Accountor Balestrand treng nye medarbeidarar

Accountor Sogn har halde til her i Balestrand sidan 1980-talet, er ni tilsette (herav fem statsautoriserte rekneskapsførarar) og har mange kundar innan ulike bransjar, både små og store.
Lokal tilhøyrigheit og tilgjengelegheit er viktig for oss - Accountor Sogn er 100% lokaleigd - med ressursar og kompetansen til meir enn 2300 kollegaer i sju land, med på laget.Accountor Sogn er lokalt eigd, og er franchisetakar i Accountor.

Vi har trivelege kontor sentralt i Vik og i Balestrand. Vi har i dag 8 dedikerte medarbeidarar der to jobbar i Balestrand og 6 i Vik.
Det er viktig for oss at du trivst på jobben!
Vi har høg medarbeidartilfredsheit og høg kompetanse både fagleg og på systemsida. Vi er svært opptatt av å ta i bruk ny teknologi, og er i teten på dette området.

Ønskjer du å vere med og utvikle næringslivet? Ser du etter ei stilling med utviklingsmulegheiter – og ser du etter ein arbeidsgjevar som kan løfte deg vidare? Då vil vi gjerne høyre frå deg!

Vi har ca 200 kundar lokalt og ellers i landet, av ulik storleik og i ulike bransjar – mange spennande oppdrag. Vi ønskjer å styrke vår satsing ytterlegare, og søkjer Statsautorisert Rekneskapsførar eller ein person som er villig til å lære seg faget med bakgrunn i si utdanning.

Kven er du?
Som person er du forretningsorientert, og du blir motivert av å prestere! Vi ser for oss at du er initiativrik, sjølvstendig og ser løysingar der andre ser utfordringar.
Vidare er du positiv, og likar å byggje og ivareta gode relasjonar både med kollegaer og kundar.

Vidare har du:

Økonomiutdanning på bachelornivå, med god fagleg innsikt i områda rekneskap, skatt og avgift.
God IT-forståing og lett for å forstå og ta i bruk ny teknologi.
God munnleg og skriftleg framstillingsevne.
Manglande formell utdanning kan kompenserast med relevant erfaring eller administrativ bakgrunn.

Og ikkje minst ønskjer du vidare fagleg utvikling i eit hyggeleg og spennande miljø! Har du særlege kvalifikasjonar er det også aktuelt med ytterlegare ansvar utover det som er utlyst i stillinga.

Kva vil jobben bestå i?
Rekneskap frå a til å, herunder ansvar for

Bokføring, dokumentasjon og avstemmingar
Rapportering til kundar
Årsoppgjer, skattemeldingar og likningspapir
Kvalitetsoppfølging av oppdraga

Kva kan vi tilby deg?:

I Accountor blir du ein del av Nord-Europas største kjede innan økonomi- og rådgjevingstenester, i ein bransje som er i ei spennande endring. Du vil få jobbe i eit sterkt fagleg miljø, omgitt av dyktige og framtidsretta kollegaer med ulik bakgrunn.
Vidare kan vi tilby:

Interessante og utfordrande oppgåver
Mulegheit til å bli Statsautorisert Rekneskapsførar
Moderne løysningar til våre kundar og dermed ein meir spennande jobb for våre medarbeidarar
Ein jobb som byr på varig personleg utvikling
Fleksible arbeidstidsordningar

Vi kan også tilby konkurransedyktige vilkår, eit godt arbeidsmiljø, sosiale arrangement og kollegaer som vil jobbe ilag for å levere framtidas tenester til våre kundar!
Høyrest dette ut som noko for deg? Send inn din søknad med motivasjonen du har for stillinga, samt oppdatert CV. Vi gler oss til å høyre frå akkurat deg!
Arbeidsstad:
Vi har kontorlokale i Balestrand og i Vik i Sogn. Arbeidsstad vil bli avklart etter ønskje, eventuelt i ein kombinasjon. Kvifor ikkje prøve nye utfordringar i vakre Sogn?
Søknader vert behandla fortløpande.

Informasjonskapsler på arbeidsplassen.no

Rapporter annonse