Vår poliklinikk er i kontinuerleg utvikling og vi søker etter deg som er sjuke-/vernepleiar med vidareutdanning til å styrke vår tverrfaglege drift. Vi har nå eit ledig vikariat fram til nyttår 2025. Startdato snarast eller etter nærare avtale.

Øyane DPS har sektoransvar for kommunane Askøy og Øygarden. Området har 65 000 innbyggjarar og har hatt sterk befolkingsvekst. Vi er lokalisert i flotte lokale på Straume, om lag 15 minuttars køyring frå Bergen sentrum. Her finn du to sengepostar (allmennpsykiatrisk seksjon med 8 plassar og seksjon for psykoselidingar med 8 plassar). Vidare har vi psykosepoliklinikk/ FACT og allmennpsykiatrisk poliklinikk med tilhøyrande akutt team.

Ved vår allmennpsykiatrisk poliklinikk tilbyr vi utgreiing og behandling for pasientar med psykisk liding av moderat til alvorleg grad. Vi tilbyr både individuell og gruppebasert behandling. Vi har eit godt tverrfagleg samarbeidsklima og arbeidsmiljø, og vi samarbeider om saker i tverrfaglege team. Vi har brei kompetanse med rom for ulike terapeutiske fordjupingar: Vi har kompetanse innan kognitiv terapi, korttidsdynamiske og andre relasjonelt orienterte behandlingsformer, mentaliseringsbasert terapi, traumebehandling og EMDR, CBT-E for spiseforstyrringar, gruppebehandling og medikamentelle behandlingsmetodar. Vi har eit godt arbeidsmiljø og vi legg stor vekt på fagleg utvikling.

Kandidatar kan bli innkalt til intervju undervegs i prosessen.

Arbeidsoppgåver

Inngå i tverrfagleg team for behandling av psykiske lidingar
Gjennomføre kontrollar og oppfølging knytt til medikamentell behandling
Medverke til oppfølging av eit breitt spekter av psykiske lidingar av varierande alvorlegheit
Utføre behandlingsplanar i samråd med lege og psykolog
Koordinere og samhandle med eksterne samarbeidspartnarar
Anna relevant arbeid

Kvalifikasjonar

Norsk autorisasjon som sjukepleiar/vernepleiar med relevant vidareutdanning
Erfaring med administrasjon/samhandling/tenesteutvikling er ein fordel
Gruppe- og undervisningserfaring er ein fordel
Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggast ved søknad

Personlege eigenskapar

Du har god fagleg vurderingsevne, arbeider målretta og strukturert
Du er vand til å halde oversikt og har god ordenssans
Du kommuniserer og samarbeider godt med pasientar, pårørande og kollegaer
Du har engasjement for pasientgruppa og ønsker vere med å vidareutvikle tenesta
Du er serviceinnstilt og løysingsorientert
Det vil bli lagt vekt på personleg egnethet

Vi tilbyr

Løn i samsvar med gjeldande overeinskomst
Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Linn Støle, Seksjonsleder, 56326600, linn.beate.hauge.stole@helse-bergen.no

Arbeidsstad

Blombakkane 75
5354 STRAUME

Nøkkelinformasjon:

Arbeidsgivar: Helse Bergen HF

Referansenr.: 4984591131
Stillingsprosent: 100%
Vikariat
Søknadsfrist: 13.07.2025

Informasjonskapsler på arbeidsplassen.no

Rapporter annonse