Vi søkjer ein engasjert overlege med fagleg teft og gode samarbeidsevner til vår poliklinikk i Molde!

Vi har ein livleg arbeidsplass som består av bl.a. overlege, psykologspesialist, sosialarbeidarar med vidareutdanning, spesialsjukepleiar, spesialpedagogar og familieterapeut. TSB avdelinga har per i dag 4 overlegar med spesialitet i rus- og avhengigheitsmedisin. I tillegg er det 6 legar som har starta på LIS-løp (lokalisert både i Molde og Ålesund). Det er tett medisinskfagleg samhandling internt i helseføretaket, samt lokale faglege møtepunkt for legar i avd. TSB.
TSB avd. er oppteken av fagleg utvikling, og har fleire pågåande forskingsprosjekt knyta til PhD-løp. Molde behandlingssenter - langtidsdøgn tilbyr ein behandlingsmetodikk for traume i kombinasjon av narrativ eksponeringsterapi-NET og dialektisk åtferdsterapi -DBT i tillegg til rusbehandling. Vidare satsing tilknytt våre poliklinikkar er implementering av kunnskapsbasert traumebehandlingstilbud til voksne, med fokus på to behandlingsmetoder; Eye Movement Desensitization and Reprosessing (EMDR) og Kognitiv terapi for PTSD (CT-PTSC), noko som er eit samarbeidsprosjekt med Nasjonalt kunnskapssenter om vold og traumatisk stress.

Avdeling TSB gjev tverrfagleg spesialisert behandling til vaksne med rus- og avhengigheitslidingar. Som lege vil arbeidet omfatte utgreiing og behandling av avhengigheitslidingar, men i mange høve inkluderar dette også komorbide psykiske- og somatiske utfordringar. I tillegg gjev avdelinga tilbod om Legemiddelassistert rusbehandling (kjent som LAR). Avdeling TSB HMR er godkjent for utdanningsløp i spesialisering i rus- og avhengigheitsmedisin.

Individuelt tilpassa behandling vert gjeve i form av poliklinisk oppfølging, avrusing (akutt og elektiv) samt differensiert døgnbehandling. Avdelinga består av poliklinikk, avrusning og korttidsdøgn i Ålesund, og poliklinikk og langtidsdøgn i Molde. I tillegg tilbyr TSB eigen poliklinisk oppfølging til pårørande, behandling av spelavhengigheit og behandling av anabole steroider. For å sikre heilskaplege og koordinerte tenestar samarbeidar TSB med ulike eksterne instanser.

Arbeidsplassen er lokalisert midt i Molde by med mange fasilitetar i umiddelbar nærleik. Det er fleksibel arbeidstid, med kjernetid frå kl 09 -15. Du kan velge dagleg arbeidsstad enten i Molde eller i Kristiansund. Det er inga vaktordning og med ei familietilpassa arbeidstid. Tilsetting snarast eller etter avtale.

Arbeidsoppgåver

Mottak, utredning, diagnostisering og behandling av pasientar med rus-og avhengigheitslidingar og komorbiditet
Poliklinisk oppfølging av pasientar med rus- og avhengigheitslidingar, inkludert LAR (legemiddelassistert rehabilitering)
Deltaking i tverrfaglege behandlingsrelasjoner
Sjølvstendig arbeid under veiledning i tverrfaglig team
Bidra fagleg gjennom undervisning, veiledning og teamarbeid

Kvalifikasjonar

Norsk autorisasjon som lege
Godkjent spesialitet innan rusmedisin eller psykiatri, ev med annan aktuell spesialitet
Lege uten spesialisering kan også søkje. For LIS må turnusteneste (LIS del 1) vere godkjent
Du må handtere eit av dei skandinaviske språka munnleg og skriftleg
Du må ha god skriftleg framstillingsevne
Det er ønskjeleg at du har relevant yrkeserfaring og klinisk erfaring

Personlege eigenskapar

Du har gode samarbeidsevner på tvers av profesjonar og yrkesgrupper
Du kommuniserer godt med pasienter og medarbeidere
Du arbeider sjølvstendig, men søkjer råd ved behov
Du arbeider strukturert og målretta
Evne til å sette pasienten sitt behov i fokus
Å vere personleg eigna vert vektlagt
Interesse for nye arbeidsformer innan rusfaget

Vi tilbyr

Eit godt og fagleg engasjert arbeidsmiljø med fokus på tverrfagleg samarbeid
Ein inkluderande arbeidsplass
Gode moglegheiter for fagleg utvikling og delta i forskning
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår
Rekrutteringstillegg
Variert, utfordrande og lærerik teneste
Fleksible ordninger

Vi ber om at attestar og vitnemål vert scanna og lasta opp som vedlegg til din CV.

Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her.

Kontaktinformasjon

Merethe Wenaas, Konst. seksjonsleiar, +47 97580780, merethe.wenaas@helse-mr.no

Arbeidssted

Strandgata 1
6415 Molde

Nøkkelinformasjon:

Arbeidsgiver: Helse Møre og Romsdal HF

Referansenr.: 4861618844
Stillingsprosent: 100%
Fast
Søknadsfrist: 28.02.2025

Informasjonskapsler på arbeidsplassen.no

Rapporter annonse