Nøkkelinformasjon

Forskingskoordinatoren/rådgivaren vil spele ei sentral rolle i utvikling og gjennomføring av nasjonale og internasjonale forskingsprosjekt innan jordhelse, klimasmart landbruk og berekraftig bioøkonomi.

Stillinga inneber både administrativ støtte og aktiv prosjektkoordinering, med særleg fokus på brukarinvolvering og etablering av «levande laboratorier».

Arbeidsstad vil vere Ås.

Hovudoppgåvene til stillinga

Tilrettelegging for involvering av ulike brukargrupper gjennom t.d. «levande laboratorier» i nasjonale og EU-prosjekt
Fasilitere regionale jordhelseinitiativ i samarbeid med næringa, forvaltninga og forskinga
Yte administrativ støtte i søknads- og prosjektgjennomføringsfasen
Delta aktivt i gjennomføring og hjelp til i koordinering av forskingsprosjekt
Bidra til effektiv kommunikasjon mellom forskingsinstitusjonar, næringsliv og offentlege aktørar
Formidle resultat gjennom ulike kanalar, inkludert fagseminar, webinar og sosiale medium
Byggje og vedlikehalde nettverk med nasjonale og internasjonale aktørar

Kvalifikasjonskrav

Relevant utdanning på bachelornivå eller høgare innan agronomi, jord- eller plantevitskap, miljøvitskap, bioøkonomi, naturforvaltning eller liknande.
Erfaring med administrativ støtte i forskingsprosjekt
Kunnskap om jord, norsk jordbrukssystem og/eller miljøeffektar av norsk jordbruk
Gode skriftlege og munnlege ferdigheiter i både norsk og engelsk

Det er ein fordel om du har

Kjennskap til EU-søknadssystem og forskingsfinansiering
Erfaring med brukarinvolvering i forskings- og innovasjonsprosjekt, gjerne gjennom arbeid med «levande laboratorier»
Kompetanse i organisering og leiing av workshops og seminar

Personlege eigenskapar

Strukturert arbeidsmåte og evne til å jobbe både sjølvstendig og i team
Løysingsorientert og initiativrik
Gode samarbeidsevner og bidreg aktivt til eit godt arbeidsmiljø
Gode organisatoriske og kommunikative ferdigheiter
Evne til å samarbeide med både interne og eksterne aktørar med variert akademisk bakgrunn og ferdigheiter

Vi tilbyr

Moglegheit til å jobba med eit viktig samfunnsoppdrag med fokus på berekraft og framtidsretta prosjekt
Utfordrande, spennande og varierte oppgåver i tverrfaglege team
Ein fleksibel kvardag med moglegheit til å påverka eigne arbeidsoppgåver
Eit sterkt fagmiljø med gode kollegaer
Ein raus personalpolitikk med velferdsordningar og fokus på dei tilsettes ulike livsfaser

Stillinga er plassert i det statlege lønsregulativ som rådgivar (stillingskode 1434), årsløn kr 540 000 - 680 000. Løna vert vurdert etter utdanning og erfaring.

Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.

Les meir om NIBIO som arbeidsgjevar her: Jobb i NIBIO

Korleis søkja på stillinga

CV fyllast ut elektronisk og sendast via lenkje på denne sida, "søk stillinga". I staden for søknadsbrev ber vi deg svare på nokre spørsmål.

Vitnemål og attestar skal takast med ved eit eventuelt intervju, eller leggjast ved elektronisk.

NIBIO gjennomfører bakgrunnssjekk på aktuelle kandidatar via samarbeidspartnaren vår Semac AS.

. Video: https://youtu.be/6mZySoUgD2Q

Andre opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, hol i CV, nasjonal eller etnisk bakgrunn.

Som statleg verksemd har vi moglegheit til å gi ein positiv særbehandling for søkjarar som har funksjonsnedsetjing, hol i CV eller innvandrarbakgrunn. Positiv særbehandling inneber mellom anna at du lettare vil komma til intervju.
Les meir om dette her.

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.

Informasjonskapsler på arbeidsplassen.no

Rapporter annonse