Me søkjer ein engasjert og tydeleg leiar som vil vere med å vidareutvikle ein god skule – til det beste for elevar, tilsette og lokalsamfunnet.

Om stillinga

Fjellgardane skule ligg på Hovden i vakre Setesdal og er ein 1–7 skule med om lag 40 elevar og 15 tilsette.

Som rektor får du ei sentral rolle i utviklinga av skulen og læringsmiljøet. Du blir ein del av eit tett samarbeid med barnehageleiar, kultur- og fritidsleiar og kommunalsjef.

Kvifor velje Fjellgardane skule?

Hos oss får du:

Ei meiningsfull leiarrolle med stort påverknadsrom
Eit inkluderande og kompetent fagmiljø med engasjerte kollegaer
Ein moderne skule med gode pedagogiske verktøy og fasilitetar
Fast uteskule-dag kvar veke – med læring tett på naturen
Støtte frå ei samhandlande og kompetent leiargruppe
Deltaking i kommunen sitt leiarutviklingsprogram
Løn etter avtale og gode pensjons- og forsikringsordningar
Moglegheit for bustad, bistand til å skaffe bustad og flyttegodtgjersle etter eige reglement
Studielånsordning: Etter eitt år som folkeregistrert i Bykle får du avskriving på 25 000 kr per år (frå 2026)
Tilgang til bedriftsleilegheit i Kristiansand

Arbeidsoppgåver

Leie og vidareutvikle skulen som ein profesjonell læringsorganisasjon
Drive systematisk utviklings- og forbetringsarbeid
Forvalte ressursar slik at ein sikrar trivsel og kvalitet
Ha overordna ansvar for økonomi og personal
Legge til rette for medverknad gjennom inkluderande prosessar
Samarbeide med interne og eksterne aktørar
Skape eit trygt og motiverande lærings- og arbeidsmiljø
Følgje opp vedtekne satsingsområde og avtalar
Andre oppgåver kan bli lagt til stillinga

Kvalifikasjonar

Relevant pedagogisk utdanning / lærarutdanning
Pedagogisk kompetanse og undervisningserfaring
God innsikt i fagleg og pedagogisk arbeid
Leiarerfaring og/eller leiarutdanning er ein fordel
Gode relasjonelle ferdigheiter
Evne til å skape ein god samhandlingskultur
God norskkunnskap, både skriftleg og munnleg

Personlege eigenskapar

Me ser etter deg som:

Er ein synleg og tydeleg leiar som viser retning
Evnar å engasjere og motivere medarbeidarar
Har god fagkompetanse og legitimitet
Byggjer gode relasjonar til elevar, tilsette og føresette
Er inkluderande og opptatt av fellesskap
Er positiv, fleksibel og løysingsorientert
Har god gjennomføringsevne

Ved tilsetting vil det bli lagt stor vekt på personlege eigenskapar.

Praktisk informasjon

Det vert kravd politiattest ved tilsetting
Oppdatert CV, vitnemål og attestar skal lastast opp i vår digitale søkjarportal
Aktuelle kandidatar vert inviterte til intervju
Tilsetjing skjer på dei vilkår som går fram av lover, reglement og tariffavtalar
Det vert trekt 2 % pensjonsinnskot

Bykle kommune er opptatt av mangfald, og me oppmodar alle kvalifiserte til å søkje. Namnet ditt vil normalt bli offentleggjort i forenkla søkjarliste. Du kan be om å bli unnateken offentlegheit, men då må du grunngje dette skriftleg, jf. offentleglova § 25. Dersom kommunen ikkje kan imøtekome ønsket, vil du bli varsla før offentleggjering.

Les artikkelintervju om stillinga her: https://www.personalhuset.no/stilling/fjellgardane-skule

For meir informasjon om stillinga, er du velkomen til å ta kontakt med rekrutteringsrådgivar i Personalhuset Search & Selection, Knut Handeland, tlf. 98 29 52 78 / epost: knut.handeland@personalhuset.no.

Bykle kommune som arbeidsgivar

Kommunen er organisert på tre nivå: kommunedirektør med stab, tre kommunalområdar og sju tenesteeiningar
Kommunen har om lag 190 tilsette
Det er kort avstand mellom leiar og tilsett
Kommunen er ein IA-bedrift

Avstandar

Bykle – Kristiansand: 18 mil
Bykle – Arendal: 20 mil
Bykle – Oslo: 29 mil
Bykle – Stavanger: 33 mil
Bykle – Bergen: 35 mil

Rapporter annonse