DPS Kristiansund poliklinikk har ledig vikariat for lege i spesialisering i psykiatri frå 06.03.2023, men oppstartdato kan vere noko fleksibel.

For LIS3 er det ei rotasjonsordning mellom dei ulike psykiatriske seksjonane i Kristiansund og Molde slik at LIS3 får gjennomført heile spesialistutdanninga lokalt. Der er fokus på å gi LIS3 ei god spesialistutdanning med tid til klinisk rettleiing, psykoterapirettleiing, deltaking på kurs og undervisning samt fordjupningstid kvar veke.

Den fargerike opera- og klippfiskbyen Kristiansund er perla på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Like utafor byen kan du oppdage den spektakulære Atlanterhavsvegen og fleire sjarmerande fiskevær. Byen har eigen flyplass med fleire daglege avgangar til Oslo og Bergen.

Attestert tenestebevis frå tidlegare arbeidsgjevar, og ev. anna relevant dokumentasjon må leggast ved søknad på stilling som lege i spesialisering.

Arbeidsoppgåver

LIS3 i poliklinikk jobbar i tverrfagleg team med ei rekke ulike oppgåver knytta til behandling av dei fleste hovudgrupper av psykiske lidingar
LIS3 gjer i samarbeid med psykiater vurderingar knytta til medisinske problemstillingar og medikamentell behandling som ein del av jobben

Kvalifikasjonar

Norsk autorisasjon
Godkjent del 1 av spesialistutdanninga eller turnusteneste etter gammal ordning
Må ha gode munnlege og skriftlege norskkunnskapar

Personlege eigenskapar

Gode samarbeidsevner
Kommuniserer godt både internt og eksternt
Stor evne til å arbeide tverrfagleg
Personlege eigenskapar vert vektlagt ved tilsetting.

Vi tilbyr

Ei god spesialistutdanning i psykiatri!
Sterkt tverrfagleg samarbeid
Ein inkluderande arbeidsplass
Løn i samsvar med gjeldande overeinskomst med eige psykiatritillegg
Det blir gitt økonomisk dekning for gjennomføring av obligatoriske kurs
Medlemskap i god offentleg pensjonsordning og fordelaktige forsikringsvilkår

Kontaktinformasjon

Geir Magne Nødtvedt, Overlege psykiatri, 907 00 202, Geir.Magne.Nodtvedt@helse-mr.no

Arbeidsstad

Hagan 9
6516 Kristiansund

Nøkkelinformasjon:

Arbeidsgivar: Helse Møre og Romsdal HF

Referansenr.: 4614487752
Stillingsprosent: 100%
Vikariat
Startdato: 06.03.2023
Sluttdato: 05.03.2024
Søknadsfrist: 21.03.2023

Informasjonskapsler på arbeidsplassen.no

Rapporter annonse