Vi lyser no ut stilling for deg som er under utdanning og ønskjer å jobbe i ein spennande og variert stilling!

I Askvoll har vi ein fast soknepreststilling som vert lyst ut ut som ein rekrutteringsstilling innanfor ordninga Prest under utdanning. I stillinga er det sett av tid til studium, normalt 40 %. For å kunne gå inn i stillinga kan du mangla maksimalt 120 studiepoeng for å oppfylle kvalifikasjonskrava for kyrkjelydsprestar. Det blir gitt inntil 4 år for å fullføra studia.

Ved tilsetting vil det bli utarbeida ein individuell plan for studieprogresjon og arbeidsmengd. Undervegs i studiet føljer du programmet for Vegen til vigsling (VTV). Etter fullført studieløp og VTV er du kvalifisert for å kunne vigslast til presteteneste i Den norske kyrkja, og du vil gå over i fast stilling som sokneprest i Askvoll. Det vil normalt vera to års bindingstid etter studieperioden. Les mer om ordninga: Prest under utdanning

Aksvoll søkjer etter ein prest som vil vere ein tydeleg pastoral leiar for kyrkjelydane gjennom fokus på gudstenester og trusopplæring. Askvoll kommune er ein vakker og vital kystkommune med om lag 3000 innbyggjarar. Det er eitt sokn i kommunen, og soknerådet har difor både sokneråd- og fellesrådsfunksjon. Det er eit breitt idretts- og fritidstilbod i kommunen. Det ligg godt tilrette for eit variert friluftsliv, med havet, sjøen og fjella i sentrum. Det er gode kommunikasjonar til og frå kommunen med hurtigbåt til Bergen og flyplass på Bringeland, om lag ein times køyring frå Askvoll.

I Sunnfjord prosti er det 14 prestar. Prosten leier prestetenesta i prostiet og vi har regelmessig fagsamlinger. Faste gudstenestestader er dei tre kyrkjene Askvoll, Holmedal og Vilnes kyrkjer - samt kapella i Bulandet og i Kvammen. Båtreise med ferje eller skyssbåt til nokre av tenestene høyrer med. I soknet er også bedehuskapell i Værlandet og Stongfjorden. Askvoll kyrkje har blitt sett i svært god stand og høver godt til aktivitetar i trusopplæringa og liknande formål. Konfirmantundervisninga er lagt til Askvoll kyrkje og er felles for heile kommunen.

Ved alle gudstenestestadene er det kyrkjelydsutval som deltek lokalt i dugnad med det kyrkjelege arbeidet. Det er stor oppslutnad om kyrkjelege handlingar som dåp, konfirmasjon og gravferd.

Soknepresten i Askvoll samarbeider med soknepresten i Fjaler, og får elles vikarhjelp til gudstenester og kyrkjelege handlingar. Vi ønskjer å vidareutvikle samarbeidet mellom desse to sokna om t.d. konfirmantundervisning, leirarbeid og tenesteveker. Også på trusopplæringsområdet samarbeider ein. Statistikken for dei siste åra syner at det i snitt per år var 70 gudstenester, 25 døypte, 25 konfirmerte, 5 vigde og 40 gravlagde

Staben har flytta inn i nye kontorer i Askvoll sentrum, og har i tillegg til sokneprest ein kyrkjeverje, organist, sekretær og kyrkjelydspedagog med samla 3,8 årsverk. Det er også tilsett kyrkjetenarar i fleire av kyrkjene.

Presten gjer teneste med andakt og besøk på Askvoll sjukeheim i samarbeid med organist. Askvoll har eit samarbeidsprosjekt om musikkterapi ved sjukeheimen i tillegg til dei vanlege andaktane.

Soknepresten deltek i kommunen sitt psykososiale kriseteam.

Vi ber om at søknad med CV, vitnemål og referansar vert sendt elektronisk via Webcruiter.

Arbeidsoppgåver

Gudstenester og kyrkjelege handlingar
Konfirmantundervisning og deltaking i trusopplæring
Soknerådsarbeid
Stillinga inngår i Den norske kyrkja si ordning for beredskap (etter visling til prest)

Kvalifikasjonar

Stadfesting frå studiestad om at du har opptak på studiet, og maksimalt har 120 studiepoeng igjen før du kvalifiserer til presteteneste etter tenesteordningen for kyrkjelydsprestar § 3
Medlemskap i Den norske kyrkja

Personlege eigenskapar

God evne til å formidle til barn og vaksne
Inspirerer og skapar engasjement
Evne til å arbeide sjølvstendig
Evne og vilje til samarbeid

Vi tilbyr

Stillingskode 0950 prestevikar etter KA sitt tariffområde (blir endra til 1555 sokneprest etter vigsling til prest)
Medlemskap i kollektiv pensjonsordning KLP
Reiseutgifter godtgjort etter gjeldande regulativ
Til løna kjem særskilte regulativmessige godtgjersler
Arbeidsrettleiing (ABV)
Tilbod om å bu på prestebustad i Askvoll prestebustad, som er restaurert og i god stand

Andre opplysninger

Søkjar må ha førarkort klasse B og disponere bil.

Skriftspråket er nynorsk.

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke.

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.

Kontaktinformasjon

Knut Magne Nesse, Prost i Sunnfjord, 91713275
Therese Nesse Mokkelbost, HR-sjef i Bjørgvin bispedøme, 93612276

Arbeidssted

Askvollvegen 398
6980 Askvoll

Nøkkelinformasjon:

Arbeidsgiver: Den norske kirke

Referansenr.: 4944425674
Stillingsprosent: 100%
Fast
Søknadsfrist: 21.04.2025

Informasjonskapsler på arbeidsplassen.no

Rapporter annonse