Yksnebjør barnehage har ledig 100 % fast stilling som pedagogisk leiar til nyopna småbarnsavdeling. Oppstart i denne stillinga er snarast. I tillegg har vi ledig 100 % vikariat for pedagogisk leiar i perioden 01. februar 2026 til 31.12.2026.

Som vår nye kollega blir du ein del av eit positivt arbeidsmiljø og vil få vere med å bidra til ein kjekk og variert kvardag, med ansvar og leik. Yksenbjør barnehage ligg høgt og flott til med eit allsidig uteområde. Vi har flott utsyn over Dalsfjorden og har nærleik til sjø, skogsområde, bibliotek og sentrum.

Vi ønskjer oss søkjarar som er gode på å bygge relasjonar til barn og deira føresette og som går inn i stillinga med engasjement og initiativ. Høyrest dette ut som deg? I så fall gler vi oss til å få søknaden i frå deg. Ta gjerne kontakt om du har spørsmål om stillinga eller vil høyre meir om korleis det er å jobbe i Yksnebjør barnehage.

Arbeidsoppgåver

Som pedagogisk leiar vil du ha arbeidsoppgåver der du brukar din faglege, pedagogiske og etiske kompetanse for å skape ei ramme der barn kjenner seg som ein del av eit fellesskap; ei ramme der barn får utvikle seg og oppleve meistring. Du vil ha ansvar for å rettleie medarbeidarane på avdelinga di og sjå til at barnehagelova og rammeplan vert oppfylt gjennom det pedagogiske arbeidet på avdelinga.

Kvalifikasjonar

Vi ynskjer at du har utdanning som barnehagelærar.
Annan treårig godkjent pedagogisk utdanning på høgskulenivå er også velkomen til å søkje.
Gode norskkunnskapar - både skriftleg og munnleg.
Den som vert tilsett må legge fram godkjent politiattest.

Om deg

Du har eit godt samspel med barn og vaksne.
Du er ein trygg, tydeleg og omsorgsfull vaksen, med god relasjonskompetanse.
Du har gode kommunikasjons- og samarbeidsevner.
Du har evner å arbeide løysingsorientert i eit travelt miljø og samtidig ha eit godt humør.

Vi tilbyr

eit godt arbeidsmiljø med trivelege kollegaer
løn etter sentralt løns- og stillingsregulativ
gode pensjons- og forsikringsordningar
ein variert og kjekk kvardag

Vi gjer merksam på at søkjarliste med namn, kjønn, alder og noverande stilling i utgangspunktet er offentleg.Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.

Link til søknadsskjema: Søk her

Vi bruker cookies

Rapporter annonse