Ørsta kommune har fleire gode lågterskeltilbod til uorganisert born og ungdom. Tilboda vert nytta av born og ungdom frå 4.trinn og opp til VGS.

Kommunen søkjer no etter tilkallingsvikarar til desse tilboda. Som tilkallingsvikar må du ha høve til å stille på kort varsel, ved sjukdom eller anna fråvær.

Tilkallingsvikarar vert tilsett med arbeidsavtale i kortare eller lengre periode. Mynde til å gjere slik tilsetting er delegert til tenesteleiar. Tilsettinga skjer fortløpande.

Arbeidsoppgåver

Arbeide med born og unge frå 4.trinn og opp til VGS
Som tilkallingsvikar må du ha høve til å stille opp på kort varsel

Dei aktuelle tenestestadane er:
- Kaihuset - ungdomshus med tilbod for ungdom i alderen 8.trinn til 18 år. Opningstid på kveldstid.
- Open møteplass - eit ettermiddagstilbod i Ørstahallen, kvar vekedag etter skuletid (13:30/14:30-17:00)

Kvalifikasjonar

Det vert ikkje stilt krav om særskilt utdanning i arbeid som tilkallingsvikar.
Ved tilsetjing vert det stilt krav om politiattest etter Opplæringslova § 17-11

Personlege eigenskapar

Du har høg relasjonskompetanse
Du trivast i samspel med born og ungdom
Du bidreg til utviklinga av eit inkluderande og raust barne- og ungdomsmiljø i Ørsta
Du er ein god rollemodell og ein trygg og god vaksenperson
God i norsk, særleg munnleg
Stabilitet og personlege eigenskapar vert vektlagde i ei heilskapleg vurdering av søkjarane. Referansar vert nytta

Vi tilbyr

Ein spanande, variert og meiningsfull arbeidsdag
Eit godt arbeidsmiljø
Gode pensjons- og forsikringsordningar for tilsette i KLP

Stillingane er plassert i kap. 4 gr. 1

Arbeidsavtalane i samsvar med gjalden lov, forskrift og avtaleverk.

Løns- og arbeidsvilkår i samsvar med gjeldande lov, forskrift og avtaleverk

Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming. Vitnemål og attestar dannar grunnlag for fastsetjing av ansiennitet og rett løn. Vi ber om at attestar og vitnemål scannast og lastast opp som vedlegg til søknaden din.
Som tilsett er du ein viktig medspelar i kommunen sine utviklingsarbeid.

Om offentleglova
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.

Kontaktinformasjon

Hans Robert Bondhus, Tenesteleiar, 952 20459, hans.robert.bondhus@orsta.kommune.no

Arbeidsstad

Strandgata 1
6150 Ørsta

Nøkkelinformasjon:

Arbeidsgivar: Ørsta kommune

Referansenr.: 4968793492
Stillingsprosent: 1%
Vikar
Søknadsfrist: 31.05.2025

Informasjonskapsler på arbeidsplassen.no

Rapporter annonse