Om stillinga
Sjukehusinnkjøp HF er eit nasjonalt helseføretak med ansvar for å inngå og følgje opp kontraktar på varer og tenester for spesialisthelsetenesta. Vi er ein av dei største innkjøpsorganisasjonane i Noreg og har eit sterkt fagmiljø innan offentlege anskaffingar. Divisjon for støttetenester og administrative kjøp har medarbeidarar med lokasjon over heile landet. No søkjer vi ein ny medarbeidar med kontorstad i Stavanger.

Kven ser vi etter?

Du har høgare utdanning, gjerne innan økonomiske eller juridiske fagområde. I utgangspunktet ser vi etter medarbeidarar med ein del erfaring innan anskaffingar. Hovudoppgåva di vil vere å leie anskaffingar på vegner av sjukehusa og føretaka i Helse Vest innan avdelingane/kategoriane våre, men òg for heile spesialisthelsetenesta.

Det er viktig for oss at du har evne til å leie og gjennomføre anskaffingar, og har god merkantil og juridisk forståing. Du bør ha interesse for spesialisthelsetenesta, men vi er òg opptekne av å ha medarbeidarar med kompetanse og erfaring frå andre område og verksemder. Arbeidet skjer i tett samarbeid med fagmiljø i helseføretaka for å finne løysingar som er til det beste for sjukehusdrift og pasientbehandling.

Det er òg viktig for oss at du er strukturert og sjølvstendig, bidreg til kompetansedeling, har godt humør og trivst i ein organisasjon i endring. Du vil møte profesjonelle kollegaer i eit svært godt arbeidsmiljø, og bli ein del av eit av dei største offentlege anskaffingsmiljøa i Noreg. Du vil opparbeide deg viktig erfaring innan offentlege anskaffingar og kontraktsarbeid.

Arbeidsoppgåver

Leie og gjennomføre anskaffingar
Anskaffingsfagleg rådgiving, vurderingar og rettleiing
Sikre implementering av avtalar
Bidra til å realisere gevinstar for spesialisthelsetenesta gjennom effektive og gode innkjøp
Delta i utviklinga av kategoriområda
Bidra til utvikling og kompetanseheving

Kvalifikasjonar

Høgare utdanning innen relevante fagområde - gjerne økonomiske eller juridiske fag
Det vert lagt vekt på om du har erfaring frå prosjektmetodikk og -gjennomføring
Ønskjeleg med erfaring innen anskaffingar og kontraktsarbeid
God skriftleg og munnleg framstillingsevne

Personlege eigenskapar

Ansvarleg - du er nøyaktig, serviceinnstilt og sjølvstendig
Handlekraftig - du tek initiativ, evner å leie og gjennomføra
Kommuniserande - du er tydeleg både muntleg og skriftleg, inviterer til dialog og samarbeider godt
Inspirerande - du er kompetent, løysingsorientert og har godt humør
Endringsvillig - du er fleksibel og evner raskt å ta på deg nye oppgåver
Helhetstenkende - du evner å sjå Sjukehusinnkjøps bidrag til forbedring av spesialisthelsetenesta

Vi tilbyr

Fagleg utvikling i eitt av Noregs største fagmiljø for offentlege anskaffingar
Konkurransedyktige vilkår med løn etter avtale
Gode pensjons- og forsikringsordningar
Livsfaseorientert personalpolitikk
Fleksibel arbeidstid
Moglegheit for arbeid heimanfrå
Moderne, trivelege lokalar med gode kantine- og treningsfasilitetar

Meir om oss
Sjukehusinnkjøp HF er eit landsdekkjande helseføretak delt opp i kategoridivisjonar. Divisjonen er vidare delt opp i geografiske avdelingar der vi i avdeling anskaffelser vest i hovudsak gjev støtte til sjukehusa i Helse vest. Sjukehusinnkjøp HF jobbar kategoriorganisert og er tett på fagpersonar i sjukehusa. Vi er eit ambisiøst anskaffings- og kontraktsmiljø som kontinuerleg arbeider med å forbetra prosessane våre, kvaliteten i anskaffingar og kontrakts- og leverandørforvaltning. Vi har også fokus på innovasjon, miljø og samfunnsansvar.

Søknadsprosessen

Denne annonsa er på nynorsk - men hjå oss i Sjukehusinnkjøp HF kan du nytta begge dei norske målformene. Du vel sjølv kva målform du skriv søknaden i.

Søkjarar som blir vurderte som mest kvalifiserte blir kalla inn til intervju. Vi har vanlegvis to intervjurundar, med sjekk av attestar og referansar. Alle søkjarar får tilbakemelding på søknadene sine, uavhengig av om dei blir kalla inn til intervju eller ikkje.
Sjukehusinnkjøp HF er pliktig til å utarbeida offentleg søkjarliste. Dersom du ønskjer å reservera deg mot oppføring må du oppgi og grunngi dette når du søkjer på stillinga. Du vil bli kontakta viss søknaden ikkje blir innvilga og få høve til å trekkja søknaden, jf. offentleglovas §25.

Kontaktinformasjon

Julie Rinde, avdelingsleiiar anskaffingar vest, +47 93417754

Arbeidssted

Richard Johnsens gate 4
4012 Stavanger

Nøkkelinformasjon:

Arbeidsgiver: Sykehusinnkjøp HF

Referansenr.: 4992352191
Stillingsprosent: 100%
Fast
Søknadsfrist: 17.08.2025

Informasjonskapsler på arbeidsplassen.no

Rapporter annonse