Vil du jobba med noko som verkeleg betyr noko? Me søker ein engasjert og strukturert beredskap- og kvalitetsrådgjevar i nyoppretta 100 % fast stilling. Dette er ei spennande og viktig rolle der du får ansvar for det overordna beredskapsarbeidet i kommunen, samtidig som du bidreg til systematisk kvalitetsforbetring og digitalisering av arbeidsprosessar.

Som beredskap- og kvalitetsrådgivar vil du spele ei nøkkelrolle i å sikre at kommunen er godt førebudd på ulike hendingar og krisesituasjonar. Du vil også jobbe tett med kvalitetsarbeid i organisasjonen, der oppfølging av avvik, forbetringsarbeid og digitalisering står sentralt.

Stillinga vil bli plassert under rammeområdet organisasjon.

Kva får du jobba med hos oss?

Det overordna ansvaret for beredskapsarbeidet i kommunen – du utviklar, oppdaterer og følgjer opp beredskapsplanar, ROS-analyse og krisehandtering.
Koordinering av øvingar og opplæring innan beredskap for tilsette og leiarar.
Oppfølging av kvalitetsarbeid, der du jobbar med avvikshandtering, forbetringsarbeid og kontinuerleg utvikling av tenestene.
Systematisk HMS-arbeid – du har ansvar for risikovurderingar, vernerundar, dokumentasjon og etterleving av HMS-lovverk.
Digitalisering og utvikling av verktøy for beredskap, kvalitet og HMS.
Samarbeid med ulike einingar, regionale og nasjonale aktørar innan beredskap og kvalitet.
Rettleiing og støtte til leiarar og tilsette i spørsmål om beredskap, kvalitet og HMS.
Sikring av at kommunen følgjer lovpålagde krav og held høg standard i tenestene.
Andre oppgåver kan bli aktuelle, avhengig av behov og kompetanse.

Me kan tilby:

Ein jobb med meining og faglege utfordringar som vil gi deg meistring.
Arbeid med engasjerte kollegaer som ønsker at du skal trivast og lykkast.
Moglegheiter for etter- og vidareutdanning i samsvar med vår kompetanseplan.
Moglegheiter for å søka om stipend for relevant kompetanseutvikling.
Støtte og opplæring for å hjelpa deg å komma godt i gong i den nye rolla di.
Kjekke ansattgoder som blant anna gratis parkering, rabatt på treningssenter og tilbod om gunstig mobilabonnement.
Moglegheit for å bli med i bedriftskunstlaget og kommunalt kor (KORe’ Vindafjord).
Ein av Norges sikraste pensjonsordningar: offentleg tenestepensjon.
Forsikringsordningar som gruppelivsforsikring, yrkesskadeforsikring og tenestereiseforsikring.
Lønn etter gjeldande tariff og avtaleverk.

Kvalifikasjonar:

Høgare relevant utdanning frå høgskule eller universitet, gjerne innan samfunnstryggleik, HMS, offentleg administrasjon eller liknande. Lang og relevant erfaring kan kompensere for manglande formell utdanning.
Erfaring med systematisk HMS-arbeid og kjennskap til relevante lover og forskrifter (arbeidsmiljølova, internkontrollforskrifta m.m.)
God kunnskap om og erfaring med beredskap, ROS-analyse og krisehandtering
Kjennskap til kvalitets- og forbetringsarbeid i offentleg sektor
Erfaring med digitalisering og bruk av digitale verktøy for oppfølging av HMS, kvalitet og beredskap
Du må beherska godt norsk, både skriftleg og munnleg. Skriftspråket i kommunen er på nynorsk.

Personlege eigenskapar:

Analytisk og strukturert – Du har evne til å arbeide systematisk, sjå samanhengar og finne løysingar som gir betre tryggleik og kvalitet i organisasjonen.
Initiativrik og sjølvstendig – Du tek ansvar og set i gang nødvendige tiltak utan å vente på at andre gjer det først.
God gjennomføringsevne – Du held framdrift i prosessar og sørgjer for at planverk, tiltak og forbetringar blir følgd opp i praksis.
Evne til å samarbeide på tvers – Du trivst med å jobbe med ulike fagmiljø, både internt og eksternt, og bygg tillit gjennom god kommunikasjon.
Trygg i krevjande situasjonar – Du held hovudet kaldt under press og er ein god støttespelar i handtering av akutte hendingar.
Forbetringsorientert og framtidsretta – Du ser moglegheiter for utvikling og bidreg aktivt til å digitalisere og effektivisere prosessar.
God formidlingsevne – Du kan formidle komplekse tema på ein forståeleg og overtydande måte, både munnleg og skriftleg.

Personlege eigenskapar vil bli vektlagt.

Slik søker du:

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Link til søknadsskjema: Søk her

Informasjonskapsler på arbeidsplassen.no

Rapporter annonse