Vil du bli med på laget vårt? Vi søkjer ein kollega som er interessert og engasjert i pasientar med alvorlege psykiske lidingar.
Vi har no ledig 1 fast stilling og 1 vikariat i vårt oppsøkjande psykoseteam/ FACT.

Teamet si pasientgruppe er personar med alvorlege psykiske lidingar med ulike tilleggsproblematikk. Møta med pasientar går føre seg hovudsakleg ambulant. Teamet har både utgreiing og behandling av pasientane, og er tverrfagleg samansett med spesialsjukepleiarar, sosionom, psykolog og psykiater.
Klinikk for psykisk helse og rus består av 5 avdelingar og 27 seksjonar. Poliklinikk psykisk helse DPS Molde ligg under Avdeling for Distriktspsykiatrisk senter — DPS Nordmøre og Romsdal. Poliklinikken er delt inn i fleire ulike team; to allmennteam, gruppeteam, ROP team, fylkesdekkande spesialpoliklinikk for DBT og OCD, eit 4 - dagars team (B4DT), ambulant akutteam, FACT og eit merkantilt team. Poliklinikken har over 50 fagstillingar med overlegar i psykiatri/ legar i spesialisering, psykologspesialistar/ psykologar, spesialergoterapeut, psykiatriske sjukepleiarar og kliniske sosionomar. Seksjonen legg stor vekt på moglegheit til å vedlikehalde og utvikle kompetanse.

Vi legg vekt på arbeid i team for samarbeid og god kollegastøtte. Dersom du har spørsmål om stillingane eller dei ulike teama, ta gjerne kontakt med seksjonsleiar eller teamkoordinator

Vi ber om at attestar og vitnemål vert lasta opp som vedlegg til søknaden din.

Arbeidsoppgåver

Tilpassa behandling av pasientar med alvorlege psykiske lidingar
Pasientbehandling i tverrfagleg team
Bidra til psykiatrifaglege vurderingar, i tett samarbeid med teamet sine spesialistar og øvrige teamtilsette
Forebygging av og intervensjon ved kriser
Samarbeid med pårørande
Nært samarbeid med andre tenester innan spesialisthelsetenesta og kommune

Kvalifikasjonar

Sjukepleiar/vernepleiar med vidareutdanning i psykisk helse
Utdanning i terapiretning og med erfaring frå liknande klinisk arbeid
Må beherske norsk munnleg og skriftleg
Førarkort klasse B

Personlege eigenskapar

Du er trygg i eiga yrkesrolle
Du har evne til å prioritere arbeidsoppgåver i ein hektisk arbeidskvardag
Du har samarbeider godt både med kollegaer og opp mot ulike samarbeidspartnarar
Du er løysningsorientert og fleksibel
Du har evne til å arbeide strukturert og sjølvstendig både individuelt og i team

På grunn av teamsamansetting og pasientgruppa, oppfordrar vi spesielt kvinner til å søke.

Å vere personleg eigna vert vektlagt ved tilsetting.

Vi tilbyr

Varierte og meiningsfulle arbeidsdagar
Sterkt tverrfagleg samarbeid
Ein inkluderande arbeidsplass
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår

Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her.

Kontaktinformasjon

Line Bjørnerem, Teamkoordinator, 90813250
Tonje Sæter, Seksjonsleiar, tonje.seter@helse-mr.no

Arbeidssted

Parkvegen 84
6412 Molde

Nøkkelinformasjon:

Arbeidsgiver: Helse Møre og Romsdal HF

Referansenr.: 4846037745
Stillingsprosent: 100%
Fast, Vikariat
Startdato: 01.10.2024
Søknadsfrist: 31.08.2024

Informasjonskapsler på arbeidsplassen.no

Rapporter annonse