Klinikk for sikkerheitspsykaitri er samansett av 5 seksjonar, Regional sikkerheitsavdeling, Lokal sikkerheitsavdeling, Sikkerheitspoliklinikk, Seksjon fengselshelseteneste og Kompetansesenter for sikkerheits,- fengsels- og rettspsykiatri.

Begge sengepostar Regional sikkerheitsavdeling (RSA) og Lokal sikkerheitsavdeling (LS) tar imot personar med alvorlege sinnslidingar og høg risiko for alvorleg valdeleg atferd overfor andre, eventuelt med tilleggsproblem som alvorleg personlegdomsforstyrring og rusmisbruk. LS skal gje eit tilbod til pasientar i Helse Bergen og har for tida 10 sengeplassar. Helse Bergen ønsker å styrke Lokal sikkerheitspsykiatri i tråd med regional plan og overordna plan for norsk sikkerheitspsykiatri. Det er forventa at det vil bli ein auka døgnkapasitet i nær framtid.

RSA skal gje eit tilbod til pasientar i Helseregion og har 10 sengeplassar fordelt på 2 postar. RSA har også oppgåver knytt til rettspsykiatriske døgnobservasjonar etter straffeprosesslova §167.

For den rette søkar er det moglegheit å kombinere klinisk arbeid med forsking og fagutvikling ved kompetansesenteret for retts-, sikkerheit- og fengselpsykiatri. Dersom ein ønsker ein slik kombinasjon må det framkomme av søknaden.

Vi søker etter to overlegar til sengepostane som ønsker å ta del i å bygge opp nye gode tenestetilbod for sikkerhetspasientar.

Arbeidsoppgåver

Utgreiing, dianostisering og behandling av psykiske lidingar
Ansvar for vedtak etter psykisk helsevernlova
Gjere utgreiing av risiko for vald
Gje rettleiing til øvrig personell og delta i det tverrfaglige arbeidet ved klinikken
Utstrekt samarbeid med dei andre klinikkane i Divisjon psykisk helsevern i Helse Bergen, primærhelsetenesta og kommunale butilbod
Undervisning og rettleiing til kommunale helsetenester og øvrig spesialisthelseteneste
Arbeidsoppgåver tilknytta rettspsykiatriske døgnobservasjonar må påreknast
Det kan bli aktuelt å ha utgreiings-og/eller behandlingsansvar for pasientar ved andre seksjonar i klinikken

Kvalifikasjonar

Medisinsk embetseksamen med spesialitet innan psykiatri eller lege i sluttfasen av spesialistutdanning
Norsk autorisasjon
Interesse for fagutvikling
Interesse for rehabilitering og rettspsykiatriske emne
Norsk autorisasjon
God formidlingsevne
Vandelsattest må leggast fram før tilsetjing

Personlege eigenskapar

Inkluderande samarbeidsstil
Evne til å inspirere medarbeidarar
Kan bidra til eit godt arbeidsmiljø
Kan trivast med å arbeide i team med ei krevande pasientgruppe

Vi tilbyr

Spennande og utfordrande arbeidsoppgåver i eit fagfelt som gir gode utviklingsmoglegheiter for den rette personen
Godt arbeidsmiljø
Lønn etter avtale
Gode pensjons- og forsikringsvilkår

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Frøydis Haugan, Klinikkdirektør, 908 25 279, froydis.haugan@helse-bergen.no

Arbeidsstad

Sandviksleitet 1
5036 Bergen

Nøkkelinformasjon:

Arbeidsgivar: Helse Bergen HF

Referansenr.: 4932187734
Stillingsprosent: 100%
Fast
Søknadsfrist: 04.05.2025

Informasjonskapsler på arbeidsplassen.no

Rapporter annonse