Om stillinga:

Ønskjer du jobb i vakre omgjevnader med fjell, skog og gode turmoglegheiter? Då er dette plassen for deg. Osterøy ligg sentralt like utanfor Bergen (25 minutt frå Bergen sentrum). Vi har både ferje over til Åsane og bru over til Arna. Det er ein aktiv landbrukskommune med kyr, sau, hest og noko gris.

Osterøy kommune har tre veterinærar i stordyrpraksis. Ein av veterinærane skal slutte, og vi ser etter nokon som kan møte behova til bøndene våre og delta i vaktordninga.

På kvardagar omfattar arbeidsområdet Osterøy kommune. På kveld, natt og helg har kommunane Osterøy og Bergen nord (Arna og Åsane). Distriktet er relativt lettkøyrd, og med stort sett korte avstandar. Sidan det er tre veterinærar tilgjengeleg på dagtid, er det rom for å drive med smådyr i tillegg til produksjonsdyr.

Vi køyrer no tredelt vakt (Osterøy, Arna og Åsane). Vi er tre veterinærar som betener ei firedelt vakt. Etter avtale med kommunen vert veterinærane kompensert med 100 % tillegg for kvar fjerde vakt.

Vi har eit sett med utstyr som kan lånast ved behov. Påsitterpraksis i samband med oppstart er mogeleg. Kommunen kan hjelpe med å finne bustad i ei oppstartsfase (leilegheit).

Forventa inntening (brutto)

Fastløn; 280.000-320.000 etter kvalifikasjonar og avtale om tilsetjing
Deltaking i vaktordning; 300.000-350.000
Næringsinntekt; 250.000

Oppgjeve beløp er eit erfaringsbasert anslag og vil kunne variere.

Det har i periodar vore noko redusert oppdragstilfang siste år. Det vil difor vere ein fordel om den som vert tilsett har interesse for å drive med smådyr i tillegg til produksjonsdyr. I staden for fastløn/tilsettingsavtale, kan det vere aktuelt for kommunen å yte driftstilskot til veterinæren som tek på seg å delta i vaktordninga for produksjonsdyr.

Krav til søkar:

Krav om norsk veterinærautorisasjon
Meistre norsk skriftleg og munnleg
Du må kunne jobbe sjølvstendig som veterinær
Førarkort klasse B
Bestått insemineringskurs
Disponere eigen bil
Ante mortem-kurs (nødslakterkurs)

Ta kontakt for meir informasjon:

Tore Johan Erstad, Leiar Teknisk forvaltning og plan, tlf. 402 86 556
Ida Nøst, kommuneveterinær, tlf. 465 06 938
Bjørn Hallan, kommuneveterinær, tlf. 454 35 650

Informasjonskapsler på arbeidsplassen.no

Rapporter annonse