillinga spennande er variasjonen i arbeidsoppgåver, men det krev samtidig at du er løysingsorientert og klarer å veksle mellom operative og strategiske oppgåver. For å lukkast i stillinga er det også ein fordel at du er strukturert og trivst med sjølvstendig arbeid.

Vi tilbyr

Ei spennande stilling i eit godt arbeidsmiljø prega av høg kompetanse og engasjerte medarbeidarar
Store moglegheiter for fagleg og personleg utvikling
Fleksibel arbeidstid, heimekontorordning og mogelegheit for trening i arbeidstida
God pensjonsordning, låneordning og forsikringar gjennom Statens pensjonskasse
Stillinga blir plassert i stillingskode 1364 seniorrådgivar. Lønsspennet er frå kr. 730 000 til 820 000. For særs kvalifiserte søkarar kan høgare lønn vurderast.

Kontaktinformasjon

Rune Jacobsen, Fungerande avdelingsdirektør HR og organisasjon, 40842429, rune.jacobsen@nav.no

Arbeidsstad

C. Sundts gate 29
5004 Bergen

Nøkkelinformasjon:

Arbeidsgivar: NAV

Referansenr.: 4898200772
Stillingsprosent: 100%
Fast
Søknadsfrist: 12.02.2025

Informasjonskapsler på arbeidsplassen.no

Rapporter annonse