Ønsker du å vere med på vidareutvikling av vårt palliative senter ved Haukeland universitetssjukehus? Ved palliativt senter har vi ledig 2 x 100% faste stillingar for overlege/ utdanningsstilling i palliasjon. Stillingane kan evt delast.

Vi søker etter lege med spesialistgodkjenning i klinisk spesialitet. Stillinga er eigna for spesialistar innan t.d. anestesi, onkologi, indremedisin, kirurgi, gynekologi, allmennmedisin eller andre relevante spesialitetar.

Kompetanseområde palliativ medisin er ei påbygging, etter spesialistgodkjenning. Det er gjort ei utgreiing med tilråding om palliativ medisin som eigen spesialitet og det er laga læringsmål for spesialiteten. Dagens ordning med utdanningsstilling vil førebels bli vidareført. Rettleiing og undervisning for utdanningsstillinga vil bli gitt i samsvar med krava til Kompetanseområde palliativ medisin. Det er etablert vaktordning for legar ved Palliativt senter, for tida er denne åttedelt, og utdanningskandidaten blir rekna inn i denne. 

Kirurgisk serviceklinikk (KSK) er den største somatiske klinikken i føretaket med ansvar for store delar av tilbodet innan operasjon, anestesi, intensivbehandling og akuttmedisin i Helse Bergen. Klinikken har i underkant av 1400 tilsette. Smerte- og palliasjonsavdelinga (SMEPA) er ei avdeling i Kirurgisk serviceklinikk (KSK) og består av tre seksjonar: Seksjon for smertebehandling, Kompetansesenter i lindrande behandling Helseregion Vest (KLB) og Palliativt senter.

Palliativt senter ligg i nye og flotte lokale, der palliativ sengepost og palliativt team er samlokaliserte. I tillegg til drift av palliativ sengepost og poliklinikk er seksjonen i hovudsak ei konsulenteining som vurderer pasientar innlagd i sjukehuset, gir råd til spesialisthelsetenesta og dei kommunale helse- og omsorgstenestene og gir undervisning i smertebehandling og palliasjon. Legegruppa roterer mellom dei ulike oppgåvene.

Personalet ved SMEPA har lang erfaring i vurdering og behandling av pasientar med akutte og langvarige og/eller kompliserte smertetilstandar og av palliative pasientar. Vi ønsker eit tettare samarbeid på tvers av seksjonane, mellom palliasjon og smertebehandling, og vi vurderer behovet og ser på moglegheitne for å få dette til.

Vi legg vekt på  tverrfagleg samarbeid og dei yrkesgruppene som er tilsett i eller knytt til avdelinga er sekretærar, sjukepleiarar, legar, psykologar, fysioterapeutar, ergoterapeutar,  musikkterapeut, sosionom og prest. Det er til saman om lag 11 legestillingar i Smerte- og palliasjonsavdelinga.

Dersom det ikkje er søkarar som ønsker eit utdanningsløp i palliativ medisin, vil andre søkarar bli vurderte for tilsetting. Det kan t.d vere fastlegar som treng eit år i spesialisthelsetenesta, legar med spesialistgodkjenning og godkjenning i kompetanseområde palliativ medisin eller legar med spesialistgodkjenning og interesse for palliativ medisin.

Arbeidsoppgåver

Rotasjon mellom arbeidsoppgåver i palliativt senter
Postarbeid som lege ved palliativ sengepost
Tilsyn frå palliativt team til pasientar innlagd ved ulike avdelingar ved HUS
Tett samarbeid med behandlingsansvarleg personell som har dagleg oppfølging av pasientar ved ulike avdelingar
Tett samarbeid med alle faggrupper i palliativt team
Rettleiing og konsulenttenester til helsepersonell, i samband med pasienttilsyn, samarbeidsmøte og telefonmøte
Vurdering og tilvising til andre palliative tilbod og samarbeid med desse
Vidareutvikling av samhandlinga mellom spesialist- og kommunehelsetenesta
Utvikle fagleg kompetanse og kunnskap innan lindrande behandling på sjukehus og i kommunehelsetenesta, ved å bidra med undervising, rettleiing, fagdagar o.l.
Heimebesøk og/eller samarbeidsmøte med kommunal helseteneste når det blir vurdert nødvendig
Utdanningskandidat vil inngå i etablert vaktordning

Kvalifikasjonar

Norsk autorisasjon som lege
Spesialistgodkjenning i relevant medisinsk fagområde er ønskeleg
Ønskeleg at den som blir tilsett også tar kompetanseområde i palliativ medisin
Legar i utdanningsløp til relevant fagområde kan også søke
Må meistre godt norsk både munnleg og skriftleg
Forskingserfaring ein fordel men ikkje eit krav
Det blir lagt vekt på relevant yrkeserfaring og klinisk erfaring

Personlege eigenskapar

Du har interesse og motivasjon for fagfeltet og for tverrfagleg samarbeid
Du har gode samarbeidsevner og kommuniserer tydeleg og forståeleg overfor pasientar/ pårørande og andre samarbeidspartnarar
Du har evne til å vere lydhøyr overfor pasientar og pårørande som er i ein krevande livssituasjon
Du har god fagleg vurderingsevne, og arbeider strukturert og målretta
Du tar initiativ og du arbeider sjølvstendig
Du bidrar til eit godt arbeidsmiljø
Du kan delegere og følge opp delegerte oppgåver

Vi tilbyr

Løn etter avtale 
Eit aktivt og triveleg arbeidsmiljø
Høgt fagleg nivå
Tett samarbeid med andre seksjonar i KSK og med ulike avdelingar på sjukehuset
Avdelinga har utdanningsutval for legene og også felles undervisningar
Gode pensjons- og forsikringsordninga

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Katrin Sigurdardottir, Seksjonsoverlege, 93260266, katrin.rut.sigurdardottir@helse-bergen.no
Monika Kvamme, Seksjonsleiar, 41869693, monika.kvamme@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4949143323
Stillingsprosent: 100%
Fast
Startdato: 01.08.2025
Søknadsfrist: 27.04.2025

Informasjonskapsler på arbeidsplassen.no

Rapporter annonse