Voss sjukehus har ledig 100% fast stilling for helsefagarbeidar/hjelpepleiar på Medisinsk seksjon, sengepost.

Stillinga er ledige frå 01.11.2025 eller etter avtale.

Vi har ledig 100% fast stilling for helsefagarbeidar/hjelpepleiar ved sengeposten i Medisinsk seksjon. Vi ser etter deg som ynskjer å arbeida i eit aktivt miljø med høg faglegheit. Helse Bergen satsa på utvikling av helsefagarbeidar/hjelpepleiar og tilbyr eige kompetanseprogram for denne yrkesgruppa. Programmet gjev deg grunnleggjande ferdigheiter i til dømes handtering av infusjonspumpe, PVK og permanent kateter til kvinner. Med kompetansesatsing ynskjer vi å oppnå personlig vekst blant våre helsefagarbeidarar/hjelpepleiarar og skapa eit godt grunnlaget for samarbeid.

Stillinga inngår i todelt vaktordning (dag, kveld) og arbeid kvar 3. helg.

OM AVDELINGA
Medisinsk sengepost er lokalisert under Medisinsk seksjon, og har 20 heildøgnssengeplassar. Det blir behandla pasientar med ulike indremedisinske diagnosar, som til dømes hjarte, lunge, nyre, mage, tarm, hjerneslag, infeksjonar, diabetes og kreft. Sengepostane har nært samarbeid med andre profesjonar i sjukehuset.

OM SJUKEHUSET
Voss sjukehus har akuttberedskap innan indremedisin, kirurgi og ortopedi, føde- og gynekologi. Sjukehuset har høg aktivitet og ynskjer å halde fram den positive utviklinga. Opptaksområdet er på om lag 30.000 innbyggjarar fordelt på seks kommunar. I tillegg kjem det pasientar frå Bergen og kommunar frå Sogn og frå Hardanger.

OM VOSS
Voss har flott natur som gjev særs gode høve til naturopplevingar og aktivitetar for born og vaksne innan ei heil mengd ulike idrettar. Ekstremsportsmiljøet er viden kjent gjennom til dømes Ekstremsportsveko. Nord-Europas mest moderne gondolbane er opna i desse dagar og ligg nokre steinkast frå sjukehuset. Kulturlivet er rikt og variert, og det er eit godt utbygd skuletilbod med to nye vidaregåande skular. Det er god kommunikasjon vestover til Bergen/ Flesland og austover til Oslo.

Arbeidsoppgåver

Pleie og oppfylgjing av pasientar
Observasjon av pasientar (NEWS)
Oppgåver knytt til ernæring, hygiene og generell drift av sengeposten

Kvalifikasjonar

Den som blir tilsett må meistre norsk, svensk eller dansk for munnleg og skriftleg dokumentasjon
Søkjar må ha norsk autorisasjon som helsefagarbeidar/hjelpepleiar

Personlege eigenskapar

Vi tenkjer at du:

Er ein god teamarbeidar
Trivst i eit aktivt og travelt miljø
Likar utfordringar
Har engasjement for fagfeltet/pasientgruppa og ynskjer å vidareutvikla kompetansen din

Vi tilbyr

Opplæring med fadder
Medverknad til arbeidsplan
Deltaking i kompetanseutviklingsprogrammet til Helse Bergen
Eit inkluderande og godt arbeidsmiljø i Medisinsk seksjon og på Voss sjukehus
Løn etter gjeldande overeinskomst

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Stine Hernes, Ass. seksjonsleiar, 56 53 37 35, stine.hernes@helse-bergen.no
Linn Christine Zwartjes De Wolfe, Seksjonsleiar, 95890493

Arbeidsstad

Sjukehusvegen 16
5700 Voss

Nøkkelinformasjon:

Arbeidsgivar: Helse Bergen HF

Referansenr.: 5002291147
Stillingsprosent: 100%
Fast
Søknadsfrist: 27.08.2025

Informasjonskapsler på arbeidsplassen.no

Rapporter annonse