UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Stipendiat i formell verifikasjon med innretning mot kryptografi

Ved Institutt for informatikk er det ledig ei stilling som ph.d.-stipendiat i formell verifikasjon med innretning mot kryptografi. Stillinga er for ein åremålsperiode på tre år, med høve til eit fjerde år som består av karrierefremmande arbeid (til dømes undervisning). Stillinga er knytt til Senter for sikker og påliteleg romkommunikasjon og er eit forskingssamarbeid med NSM Senter for Anvendt Kryptologi.

Om prosjektet/arbeidsoppgåver

Senter for sikker og påliteleg romkomunikasjon er eit senter ved Institutt for informatikk i samarbeid med Nasjonal Sikkerhetsmyndighet, som forskar på grunnleggjande problemstillingar i sikker og påliteleg kommunikasjon med relevans for nasjonal sikkerheit. Eit av senterets satsingsområde er formell verifikasjon av kryptografisk programvare. Ved hjelp av formell logikk kan sikkerheitseigenskapar ved programvare spesifiserast og bevisast. Slike spesifikasjonar og bevis kan sjekkast av ein datamaskin, og representerer den høgaste grad av sikkerheit vi har for programvare. Men slik spesifikasjon og bevisføring er arbeidskrevjande og krev særskilde ferdigheiter av dei som produserer programvara. Det er òg eit område kor det finst mange ulike verktøy og tilnærmingar, med ulik grad av automasjon, abstraksjonsnivå og dekningsområde. Det er difor mange opne spørsmål knytt til metodikk, standardisering, transparens og brukarvennligheit innan formell verifikasjon av kryptografisk programvare. Som stipendiat i denne stillinga, blir di rolle å bidra til senterets forsking innan formell verifikasjon, fortrinnsvis med innretning mot kryptografi.

Kvalifikasjonar og eigenskapar

Søkjarar må ha oppnådd mastergrad eller tilsvarande utdanning i informatikk, matematikk eller et tilhøyrande område. Masterstudentar kan søkje dersom dei fullførar den endelege mastereksamen før 01.07.2025. Det er ein føresetnad at mastergraden er oppnådd før tilsetjing kan skje.
Erfaring frå formell logikk er eit krav.
Erfaring innan kryptografi er ein fordel.
Erfaring frå formalisering med bevisassistent er ein fordel.
Kompetanse innan programvarespesifikasjon og modelsjekking er ein fordel.
Kompetanse innan funksjonell programmering (til dømes med avhengige typar) er ein fordel.
Kompetanse innan kryptoanalyse er ein fordel.
Arbeide sjølvstendig og strukturert og ha gode samarbeidsevner
Gode skriftlege og munnlege engelskkunnskapar.
Gode norskkunnskapar

Personlege eigenskapar vil bli lagt vekt på. Ambisjonar og potensial vil også telle ved vurdering av kandidatane

Særeigne krav for stillinga

UiB er underlagd regelverket for eksportkontroll og regelverket gjeld ved behandling av søknadar til stillinga. For denne stillinga krev vi i tillegg at søkjarar kan sikkerheitsklareras for nivå HEMMELIG. Dette kan innebere avgrensingar knytt til statsborgarskap, i tråd med gjeldande regelverk om nasjonal tryggleik.

Om stillinga som ph.d.-stipendiat

Om stipendiatstillinga: Samla stipendperiode er 3 år, med høve til eit 4. år som består av karrierefremmande arbeid (til dømes undervisning) fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing.
Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.

Om forskarutdanninga: Som ph.d. stipendiat skal du delta i eit godkjent utdanningsprogram for ein ph.d.- grad innanfor ei
tidsramme på 3 år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.

Vi tilbyr

Spennande og utviklande arbeidsoppgåver i et sterkt fagmiljø
Løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 541 800. Vidare opprykk skjer etter stillingsansiennitet.
Medlemsskap i Statens pensjonskasse
Gode velferdsordningar

Søknaden skal innehalde:

Ei kort utgreiing om søkjaren sine forskingsinteresser og motivasjonen for å søkje stillinga
CV
Namn og kontaktopplysningar til to referansepersonar, ein av desse bør vere hovudrettleiaren frå masteroppgåva eller tilsvarande oppgåve.
Karakterutskrifter og vitnemål for bachelor- og mastergrad. Dersom du enno ikkje har fullført mastergraden din, må du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål innan tilsetjing.
Relevante attestar
godkjend dokumentasjon på at du oppfyller krav til engelskkunnskapar (dersom påkravd, jfr. Krav til engelskkunnskaper ved opptak til ph.d.-programmet)
Eventuell liste over vitskaplege arbeid (publikasjonsliste)
Eventuelle publikasjonar

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon

Utfyllande opplysningar om stillinga kan ein få ved å vende seg til: Sondre Rønjom (Sondre.Ronjom@uib.no) eller Håkon Robbestad Gylterud (Hakon.Gylterud@uib.no).

For HR-relaterte spørsmål ta kontakt med HR-rådgjevar Karoline Christiansen på karoline.christiansen@uib.no eller +47 55 58 47 70.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar kvinner/menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5

Informasjonskapsler på arbeidsplassen.no

Rapporter annonse