Informasjon om stillinga:

Granvin Sjukeheim og Heimeteneste ligg vakkert til ved Granvinsfjorden, omkransa av den nydelege Mælandshagen - tidlegare hagen til Mælands Hotell. Sjukeheimen har 12 langtidsplassar og heimetenesta har ca 35 brukarar, lokalisert i omsorgsbustadar i Mælandshagen og rundtom på bygda elles. Sjukeheimen og heimetenesta samarbeidar tett og på tvers og har eit godt og stabilt arbeidsmiljø. Det er alltid 2 nattevakter på jobb saman i Område sør. Dei har ansvar for pasientane i sjukeheimen og eiga heimesjukepleierute i omsorgsbustadane tilknytt institusjonen. Me ser etter deg som er oppteken og interessert i eldreomsorg, eit godt arbeidsmiljø og som kan gje bebuarar på institusjon og brukarar i heimetenesta ein trygg og god stad å bu. Me er oppteken av at du er imøtekomande, positiv, fleksibel og at du er oppteken av og kan bidra til eit godt arbeidsmiljø.

Me tilbyr:  

Årsturnus
Gode forsikrings- og pensjonsordningar
Løn etter kommunalt avtaleverk og elles tilsetjing på vanlege kommunale vilkår
Tilrettelegging for vidareutdanning og anna kompetanseheving

Kvalifikasjonar:  

Autorisasjon som helsefagarbeidar.  
Gode skriftlege og munnlege norskkunnskapar.  
Gode datakunnskapar. Opplæring i aktuelle fagsystem vil verta gitt .

Søkjer du arbeid hjå oss og har ein partnar som gjer det same, finn du mange og spanande stillingar i Voss herad her. Voss herad - Våre ledige stillingar (easycruit.com)

 Me ynskjer deg som:

Er god på samarbeid
Er fleksibel og ynskjer å ta ansvar
Er ein positiv pådrivar i endringsarbeid og utvikling av tenestene
Er interessert i eldreomsorg

Arbeidsoppgåver:  

Utøva helsefagarbeid som sikrar kvalitet og at brukarane sine rettar vert teken i vare
Dokumentera helsehjelp i Gerica
Bidra til at interne og eksterne prosedyrar vert følgt
Bidra til godt samarbeid med brukar og pårørande
Ansvarleg for å halda seg fagleg oppdatert
Implementera velferdsteknologi

Gyldig politiattest må leggjast fram ved tilsetjing

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ber om at du lastar opp vitnemål og attestar i søknaden.

Link til søknadsskjema: Søk her

Vi bruker cookies

Rapporter annonse