Grunna avvikling av morspermisjonar samt interne konstitueringar, har Helse Bergen, Haukeland universitetssjukehus ledig 3 faste stillingar i tillegg til 3 årsvikariat for lege i spesialisering i augesjukdommar frå medio august 2025.

Augeavdelinga er ei spesialavdeling ved Haukeland universitetssjukehus. Avdelinga er knytt til Universitetet i Bergen, og forsking og utviklingsarbeid står sentralt i vår verksemd. Avdelinga har stor breidde i si verksemd og vi greier ut og behandlar alle kategoriar augelidingar. Avdelinga har sengepost i Klinikk for Hovud/Hals, dagkirurgisk og poliklinisk eining og operasjonsavdeling. Sengeposten har 6 døgnplassar. Her er både elektive innleggingar og ØH-innleggingar.

For fast stilling gjeld følgande: Etter fullført spesialisering, vil stillinga bli gjort om til stilling som legespesialist.

Vikariat kan telje som del av spesialistutdanninga innan augesjukdommar.

Ved rekruttering og tilsetjing, vil vi tenkje langsiktig med omsyn til å skape ei fagleg og robust Augeavdeling for framtida.

Her kan du lese meir om å vere LIS på augeavdelinga

Arbeidsoppgåver

Deltaking i 10-delt primærvakt
Ein vil rotere mellom dei ulike seksjonane i avdelinga kvar 6. månad (7 ulike seksjonar) for å få dekt alle områda innan augefaget
Det vil vere ein kombinasjon av arbeid med inneliggande og polikliniske pasientar
Vedkommande må ta del i undervisning av legestudentar og anna helsepersonell

Kvalifikasjonar

Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS-stilling i augesjukdommar
Gode kunnskapar i norsk munnleg og skriftleg (nivå tilsvarande til Bergenstesten)
God skriftleg dokumentasjonsevne
Då Augeavdelinga er ei hektisk avdeling, vil vi legge vekt på opparbeidd kompetanse og interesse for augefaget
Augeavdelinga er kjend for sitt gode, kollegiale miljø, og det er viktig at dei som blir tilsett og vil bidra til å halde dette ved like

Personlege eigenskapar

Vi vil legge vekt på personlege eigenskapar som det å vere ansvarsbevisst, samarbeidsvillig og fleksibel
Gode kommunikasjonsevner, og evner til å arbeide systematisk og effektivt i ein hektisk kvardag
Vere ein god teamarbeidar
Bidra aktivt til det gode arbeidsmiljøet
Forskingsinteresse

Vi tilbyr

Teneste i ei høgspesialisert augeavdeling med gode moglegheiter til brei kompetansebygging og fullstendig LIS-løp i spesialiseringa
Den som blir tilsett, vil få ein personleg rettleiar, og delta i avdelinga sitt regulære utdanningsprogram
Lønn i samsvar med gjeldande overeinskomst
God forsikrings- og pensjonsordning
Gode kollegaer

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Frank Tore Jenssen, Avdelingsoverlege, 55974124

Arbeidsstad

Jonas Lies vei 72C
5053 Bergen

Nøkkelinformasjon:

Arbeidsgivar: Helse Bergen HF

Referansenr.: 4968932952
Stillingsprosent: 100%
Fast, Vikariat
Startdato: 11.08.2025
Sluttdato: 01.03.2026
Søknadsfrist: 01.06.2025

Informasjonskapsler på arbeidsplassen.no

Rapporter annonse