Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/M5n6RnScNgA

Om stillinga:

Ved Universitetsbiblioteket (UB) er det ledig ei fast 100% stilling som hovudterminolog (universitetsbibliotekar kode 1199/førstebibliotekar kode 1200) ved Termportalen hos Språksamlingane.

Stillinga er for tida knytt til Språksamlingane ved Seksjon for spesialsamlingar. Seksjonen forvaltar og formidlar kulturhistorisk viktige samlingar som fotografi, antikvariske bøker, manuskript- og arkiv, avissamlingar og kart. Ei av samlingane står på UNESCOs verdsarvliste, fleire andre er del av Norges dokumentarv.

Språksamlingane er den nasjonale vitskaplege dokumentasjonsressursen til norsk språk og norske namn. Sidan 2021 har Språksamlingane ved Universitetet i Bergen (UiB) fått ansvar for utviklinga og forvaltinga av Termportalen frå Kunnskapsdepartementet og Kulturdepartementet. Termportalen er den nasjonale infrastrukturen for norsk terminologi, og omfattar ei lang rekkje fagområde. For å forvalte det nasjonale ansvaret, har UiB etablert eit terminologisk fagmiljø til arbeid med portalen.

Arbeidsoppgåver og ansvar:

Hovudoppgåvene i stillinga som hovudterminolog vil vera:

Arbeidsleiing av Termportalteamet ved Termportalen
Koordinering av terminologiarbeidet og utvikling av arbeidsmetodar
Bidrag til terminologiarbeidet og samarbeid med eksterne aktørar for å sørge for god domenedekning i terminologiarbeidet
Utvikling, oppdatering og vedlikehald av Termportalen
Overordna ansvar for kommunikasjon og formidling knytt til Termportalen
Fungere som bindeledd mellom Termportalen ved Språksamlingane og fagspråkmiljøet ved Senter for norsk fagspråk (Fagspråksenteret) ved Det humanistiske fakultet
Byggje opp fagmiljøet til Termportalen for å styrke dette sentrale og svært viktige feltet for utviklinga av norsk fagspråk, i tett samarbeid med Fagspråksenteret

Hovudterminologen må ha innsikt i språklege strukturar og språk i kommunikasjon, og skal samstundes leie og samarbeide tverrfagleg med spesialistar innanfor dei ulike faglege domena som terminologien tilhøyrar. Hovedterminologen skal utføre fagleg rettleiing, arbeidsplanlegging og kvalitetssikring av det terminologiske arbeidet, i tillegg til å bidra til terminologisk arbeid i Termportalen. Vedkomande må kunne motivere medarbeidarar og etablere gode arbeidsrutinar for å sikre høg kvalitet i terminologiarbeidet. Rolla som bindeledd mellom Termportalen ved Språksamlingane og fagspråkmiljøet ved Fagspråksenteret krev god kommunikasjonsevne og forståing for ulike vitskapelege tilnærmingar. I dette arbeidet vil hovudterminologen samkoordinere med Fagspråksenteret og bidra at til dei ulike fagspråkmiljøa ved UiB arbeider saman mot felles mål.

Hovudterminologen vil også representere Termportalen i relevante faglege fora og bidra til å utvikle portalen som ein nasjonal ressurs for norsk terminologi. Internt vert hovudterminologen del av eit stort og aktivt språkfagleg og datateknisk utviklingsmiljø som arbeider både breitt og langsiktig på tvers av fleire UiB-einingar.

Det kan bli endringar i arbeidsoppgåver knytt til stillinga, da det for tida vert gjennomført eit organisasjonsutviklingsprosjekt ved UB.

Kvalifikasjonar og eigenskapar:

Søkjar må:

Ha utdanning på minst mastergradsnivå innan terminologi, språkfag eller lingvistiske fag.
Ha relevant praksis frå terminologiarbeid eller fagomsetjing, omgrepsarbeid, ordboksarbeid, standardiseringsarbeid eller liknande.
Ha relevant praksis med leiing
Ha god munnleg og skriftleg formuleringsevne på norsk og engelsk
Meistre begge dei norske skriftspråka
Ha høg arbeidskapasitet og god evne til å arbeide sjølvstendig
Ha gode kommunikasjons- og samarbeidsevner
Ha god evne til å planlegge og høg grad av gjennomføringsevne
Være initiativrik, strukturert, resultatorientert og fleksibel
Ha evne til å leie og motivere medarbeidarar
Ha erfaring med koordinering av tverrfaglege prosjekt
Evne til å jobbe selvstendig og ferdigstille oppgaver

Ved vurdering av søkjarane vil det verte lagt vekt på dei personlege eigenskapane som er naudsynte for stillinga.

Vi tilbyr:

Eit godt og fagleg utfordrande arbeidsmiljø med engasjerte kollegaer
Spennande og motiverande kontakt med fagmiljø ved UiB
løn som universitetsbibliotekar (kode 1199) kr. 625 500 til kr. 650 000 i det statlege lønsregulativet avhengig av kvalifikasjonar. Søkjarar som er erklært kompetente til stilling som førsteamanuensis eller førstebibliotekar ved ein institusjon som er godkjent av departementet eller har norsk doktorgrad eller utanlandsk doktorgrad godkjent som likeverdig med norsk, vert løna som førstebibliotekar (kode 1200), løn kr. 757 600 til kr. 780 000 avhengig av kvalifikasjonar. For særleg kvalifiserte søkjarar kan høgare løn vurderast.
Fleksibel arbeidstid
Medlemskap i Statens Pensjonskasse
Gode velferdsordningar

Generell informasjon:

Utfyllande opplysningar om stillinga kan ein få ved å venda seg til seksjonsleiar Bjørn-Arvid Bagge tlf. +47 55 58 25 72, e-post: bjorn.bagge@uib.no, førstebibliotekar Peder Gammeltoft, tlf. +47 55 58 21 95/+47 453 73 097, e-post: peder.gammeltoft@uib.no eller førsteamanuensis Marita Kristiansen, tlf. + 47 55 58 30 69, e-post: marita.kristiansen@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.

Informasjonskapsler på arbeidsplassen.no

Rapporter annonse