Ved Bu- og miljøtenesta i Askvoll kommune har vi ledig 100 % fast stilling som avdelingleiar frå snarast.

Bu- og miljøtenesta har ansvar for aktivitetstilbod, butilbod i omsorgsbustadar, tiltak i heim, koordinatoransvar, BPA, omsorgsløn m.m.

Stillinga er nyoppretta og er delt mellom administrativt arbeid på dagtid og 40% sjuke-/vernepleiefagleg arbeid i turnus. Stillinga vert løna etter 35,5 t/veke og vil ha arbeid kvar 3. helg.

Vi søkjer etter deg som ynskjer å vere med å utvikle gode tenester i eit hektisk miljø.

Som avdelingsleiar vil du jobbe tett med einingsleiar for tenesta. Vi er i ferd med å starte arbeidet med å sjå på andre måtar å organisere tenesta på og du vil vere ein naturleg bidragsytar og pådrivar i dette arbeidet.

Arbeidsoppgåver:

Saman med einingsleiar vil du ha

Ansvar for dagleg drift
Personal- og fagansvar i samsvar med oppsette mål og rammer
Samhandling med tenestemottakarar og deira pårørande
Samarbeid og samhandling med andre internt og eksternt
Vidareutvikling av tenestene
Utarbeiding av årsturnus
Internkontroll

Vi søkjer etter ein person med følgjande kvalifikasjonar:

Autorisasjon som vernepleiar eller sjukepleiar. Anna relevant utdanning på bachelor- eller masternivå kan bli vurdert.
Vidareutdanning innan leiing og administrasjon, eller vere villig til å ta slik utdanning.
Leiarerfaring er ønskjeleg.
Gode datakunnskapar og evne til å sette seg inn i og bruke nye system.
Gode norskkunnskapar både munnleg og skriftleg

Personlege eigenskapar:

Er tydeleg og har evne til å leie andre
Har god kommunikasjons- og samhandlingsevne
Har ei løysningsorientert innstilling
Godt humør og positiv innstilling

Vi tilbyr:

Sjølvstendig stilling med høve til å delta i utviklingsarbeid
Interessante og varierte arbeidsoppgåver og høve til personleg utvikling
Eit positivt og uformelt arbeidsmiljø
God forsikrings- og pensjonsordning (KLP)
Løn etter avtale
Arbeid etter 35,5 t/veke og kvar 3. helg
Flyttegodtgjersle, jf. personalhandbok for Askvoll kommune

Politiattest og tuberkulinattest av ny dato må leggjast fram ved tilsetjing

Tilsetjing skjer på dei vilkår og med dei plikter som til ei kvar tid går fram av gjeldande lover, reglar og tariffavtalar.
Askvoll kommune legg vekt på mangfald på arbeidsplassen og oppfordrar kvalifiserte kandidatar til å søkje - uavhengig av alder, seksuell orientering, kjønn og kjønnsidentitet, funksjonsnedsetting og nasjonal eller etnisk bakgrunn. Arbeidsvilkåra vert tilrettelagde for personar med nedsett funksjonsevne.

Vi gjer merksam på at søkjarar kan verte offentleggjort (offentleg søkjarliste). Søknadar om å verte unnateke offentlegheita må grunngjevast, og vert vurdert fortløpande. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.

Link til søknadsskjema: Søk her

Informasjonskapsler på arbeidsplassen.no

Rapporter annonse